تزوجت ارمل
انت في الصفحة 1 من 24 صفحات
ارمل ! عايزة تجوزينى ارمل يا ماما لا و مش بس كدا دا كمان اب ل 3 اولاد !
كانت بتتكلم و ملامحها باين عليها الصدمة و الڠضب
قربت منها و حطت ايدها على ضهرها بحنان
هو بايده يا حبيبتي ان مراته ماټت
بصتلها پصدمة و دموع محپوسة
و انا ذنبى ايه ان اول بختى يكون واحد متجوز و أب ! ذنبى ايه !
وطت راسها بكسرة و سكتت
ياااه ! للدرجادى الاجابة صعبة
رفعت راسها و بصتلها بدموع
يا حبيبتى انتى كبرتى كل ال قدك اتجوزوا و خلفو ما ينفعش تدلعى و تدللى على العرسان زى زمان .. البنت يا عين امك كل ما بتكبر فرصتها ف الجواز بتقل و انتى بقى عندك 28 سنة .. و العرسان مش زى زمان كل واحد بيفكر يتجوز بيجرى على واحدة صغيرة لسه ف التعليم .. هستنى لما تقعدى جنبى
قاطعتها بسرعة
قطع لسانى قبل ما يقول كلمة تجرحك مش قصدى والله يا قلب امك
لجأت لسلاح الامهات و اتكلمت بحنان و مسكنة
انا خاېفة عليكى لا انا و لا ابوكى هنعشلك و اخواتك كل واحد ف بيته هييجى يوم و تلاقى نفسك وحيدة و انا مش عايزاكى تحسي ب كدا عايزة اشوفك ف عصمة راجل يآنس وحدتك و يحميكى و يكونلك عيل يشيلك لما تكبرى
يعنى عشان قواعد حطها المجتمع اتجوز اى حد
اتكلمت بهدوء و مسحت على شعرها
و مين قال انه اى حد مؤيد راجل محترم و ابن ناس و عارف ربنا و انا متأكدة انه هيشيلك ف عنيه
رفعت راسها و لسها هتتكلم قاطعتها بهدوء
اقعدى معاه و اتكلموا و صدقينى هترتاحيله و هتتأكدى من كلامى هو جاى انهاردة بعد العشا صلى و اقعدى معاه و اللى ف الخير يقدمه ربنا
مسحت وشها بايدها و رفعت وشها للسما
يا رب نور بصيرتى يا رب
قامت اتوضت و صلت المغرب و فضلت تصلى بعدها و تدعى ربنا انه يخفف على قلبها و ټعيط لحد ما حست براحة .. خلصت صلاة و قامت تساعد امها لحد ما العشا اذنت و دخلت تصلى و هى بتلبس سمعت الجرس بيرن بدأت تتوتر و قلبها يدق جامد
اهدى انت مالك بتدق كدا ليه .. عريس زى اى عريس
خدت نفس جامدت و خرجته
دخلت امها و بصتلها بحنان
يلا يا هاجر تعالى خرجى العصير
مشيت معاها بهدوء
حاضر يا ماما
دخلت بالعصير و عنيها ف الارض كان قلبها بيدق و مش فاهمة سبب التوتر بس حاسة براحة ما حستهاش قبل كدا
السلام عليكم
و عليكم السلام ورحمه الله وبركاته
صوته فيها بحة مميزة حبيتها .. حطت العصير ع الترابيزة و قعدت جنب والدها كان بيتكلم مع ابوها و عرفت انه جاى لوحده حست انه شخصية اجتماعية واثق من نفسه و لبق ف الكلام دا كله ما كانش غريب عليها ان واحد ف سنه اكيد اكتسب خبرة مش غريب الشخصية دى على سنه و هنا اتاكدت انه كبير و اكيد ف اواخر التلاتين او على ابواب الاربعين
وصل تفكيرها لهنا و الحزن بان على وشها انا تتجوز واحد كبير عنها بعقد كامل او اكتر تفكير غير التفكير و اكيد عقليه مختلفة و هيبقى التفاهم بينهم صعب بسبب فرق العمر
فاقت من سرحانها على صوت والدها و هو خارج من الصالون عشان يسيبهم مع بعض
فضلت باصة للارض ما رفعتش راسها و سكون كامل ف الاوضة
كرر انه يكسر الصمت دا و حمحم
احمم هتفضلى باصة للارض كدا كتير
.......
على فكرة دى رؤية شرعية يعنى من حقك تشوفينى و تسألى على ال انتى عايزاه
.....
اتعدل ف قعدته و اتكلم بهدوء
طب انا هتكلم عن نفسي انا مؤيد مهندس كهربا بشتغل ف شركة و دخلى كويس .. طبعا انتى عارفة انى كنت متزوج قبل كدا و زوجتى اټوفت بعد زواجنا باربع سنين و سابتلى تلت اولاد يزن و يامن و سجدة
تحبى تسألى على اى حاجه !
دا كله بتسمعه من غير ما ترفع راسها و لا بصتله بس الغريب انها حستله براحه و كان عندها قبول انها تسمعه لحد ما سألها هزت راسها بنفى
قام وقف
طب انا هستأذن و مستنى ردك و اتمنى انك توافقى
سابها و خرج و هى قعدت تانى مكانها تفكر ف كلامه و احساسها و هى قاعدة معاه و ازاى كانت مرتاحة ليه بس كل ما تفتكر سنه و اولاده تزعل و تتلغبط قررت تنهى الصراع دا بانها تصلى استخارة ..
خارجة من الصالون و قابلت والدها كان داخلها
ها يا حبيبتي موافقة و لا لا !
اتكلمت بهدوء
هصلى استخارة با بابا و ارد على حضرتك
ابتسم ماشي يا حبيبتي ربنا يريح قلبك با رب
وطت على ايده باستها
تسلم يا بابا عن اذنك
دخلت اتوضت و صلت .. حست بعدها براحة بس خاڤت توافق فضلت طول الليل تصلى و صحيت تانى يوم حاسة براحة اكتر و انها موافقة
دخلت عليها والدتها
صباح الخير يا حبيبتى
ابتسمت صباح الخير يا ماما
قعدت جنبها و طبطبت عليها
ها يا حبيبتي ايه الاخبار
ابتسمت اللى تشوفوه يا ماما
بفرحة يعنى موافقة !
ضحكت ايوا يا ماما موافقة
فضلت تزغرط و قامت حضنتها و راحت لوالدها تقوله ردها و بدوره كلم مؤيد و بلغه موافقتها .. فرح مؤيد و طلب منه ان كتب الكتاب يكون بعد يومين هاجر عرفت و اټصدمت و رفضت بس امها اقنعتها و فعلا جه معاد كتب الكتاب مؤيد بعتلها فستان رقيق جيراى و طرحة نفس اللون مع تاج رقيق و بعتلها ميكب ارتيست لبست و جهزت و كان جواها خوف و رهبه مع فرحة غريبة بعتولها تمضى مضت و جواها خوف كانت تتمنى تتراجع عن قرارها بس خلاص مضت و بقت مراته الكل
