منتهى القسۏة

الفصل الاول 
هو انت اي يا شيخ شايل قلبك دا وحاطط مكانه حجر ازاي ييجي ليك قلب تحبس امك تسع ايام من غير اكل ولا ميه حسبي الله ونعم الوكيل
كلمه كان بيرددها اهل القريه من الموقف الصعب اللي شافوه هو معقول حد يعمل كدا ومش في اي حد دي امه اللي تعبت وسهرت عليه سنين طويله
بعد ۏفاة والدهم ووقفت قدام اعمامهم بكل شموخ عشان حقهم ما يضيعش يكون دا جزاءئها الحكايه بدءت لما زوجة موسي كانت عازمه اهلها

كلهم مش علي اد والدها ووالدتها واخواتها وخلاص دي عازمه اعمامها وخالاتها وازواجهم واولادهم كمان حماتها دي ست صحتها مش اوي يدوب تخدم نفسها بالعافيه وكمان عندها زي زهايمر كدا
من يوم ۏفاة زوجها وهي شالت فوق طاقتها من اهله ومن اللي اخواته عملوه فيها عشان ياخدوا حقوق اولادها
لكن هي وقفت للكل كإنها راجل مش ست ضعيفه ومكسوره وبدءت تشتغل في بيوت شويه وفي محلات شويه عشان تقدر توفر
ليهم كل وسائل الراحه والتعليم لحد ما علمتهم ولدين وبنتين موسي وعمرو و مهجه و زيزي كانت بتشتغل في البيوت في شخص يعاملها كويس
وعشره لا بس ما كانش بيهمها المهم اولادها ما يبصوش لحد ولا يكونوا اقل من حد
ربيتهم وعلمتهم وزوجتهم كمان موسي اتزوج بنت عمدة بلدهم وعمرو لسه خاطب وبيتزوج من بنت غنيه جدا ومش دي المشكلة المشكله في اللي هيحصل في القاعه يوم زواجهم
مش دا المهم دلوقتي المهم ف اللي موسي عمله بالنسبه لزيزي ومهجه زيزي متزوجه من دكتور لان هي دكتوره ومهجه متزوجه من ابن العمده مهندس
نرجع بقي لموضوعنا
انا زهقت يا موسي امك فضحتني قدام عيلتي كلها انا سهام بنت عمدة البلد يحصل فيا كل دا بسبب امك
اهدي بس يا حبيبتي عارف ان اللي حصل مش شويه بس دي امي
بذمتك مش مكسوف من نفسك يا موسي بيه يا رجل الاعمال وانت بتقول علي واحده زي دي امك دا انت كل مره بتعزم فيها
الموظفين بتحبسها في اوضتها لحد ما يمشوا وتيجي يوم مااعزم اهلي تسيبها
وتفضحنا كدا وتخليهم يقرفوا من الاكل حد قال ليها تطلع الاكل ع السفره وتمسك الاطباق بإيديها
خلاص بقي يا سهام اي اللي يرضيكي دلوقتي
اللي يرضيني اني ما اشوفهاش قدامي تعزلها بعيد عني
خلاص انا هدخلها اوضتها علي السطوح واقفل عليها وكدا مش هتشوفيها طول اليوم وانا هبقي احط ليها الاكل
بس انا مسافر بكره الصبح وقدامي كام يوم وراجع هتحطي ليها الاكل من تحت الباب وخلاص
اوووف 
خلاص بقي عشان خاطري
خلاص ماشي لكن بعد ما ترجع لازم تتصرف بقي 
حاضر
وتاني يوم موسي سافر وقفل علي امه وسابها لزوجته اللي حبستها تسع ايام من غير اكل ولا ميه ولما راحت زيزي تشوفها وتطمن عليها بعد زوجة موسي ما قابلتها مقابله مش حلوه
طلعتها فوق السطوح وفتحت ليها الباب وكانت المفاجأة 
يتبع
الفصل الثاني
تسع ايام وسهام حابسه ام زوجها اكل مفيش خالص مايكفي طفل صغير وكمان ماكانتش بتدخل عندها بتدخل ليها الاكل من تحت الباب
لحد ما زيزي راحت تتطمن علي والدتها وسهام قابلتها مقابله مش حلوه وقالت ليها ان والدتها فوق في الاوضه اللي علي السطوح
طلعت زيزي وهي بتهتف بكلمات مش مسموعه واول ما فتحت الباب لقيت والدتها ملقاه علي الارض لا حول ليها ولا قوه
الاوضه عباره عن مكان صغير وكله ورق وزباله المكان مش نظيف خالص والاطباق جنبها مفيش فيها اي اكل خالص ووالدتها نايمه على الارض
مفيش حتي بطانية 
اي دا قومي يا ماما اي اللي عمل فيكي كدا اكيد بنت اللي تحت دي وبدءت تقوم والدتها لكن والدتها فاقده السيطره على الحركه لان يعتبر ما كانتش بتاكل
سهام هي مين دي اللي بنت 
زيزي وكمان جايه ليا برجليكي وفي لحظه كانت زيزي ماسكه سهام من شعرها وبتضرب فيها الناس اتجمعت وفصلوهم عن بعض
زيزي اشهدوا يا ناس عليها هي وزوجها سابوا ماما علي السطوح من غير اكل ولا ميه يرضي مين دا يا ناس حسبي الله ونعم الوكيل فيك يا موسي انت وسهام زوجتك
واخدت والدتها ومشيت 
البعض من الناس بدء يقول
ان سهام بنت عمدة البلد ازاي تعمل
كدا في حماتها
المفروض ماتعملش حاجه زي كدا
حفاظا
علي اسم والدها