تأجير

بصي ي خديجه الحل الوحيد علشان تروحي وتحضري فرح اختك هو انك تجيبي زوج تأجير يحضر معاكي فرح اختك وبعدين كل واحد يروح ل حاله وده هيكون بمقابل مادي أو اي حاجه تانيه المهم أنه يوافق 
خديجه. پصدمه زوج تأجير 
انا اسمي نور ودي خديجه صحبتي كانت عايشه مع اهلها بس ابوها طردها من البيت علشان جابت ولد وميعرفوش مين أبوه يعني مجهول النسب واطرت أنها تسافر ل بلد تانيه وتعيش هيا وابنها وتربيه ومن حسن الحظ أن صحبتي مهندسه معماريه وشاطره كمان وشغاله في اكبر شركه في الوسط كله ومعتمده علي نفسها وعايشه هيا وابنها حياه هاديه ومكتفيه بنفسها بدون ما حد يقف معاها ويدعمها حتي انا مش بتقبل مني اي مساعده بس برغم من كده انا واقفه معاها ومش بسبها وكمان بخلي بالي من ابنها في الوقت اللي هيا بتكون في شغلها وقضت 3 سنين بعيده عن أهلها ومحدش بيسأل عليها غير امها جميله واختها مارتين وأبوها وأخوها محدش فيهم فكر أنه يكلمها طول 3 سنين وفي يوم خديجه كانت في شغل بتشرف علي البناء وتليفونها كان مقفول وفي الوقت ده جميله كانت بترن علي خديجه بس كانت مش بترد علشان التليفون مقفول فقلقت عليها وكمان كانت عايزه تبلغها عن فرح اختها مارتين ف رنت عليا ومن حسن الحظ أن في الوقت ده دخلت خديجه وعرفت اني بكلم امها جميله 

