مسلسل العرافة الحلقة الثالثه للكاتب عادل عبد الله 

مسلسل العرافة 
للكاتب عادل عبد الله 
الحلقة الثالثة
وقبل يوم الفرح بأسبوعين وبعد ذهاب فريد الي عمله ومازالت الساعة لم تصل للعاشرة صباحا وجد جرس هاتفهه يرن فنظر فيه ففوجئ باتصال والدته !!! أول مرة ماما تتصل بيا في الوقت ده !! خير يارب .
رد عليها فريد صباح الخير يا ماما خير في حاجة ولا ايه 
أم فريد تبكي ألحقني يا فريد أبوك ماټ !!!
وبعد ۏفاة والده بعدة أيام اتصلت تغريد بفريد لتطمئن عليه .....
تغريد عامل ايه دلوقتي يا فريد 
فريد الحمد لله انا كويس .
تغريد أنت لسه تعبان يا حبيبي ولا بقيت أحسن 

فريد لأ احسن دلوقتي الحمد لله .
تغريد البقاء لله يا حبيبي باين من صوتك انك لسه زعلان !! يا حبيبي باباك الله يرحمه كان انسان طيب وهو اكيد دلوقتي في الجنة أدعيله وحاول تنسي أحزانك علشان تقدر تكمل حياتك وعلشان كمان مامتك تخرج من احزانها .
فريد بابا الله يرحمه كان كل حاجة في حياتي وانا مش متخيل أعيش ازاي وهو بعيد عني .
فريد عندك حق هي فترة وهتعدي ان شاء الله .
تغريد نويت تعمل ايه في الفرح يا حبيبي 
فريد فرح ايه !!
تغريد فرحنا يا حبيبي .
فريد فرح ايه يا تغريد اللي بتقولي عليه ! أزاي أعمل فرح وبابا لسه مېت !!
تغريد وهنعمل ايه يا فريد في حجز القاعة والفستان والبيوتي سنتر اللي حجزناهم ! والناس اللي عزمناهم !!
فريد كل حاجة هتتأجل .
تغريد تتأجل أزاي بعد ما عزمنا الناس كلهم وعملنا كل الترتيبات !!
فريد دي ظروف خارجة عن ارادتنا ومستحيل اعمل فرح قبل مرور سنة علي الاقل من ۏفاة بابا .
تغريد انت بتقول ايه يا فريد !! سنة !!!
فريد ايوه طبعا مش اقل من كده .
تغريد أحنا حتي لو فكرنا نأجل مش معقول ناجل الفرح سنة !!! سنة كتير اوي يا فريد !! 
فريد طيب بعد أذنك مش عايز كلام في الموضوع ده دلوقتي لأن أعصابي تعبانة ومش قادر اتكلم في اي حاجة .
وبعد يومين اتصل توفيق خال تغريد بفريد .....
وقاله ازيك يا فريد يا ابني عامل ايه دلوقتي 
فريد الحمد لله احسن دلوقتي يا عم توفيق .
توفيق كنت عايز اقعد معاك شوية .
فريد حاضر يا عمي تحب اجيلك امتي 
توفيق هستناك النهاردة تعدي عليا في بيت أم تغريد .
فريد حاضر يا عمي ساعتين بالظبط وأكون عندك .
بعد ساعتين ذهب فريد الي منزل أم تغريد وكانت جالسة مع أمها وخالها و قابله خالها بالترحاب 
وقال له أهلا وسهلا اتفضل يا فريد يا ابني