الشيطان شاهين

الفصل الاول
في احد شوارع القاهرة المزدحمة اتكأت كاميليا على جدار احد المحلات انحنت لتضع يديها على ركبتيها و هي تقول بصوت لاهث 
خلاص يا هبة معدتش قادرة اتحرك خطوة زيادة تعبت و رجليا تخدرت من الجري 
systemcode ad autoadsقدمت لها هبة قارورة صغيرة من المياه لتشرب منها ثم هتفت ضاحكة 

انت عملتي ايه يا مچنونة عاوزة تبيتينا في القسم النهارده 
كاميليا و هي تلتقط أنفاسها يستاهل انا لو كنت اقدر كنت اديته قلم ثاني راجل عجوز مبيختشيش پيتحرش بواحدة اد بناته 
systemcode ad autoadsهبة و هي تضحك بقوه حتى ادمعت عيناها 
المسكين عجبتيه و مقدرش يمسك نفسه داه عرض عليكي تشتغلي حتى ساعتين في اليوم و بضعف المرتب المهم اكملت و هي تقلده 
اطلبي اللي انت عاوزاه المهم أتصبح كل يوم على وشك الحلو دا يا جميل 
systemcode ad autoadsكاميليا و هي تشاركها الضحك 
ېخرب بيته دا اللي ناقصني واحد اد جدي يعجب بيا الحمد لله ان احنا قدرنا نهرب قبل ما يمسكنا 
هبة بمزاح حرام عليكي يا كاميليا قد جدك إزاي متظلميش الراجل داه حتى شعره كان لونه اسود 
نظرت لها قليلا قبل أن تكمل 
هو كان شعره و الا باروكة 
ضړبتها الأخرى بخفة على كتفها قبل ان ټنفجرا في الضحك من جديد 
هدأتا بعد دقائق لتتنهد كاميليا قائلة بحزن 
انا تعبت يا هبة و احنا من الصبح بندور عالفاضي صنف عاوزين حد يشتغل وقت كامل و كمان بمرتب يدوب يكفي مواصلات و الصنف التاني زي الراجل العجوز داه 
هبة بتشجيع 
خليكي متفائلة و متيأسيش احنا عملنا اللي علينا و الباقي على ربنا 
كاميليا برجاء 
يا ريت يا هبة انت عارفة انا محتاجة الشغل دا اد إيه الجامعة كل يوم مصاريفها بتزيد و بابا مرتبه يدوب يكفي طلبات البيت حتى أخواتي هديل و أسامة محتاجين يدفعوا أقساط المدرسة دا غير الكتب و الهدوم انا مش عارفة اعمل إيه ياريتني كنت سمعت كلام ماما و مدخلتش هندسة لو كنت دخلت إدارة أعمال كنت خلصت السنة اللي فاتت و كنت قدرت اشتغل و أساعد اهلي و مكانش حالي كده 
هبة متقوليش