خديجه فرحت اووي لما شافت امها رنت عليها وقعدت تسلم عليها وبعد السلامات 
جميله. عندي ليكي خبر حلو اوي ي خديجه
خديجه. بجد ي ماما خير قوليلي 
جميله. اختك مارتين هتتجوز 
خديجه. بفرحه بجد انا فرحانه اووي ل مارتين 
جميله. وتعرفي كمان ابوكي هيرن عليكي في اي وقت علشان يعزمك تاجي علي فرح اختك علشان أهل بيت احما اختك عمالين يسألوا عليكي واحنا بنقول أنها مسافره 
واصروا انك تحضري علشان كده ابوكي هيكلمك 
خديجه. بجد ي ماما متعرفيش انا مبسوطه قد اي 
وفي الوقت اللي جميله كانت بتتكلم فيه مع خديجه ابو خديجه كان بينادي علي جميله واطرت أنها تقفل وبعد ما قفلت خديجه كانت مبسوطه اووي وطايره من الفرحه 
خديجه. نور نور انا مبسوطه اووي واخيرا بعد السنين دي ابويا هيكلمني انا مبسوطه اووي
نور. تعيشي وتبقي مبسوطه ي حبيبتي انتي تستهلي كل خير 
خديجه. تسلميلي ي نور هروح انا بقا علشان اشوف مروان ابني زمانه اشتاقلي 
نور. ماشي ي حبيبتي 
وبعد ما خديجه روحت بيتها وكانت قاعده مع ابنها مروان وكانت مستنيه تليفون ابوها بفارغ الصبر وكانت كل شويه تبص في التليفون علشان اول ما يرن ترد عليه بسرعه في الاخر هو ابوها وكمان وحشها اووي بعد مده غياب 3 سنين واخيرا ابوها اتصل وخديجه اخدت نفس وردت بفرحه وهدوء 
خديجه. الو 
ابو خديجه. الو ازيك ي خديجه
خديجه. كويسه الحمد لله انت عامل اي ي بابا 
ابو خديجه. تمام الحمد لله امك قالتلي انها اتصلت عليكي وقالتلك أن مارتين هتتجوز 
خديجه. ايوه 
ابو خديجه. ف اكيد انتي هتاجي 
خديجه. سوال واحد بس ي بابا 
ابو خديجه. اسالي 
خديجه. بابا انت عايزني احضر فرح اختي واجي عندكم 
أبو خديجة. اكيد ي بنتي بما اني اتصلت عليكي 
خديجه. بفرحه انا مبسوطه اووي ي بابا في اسرع وقت هاجي انا وابني مروان 
أبو خديجة. استني عندك انتي لو هتاجي متجبيش الشيء ده معاكي 
خديجه. شيء اي ده ي بابا ده ابني 
أبو خديجة. ده شرطي علشان تحضري ي خديجه
خديجه. و الفرحه اختفت من وشها وقالت بس ده ابني ي بابا وانا مقدرش اسيبه انا مقدرش استغنى عنه ولا هو كمان 
ابو خديجه. انا قولت اللي عندي سلام 
خديجه. بدموع وانا اللي فكرت اني وحشتك وأنه خلاص كفايه بعد وهرجع تاني ل حضنك انت وماما ومش هبقا وحيده وهرجع ل اهلي تاني واعيش معاهم ي ربي اعمل اي دلوقتي وراحت حضنت ابنها وفضلت ټعيط وتفكر هتعمل اي في المشكله دي 
ي ترا خديجه هتعمل اي وهتوافق علي انها تجيب زوج تأجير ولا لا 
خديجه. بدموع وانا اللي فكرت اني وحشتك وأنه خلاص كفايه بعد وهرجع تاني ل حضنك انت وماما ومش هبقا وحيده وهرجع ل اهلي تاني واعيش معاهم ي ربي اعمل اي دلوقتي وراحت حضنت ابنها وفضلت ټعيط وتفكر هتعمل اي في المشكله دي 
وبعدين ابنها صحي من النوم وفضل يعيط وخديجه راحت مسحت دموعها وفضلت تهدي في ابنها وراحت علشان تعمل ليه يأكل واكلته وغيرت ليه هدومه والولد سكت واخدته في حضنها ونامت ..
عند جميله ومحمد أبو خديجة
جميله. اي اللي قولته ل خديجه ده ي محمد انت عايزها تسيب ابنها ازاي وتاجي ابنها مش هيقدر أنه يقعد من غير أمه وبنتك كمان مش هتقدر أنها تبعد عن ابنها وبعدين ده حفيدك حد يكره حفيده كده بنتك مش هتاجي 
محمد. ده مش حفيدي ي جميله وانا قولت اللي عندي وتاجي متجيش هيا حره وده اخر كلام عندي وسابها ونام
جميله. نامت هيا كمان من كتر التفكير
وفي الصباح
جميله. كانت بتحهز الفطار ل محمد ومارتين و قاسې وبعد ما خلصت تجهيز راحت علشان تنادي عليهم وكلهم قعدوا علشان يأكلوا ومارتين كانت لسه مجتش
محمد. اومال فين مارتين ي جميله 
مارتين. انا جيت اهو ي بابا 
محمد. يلا طيب ي حبيبتي علشان تفطري 
مارتين. حاضر وهيا قاعده بتاكل قالت بابا 
محمد. نعم 
مارتين. انت اتصلت ب اختي خديجه وقولت لها انها تاجي وتحضر فرحي 
قاسې. اتعصب وقال انتي بتقولي اي ي مارتين خديجه مين دي اللي تاجي خديجه مش هتدخل البيت ده بعد اللي عملته 
محمد. بس ي قاسې اسكت واه ي مارتين قولت لها انها تاجي وتحضر فرحك بس شرطي علشان تاجي هو أنها مش تجيب ابنها 
مارتين. لي كده ي بابا كده اختي مش هتاجي وبعدين هتسيب ابنها مع مين هما مش ليهم الا بعض 
محمد. ده شرطي علشان تاجي وخلص الكلام 
قاسې. هو ده الكلام الصح علشان الناس مش يقعدوا يتكلموا علينا ويقولوا امته الولد ده جاء وابن مين واسأله كتير مش هيبقا ليها اول من اخر 
مارتين. انت كمان ي قاسې كده خديجه مش هتاجي ولما أهل خطيبي ياجوا ويسالوا هنقول ليهم اي 
قاسې. عنها ما جات ولو حد سال هنقول أنها مسافره ومش هتقدر تاجي اي حاجه مش هنغلب يعني يلا سلام عندي شغل كتير وسابهم ومشي 
محمد. وانا كمان عندي شغل سلام 
مارتين. قامت بدموع وراحت اتصلت علي خديجه
خديجه. الو ازيك ي مارتين عامله ايه
مارتين. انتي لازم تاجي وتحضري فرحي ي خديجه
خديجه. بابا شرط عليا علشان مجبش مروان معايا هسيبه فين ي مارتين 
مارتين. مليش دعوه ي خديجه اتصرفي وبعدين ده انا اختك الوحيده هتسبيني في يوم زي ده لوحدي

ي خديجه
خديجه. ي مارتين اعمل اي طيب 
مارتين. بعصبية اتصرفي وراحت قفلت مع خديجه 
خديجه. الو الو مارتين وبحزن دي قفلت اعمل اي انا لازم الاقي حل ي ربي ابني من ناحية واختي من ناحيه تانيه اتصرف ازاي حلها من عندك ي رب 
وراحت علشان تجهز وتروح الشركه علشان تشوف شغلها