قصة حقيقية

القصه دي قصه حقيقيه اغرب من الخيال ورساله لكل بنت بتتمنى شخص معين 
عارفه لو اختنا دي دعكت مصباح علاء الدين مش هايحصلها اللي حصل !
وطبعا امر مفروغ منه ان الاختلاط لغير ضرورة او مخالفة شرع الله ف العلاقه بين الجنسين حرام
انا حابة احكي قصتي مع الذكر هي الحقيقة مش قصة واحدة هي يعتبر سلسلة من القصص وكلهم متعلقين ببعضانا دايما بشوف ع الاكونت بتاع حضرتك قصص كتير لناس بعتهالك انا مش عارفة بيبعتوا فين بس انا هبعتها هنا واتمني توصل
انا الحقيقة كنت داخلة الكلية مش عارفة اي حاجة عن الاسلام غير الصلاة وكنت كمان مش منتظمة وكنت بصوم في رمضان والحمد لله كان لبسي بناطيل ويوم ما بغير كنت بلبس جيبة كتغيير يعني لبسي كان اشبه بالتبرجقضيت الترم الاول كله وانا ع الحالة دي ومكنتش مرتاحة خالص من جهة الكلية اللي دخلتها مكنتش رغبتي ومن جهة حالتي النفسية اللي كانت متدمرة من كل حاجة حواليا وفجاءة مع بداية الترم التاني قابلني حد غيرلي حياتي بالمعني الاصح قلبهالي هو كان معايا ف الجامعة عضو هيئة تدريس وقدرا عرفت انه من بلدنا والاغرب طلع يعرف حد قريب لينا خالص المهم الموضوع في الاول كان اعجاب جدا جدا وكنت بدور ع كل حاجة خاصة بيه ب اشوفه بيحب ايه وبيكره ايه وده كله طبعا ميعرفش وميعرفش للنهاية يعني تقدر تقول كدة حب من طرف واحد المهم عرفت ان عيلته وهو متدين شوية واخواته مختمرين وناس متواضعين جدا وكنا داخلين ع رمضان ولبس البناطيل طبعا خلاص كبرت والمفروض عرفت انه بيضيع الصيام فقولت أمنع بناطيل ولبسي كله اتحول وحياتي اتحولت مش لبسي بس بقيت بدعي دايما ان ربنا ييسرله الحال ويرزقه زي ما ربنا بعته ليا انه كان سببب في هدايتي وطرحتي طولت 

خلص الترم وخلاص داخلين على سنة تانية وانا كل يوم بدعي وبحوقل وبقرا بوستات لاجابة الدعاء وبدعي دايما بان ربنا يجمعنا لو ده فيه الخير بعد كدة اتعلمت عبادة قيام الليل وكنت بقيم الليل كل يوم واقعد ادعي انه يكون من نصيبي ده كله الترم الاول في تانية لغاية آخر الترم النتيجة ظهرت وطلعت بتقدير عالي جدا وكان اول ترم ارتب فيه ع الدفعة الحمد لله فتحت الفيس قدرا وببحث ع صفحته كنت متابعاه من ورا ورا واتفاجي ببوست منزلة انه خطب قلبي انشطر نصين بمعني الكلمة وبعدين فكرت خلاص قولت انسان بالمكانة دي وعيلته واصلة وميعرفش اصلا اني بفكر فيه اكيد مش هيبصلي وخلاص فقدت الامل وقولت الاولي اشوف مصلحتي وانتبه لدراستي احسن وبالفعل ده اللي حصل وكنت دايما بدعيله واقول يارب اللي خطبها تبقي حنينة وتعرف تحافظ عليه وتستاهل