مسلسل العرافة الحلقة الثامنة للكاتب عادل عبد الله

مسلسل العرافة
للكاتب عادل عبد الله
الحلقة الثامنة 
سمع فريد صوت والدته تناديه من سلم المنزل !!!!!
فتح فريد باب شقته ...
فريد أيوه يا ماما .
أم فريد تعالي يا فريد أنزل عايزاك !!!
فريد خير يا ماما فيه حاجة 
أم فريد أنزل تعالي هقولك .
فريد حاضر .
نزل فريد  دخل شقة والدته ....
فريد مالك يا ماما فيه حاجة 
أم فريد شوفت المحروسة مراتك جايبالي ايه 
فريد محاولا أمتصاص ڠضبها أيوه أصلها عرفت أن ضهرك دايما بيتعبك جابتلك حزام طبي لضهرك .
أم فريد أنت بتستهبل يا واد أنت !
فريد ليه بس يا ماما 
أم فريد مراتك بتهزأني وبتعايرني بمرضي يا فريد .

فريد ما عاش اللي يعمل كده يا ماما هي مش قصدها كده ابدا هي  قصدها تجيبلك هدية تنفعك مش هدية تتشال في الدولاب .
أم فريد خد هدية مراتك رجعهالها وقولها مش عايزة منها حاجة .
فريد يا ماما مش هينفع اصل أنا ..
ام فريد تقاطعه من غير اصل ولا فصل يا ابني انا مش هاخد حاجة .
خرج فريد من عند والدته ومعه الحزام الطبي الهدية ولا يعرف كيف سيتصرف !!
وظل يفكر لو تغريد عرفت ان ماما ردت هديتها اكيد هتزعل وتزيد الفجوة بينها وبين امي !! ده غير ۏجع الدماغ بقي وكل شوية هتقولي مامتك ردت هديتي !! ومش بعيد انها كمان ترد هديتي انا كمان لأمها وعمتها !!! أنا احسن حاجة انزل بالحزام الطبي ده أديه لأي واحد صحبي مؤقتا منعا للمشاكل !!! ولما امي تهدا شوية هبقي اقولها متقولش لحد انها رجعت هدية تفريد ولا حتي لتغريد نفسها !! .
بعدما تخلص فريد من هذه الهدية صعد مرة اخري الي شقته فسألته تغريد في ايه يا فريد كل ده عند مامتك !!
فريد أيوه كانت تعبانه شوية وكانت بتكلمني في موضوع .
تغريد تعبانة !! شوفت بقي أن هديتي نفعتها !!
فريد أيوه يا حبيبتي حلوة أوي كل سنة وأنتي طيبة تعيشي وتجيبي .
تغريد ربنا يستر بقي وماما وعمتو يقبلوا هديتك .
نظر لها فريد وهو يكتم غيظه منها 
في اليوم التالي حين عاد فريد من عمله ....
فريد مساء الخير يا حبيبتي .
تغريد مساء النور يا فريد .
فريد مالك يا توتا شكلك متضايق كده ليه !!
تغريد ماما كسفتني ورجعت هديتك !!
فريد كاد أن يجن أمك ردت هديتي !!
تغريد قولتلك ألف مرة مسمهاش أمك أسمها مامتك .
فريد بعصبية أمك ولا مامتك ولا زفت هي أزاي ترد هديتي 
تغريد ماما زعلت من الهدية وقالتلي دي مش قيمتها وكانت فاكرة أنها هتجيبلها هدية دهب أو حاجة محترمة .
فريد بعصبية تصدقي أنا فعلا غلطان هاتي ازازتين البرفين دول ولا عمري بعد كده هجيبلها هدية أبدا تاني !!!
أنتهي موقف