بعد الصبر جبر كامله بقلمRahma Mohamed
انت في الصفحة 1 من 6 صفحات
_ من جبروت حماتي عليا عملت
الحلقه الاولي
السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
_ وفي يوم كانت قاعده هي وشهد اختها اللي عندها 20 سنه مع عمها ومراته اللي زعق فيهم وقال..
عادل
تقعدو فين لوحدكم وبعدين البيت اللي انتو عايزين ترحو تقعدو فيه ده بتاعي انا كنت سايبه لابوكم لله في لله وابوكم خلاص الله يرحمه يبقي تخليكم هنا لحد ما تيجي شيله تشلكم وارتاح منكم..
اومال طبعا يا حج عادل هما عايزين الناس تاكل وشنا يقولو سايبين بناتهم عايشين لوحدهم..
شيماء
احنا بس ما كناش عايزين نتقل عليكم يا مرات عمي..
نعمه
تقل ايه يا بت انتي انتو هتقعدو هنا بلقمتكم انا عايزه كل حاجه في البيت ده انتو تعملوها تقسموها مع بعض ويا ويلكم لو حاجه نقصت من شغل البيت..
نعمه
انتي مش سامعه يا بت ما تقومي تفتحي الباب يلاا قومي..
شهد
حاضر يا مرات عمي هفتح اهوو..
_ وراحت شهد وفتحت الباب وكانت ست كبيره واقفه وبصت لشهد من فوق لتحت وقالت..
روحيه
انتي بت المرحوم سيد يا بت..
شهد
دخلت روحيه وقالت
انا الحجه روحيه مرات المرحوم خيري كبير الحته بس شكلك انتي الصغيره اصلهم قالولي ان الصغيره شكلها مش حلو واختها الكبيره زي البدر المنور..
شهد بهدوء
انا هدخل اندهلك مرات عمي بعد اذنك...
روحيه
لا انا داخله وعارفه الطريق اللي عايزاه لوحدي..
_ودخلت فعلا ولما شافها عادل ومراته قامو بسرعه وسلمو عليها وباسو علي ايدها وقال عادل..
اهلا اهلا يا ست الناس وانا اقول البيت منور ليه اتاري البركه كلها عندنا..
روحيه وهي بتبص لشيماء
منور بصحابه يا اسطي عادل..
نعمه
اقعدي يا ست الناس وقوليلي تحبي تشربي ايه ولا نجهز غدا..
روحيه
لا غدا ايه ربنا يجعله عامر انا بس عايزه اشرب شربات..
نعمه بعدم فهم
ايه شربات اا انتي تقصدي ايه يا حجه روحيه..
اقعدي بس انتي وجوزك ما تقفوش فوق راسي وانا هقولك قصدي ايه..
قعد عادل ومراته وقال
ادينا قعدنا اهو يا حجه روحيه خير ان شاء الله..
روحيه
انا كنت بدور علي عروسه لاحمد ابني البشمهندس والكل قالي علي اسم النبي حارسها بنت اخوك وقالي الحته كلها بتقول ما فيش في جمالها اتنين..
فرح عادل ومراته وقال
ده احنا يزيدنا شرف والله ده احلي خبر سمعته في حياتي قومي يا بت يا شيماء بوسي علي ايد الحجه روحيه حماتك..
ادايقت شيماء وقالت
لا انا مش هبوس علي ايد
حد وبعدين مين قالكم اني موافقه..
قام عادل وقال بعصبيه
انتي بتقولي ايه يا بت انتي هو انتي اټجننتي ولا ايه..
روحيه پحده
عندك يا عادل هو انت عايز تمد ايدك علي مرات البشمهندس احمد ده انا اكسرهالك انت بس فهمها بالراحه..
وطلعت فلوس كتير وقالت
وامسك الفلوس دي تجيبلها كل حاجه تخص العرايس واللي عايزه اطلبه وما تتكسفش المهم. تكون علي يوم الخميس جاهزه عشان كتب كتابها ودخلتها وتقديرا للمرحوم سيد ابوها مش هنعمل فرح..
عادل اخد الفلوس وقال
اصيله يا حجه روحيه واحنا تحت امرك والله في اللي انتي تطلبيه...
قامت روحيه وقالت
هقوم انا بقي اتكل علي الله واسمع مرات ابني لو حد لمس منها شعره واحده هزعل..
نعمه
الا يا ست الناس هو احنا برضو نقدر نزعلك..
قربت روحيه من شيماء وقالت
انتي شكلك قويه وده اللي عاجبني فيكي اكتر مرات ابن روحيه لازم تبقي قويه سلام يا مرات ابني..
_ قالت كلامها ومشيت وعادل بص لشيماء وقال..
عادل
والله وطاقة القدر اتفحتلك يا بت يا شيماء..
شيماء بدموع
انا مش عايزه اتجوز انا عايزه اقعد هنا مع اختي واعملكم كل اللي انتو عايزينه..
نعمه قعدت جنبيها وقالت
يا بنتي اختك هتقعدلك العمر كله ما هيجيلها نصيبها وهتتجوز هي كمان وبعدين احمد ابن الحج روحيه ده بنات الحته كلها بتتمني بس يبصلهم..
شيماء
انا مش هسيب اختي خلوني اتجوز واخدها معايا..
عادل پحده
تاخديها معاكي فين يا بت انتي اختك تقعد في
