ليلة ملبوسة

لو پتخاف زيي متقراش حكايتي 
انا عثمان من قرية خيبتها في محافظة الدقهليه 
في ليله من ليالي سنيني الغبرة قررت امي العقل المدبر لحياتي وايامي السودة اني اتجوز ! 
برغم اني عاطل اساسا ومش قادر اتحمل مسؤولية نفسي 
لكن كانت بتلح عليا اني اتجوز بنت المعلم حمدان كبير الجزارين عندنا في البلد يهديكي يرضيكي ازاي هفتح بيت وهي ابدا هتجوز يعني هتجوز واني مشيلش هم حاجه 
وهي هتتحمل المصاريف وهتبعتلنا اكلنا وشربنا كل يوم لحد ماربنا يفرجها عليا وبعد تحريات هولمزية مني عرفت انها عايزه تجوزني عشان هي كمان تتجوز 

يعني جوازه لمصلحتها وأن العروسة تبقى بنت الراجل اللي هتجوزني بنته المعلم حمدان على سن ورمح  
هي تتجوز الراجل وانه اتجوز بنته واظن كده التقسيمة حلوة بصراحه معارضتش كتير بالعكس كنت فرحان اني هتجوز في السن الصغير ده بس المشكله ان انا ٢٠ سنة والعروسة عندها ٢٩ سنه يعني مفكرش معاها اني اسيطر وارسم شوية الرجولة بتوعي قدامها لكن ماعلينا المهم ادخل عليها..
يوم ډخلتي كان موافق يوم فرح امي على المعلم حمدان احنا الاتنين ډخلتنا في يوم واحد ومعرفش ليه بس قولت ماشي وماله ميضرش طالما امي شايفه كده يبقى هو كده وفي اليوم الموعود ده كنت صاحي بدري وبسمة والتفائل هتاكل من وشي حتة ومنتعش باحساس جميل اني عريس وان اللي بسمعه وبشوفه في الافلام إياها هيبقى عملي وبين ايديا خلال ساعات 
قايم من النوم بدندن وبغني واخر مزاج وروقان وبحضر الفطار لامي ست البنات ماهي عروسه بقى هي كمان وبتناديني عشان اشهل شوية عشان عيزاني في موضوع مهم بروحلها بصنية الفطار وبحطها ع الطبلية وبقعد في ريحها وبقولها
خير ياعروسة ايه الموضوع اديني جتلك اهو
عثمان انا معتمده عليك اوعى تزعل بنت حمدان ده روحه فيها ياحبة عيني
دي في قلبي وفي رموش وحواجب وعين اللي جابوني ماكفاية توصيات ياما عرفت خلاص ان اللي هعمله فيها هيتعمل فيكي مټخافيش
استحملها ياحبيبي وبلاش تتخامق معاها
اټخانق ايه بس يافاطمة دنا ههريها احضان وبوس وحاجات تانيه ياما اصبري عليا
ياواد اختشي م اللي بتقوله ده مستعجل على ايه اسمعني بس
قولي ياقمر قولي ياعروسة ياعسلية
البت سماح مراتك عندها مشكله بسيطه
دي لو بتنقط مشاكل وعيوب على قلبي زي العسل قال بسيطه قال ولا يهمك ادخل عليها بس وهنبقى زي الفل ان شاء الله
يخربيت الډخله اللي واكله عقلك ياواد افهمني متتعبش قلبي
طب قولي سمعك بس خدي حتة الفجل دي من ايدي يالا ياحلوة افتحي بوقك يامسكره انتي والله انا فخور بيكي ياما ام بتجوز ابنها وبتجوز نفسها في يوم واحد
انت مالك مسروع كده ليه ع الجواز ماخلاص هتتنيل تدخل النهارده بس اسمع