سندريلا في بيتي الجزء الثاني

ابني الحجز وادعي إن كل واحد فالقسم دا يلاقي شغل بعد الليلة ما تنفض.
وقف المأمور ورأى جميع النسوة يجلسون في أحد الاركان بينما جلست آلاء في الجهة المقابله منهم وتعجب المأمور من الصمت السائد بين النسوة التي لا تكف احاديثهم أبدا فولج إلى الداخل وأقترب من آلاء التي جلست تحدق في اللاشئ ويبدو عليها الحزن التام جلس المأمور بجانبها وقال

_أنا عارف إن أي اعتذار عن اللي حصل لك مالوش قيمة قصاد اللي حصل معاك بس عاوزك تعذرينا إحنا فالأول والآخر بنفذ القانون اللي لو واحدة غيرك ملهاش كل العزوة دي مكانك واتحبست لنفس التهمة الموجه ليك كان زمانها بتتحاكم على اللي عملته ومكنش حد هيتحرك علشان يدافع عنها لأنها غلطت فبنت سفير والكل حتى الرأي العام هيطلب إنها تخضع للمحاكمة.
أومأت آلاء بتفهم للمأمور فوقف وقال
_والدك فوق ومعاه تلت محامين ووزير الخارجية والسفير ووزير الداخلية. 
زفرت آلاء وعقلها بعيد كل البعد عن مكانها فهي تفكر في أمر نبيل الذي مضى على احتجازها أكثر من ساعتين ولم يأتي اليها وما أن ولجت إلى غرفة المكتب حتى أسرع إليها اخويها فشرعت آلاء في البكاء وصدح صوت والدها يسألها هل مسها أحدهم. نفت آلاء وهزت رأسها يمينا ويسارا وهدأت آلاء من نوبة بكائها وأبتعدت عن شقيقيها ونظرت تجاه والدها وقالت
_أنا أسفة أنا مكنتش متخيلة إني لما انقد التصرفات اللي بقت دخيلة علينا وأحاول اوري الناس الصح إيه فكل تعاملتنا وحياتنا إنه هيزعل اوي كدا ويخلي الناس تزعل إني بلفت نظرهم إن التصرفات دي غلط لكن واضح إن الكل مبسوط بكل حاجة غلط بحاوطنا يبقى هما اللى صح وأنا اللي غلط وأنا خلاص مش هعافر تاني.
شعر آنس بالحزن على شقيقته التى واجهت رفض المجتمع ورأها آسر تتجه نحو السفير ووقفت امامه وقالت بحرج
_أنا بعتذر لحضرتك على كل حاجة نزلتها عن بنت حضرتك وعموما أنا هنزل اعتذار رسمي على الصفحة قبل ما اقفلها واتمنى إن حضرتك تقبل أسفي دا غير اني مش هقف ضد المحضر اللي قدمته فيا ما هو لازم القانون ياخد مجراه.
حدج وزير الخارجية السفير بنظراته فأسرع السفير وقال
_لا ما أنا هكتفي بالاعتذار اللي قولتيه وهتنازل عن البلاغ.
ألتفتت آلاء بعيناها ونظرت إلى والدها بإنكسار وقالت
_لو كنت بنت عادية ومش بنتك أظن ان كان هيبقى مستحيل ان سعادة السفير يتنازل عن المحضر ولا حتى يقبل إني اعتذر ولا كان جالي سيادة الوزرا علشان يساوو لي الموضوع للأسف أنا نفسي عملت الحاجة اللي كنت بنتقدها فالمجتمع علشان كدا مينفعش اسيب الصفحة تنشر أكاذيب أنا بقدمها.
لزمت آلاء الصمت وانتحت بعيدا بينما تحدث الرجال سويا وانتهى الامر بمغادرة آلاء لقسم الشرطة مع تعهد محمود لعدم نشرها أي شىء مرة اخرى واغفل محمود على محاسبة ذلك الضابط بعدما اخبرته ابنته انه لم يفعل الا الصحيح ونفذ القانون الذي خالفته هي. 
عاد جويد الى قصره وبحث بعيناه عن نبيل وتنهد بحزن لعدم لوقوفه بجانب آلاء فصعد الى غرفه ابنه وطرق بابه وولج الى داخل الغرفة ووقف في منتصفها يحدق بأنه الذى تمدد فوق فراشه واقترب منها وقال بلوم
_معقول انت نايم ولا على بالك مراتك اللى اتقبض عليها انت ايه جايب البرود دا منين البنت كانت مرمية فالحجز عارف يعنى ايه حجز الظابط اللى كان هنا بهدلها و.
قاطعه نبيل ببرود وقال
_على فكرة البنت اللى بتتكلم عليها دي أنا ماليش أى صلة بيها ورقة الجواز اللى كانت معايا بإسم ولاء محمود ودى طلعت شخصية وهمية أما اللى أسمها آلاء الإدريسي فأنا ماليش أي معرفة بيها ولا عاوز أعرفها والظابط اللى كان هنا كان بيعمل شغله ولا أنت فاكر إنها علشان بنت الإدريسي كان مفروض عليه إنه يقف يضرب لها تعظيم سلام وعموما أنا خلاص قفلت صفحة ولاء وقطعت الورقة اللى كانت بينى وبينها واه علشان تبقى على علم أنا خطبت.
جحظت عينا جويد بدهشة فهو لم يتخيل أبدا أن تكون تلك هي ردة فعل إبنه بل كان على يقين أنه سيكون أول المسرعين خلف زوجته تملك الحزن من جويد أمام نظرات اللامبالاة التى ينظر بها نبيل فهز رأسه بأسف وقال
_يا ابني إنت واعي لكلامك اللي بتقوله بقى معقول إنت نبيل ابني اللى ربيته على القيم والدين تتجوز البنت وفالاخر تقطع الورقة وتقول مالكش صلة بيها لاء وكمان بتقولى خطبت ودي مين بقى تعيسة الحظ اللي خطبتها يا بيه.
لوى نبيل شفتيه بإبتسامة ساخرة وقال
_خطبت تولين بنت خالتي.
حبيسة غرفتها منذ غادرها شقيقها آنس بعد حديث طويل دار بينهما عاتبها فيه على أكاذيبها المتعددة وأخطائها وصارحته آلاء بحديثها مع والدها قبل أيام بعد أن قام بأخراجهم من غرفته وسألها عن مظهرها الغريب ذلك ولم تستطع آلاء وقتها الخوض في أي أكاذيب جديدة معه فأخبرته بكل شئ