رسالة الاعضاء
السلام عليكم
أنا شاب عندى ٢٦ سنة مغترب بدولة الكويت من محافظة .... مركز .... من قرية ...
بحب بنت كانت معاى فى الكلية من المركز نفسة ووعدتھا بالزواج وفعلا بنحب بعض والبنت محترمة جدا جدا جدا وملتزمة ومش ھقول أن البنت أستنتنى لما خلصت جيش وسافرت والعرسان بتتقدم ليھا وكدا بالعكس مفيش حد اتقدم ليھا نھائي ودة لاسباب أبوھا راجل متوفى ومعاھا أتنين أخوات بنات واحدة أكبر منھا وواحدة أصغر منھا سمعة أم البنت مش تمام ومعھا أختھا الكبيرة أتجوزت وأطلقت بسبب سمعتھا وأختھا الى أصغر منھا مشت مع واحد وسابت البييت بدون زواج فدى الأسباب الى مخلى محدش متقدم ليھا ...ولكن البنت قمة أدب وأحترام وتدين ومستحيل تعمل شئ غلط ومعترفة بأفعال أمھا وأخوتھا ..بعد ما جھزت شقتى بعت أھل بيتى يتقدمو ليھا وفعلا راحو وعجبتھم البنت جدا كمان وأبوى أبتدى يسأل عليھم وعرف كل شئ عنھم ورافض نھائي أن أتجوز البنت دى قال لو دى أخر بنت فى الدنيا مش ھتاخدھا ..بلغت البنت بقرار أبوى واھل بيتى بكت بالدموع وقالت أمشى ورا كلام أھلك ومتكسرش كلام أبوك وكل شئ قسمة ونصيب أنا حاولت أقنع أبوى واھلى أن البنت كويسة ومحترمة وبلاش ناخد حد بذنب حد رفض حاولت أبعد عن البنت معرفتش روحى فيھا...خدت قرار وصليت صلاة أستخارة وانا فى الكويت أنى ھتجوزھا وبالفعل نزلت من الكويت على أساس أنى نازل أجازة قدام أھلى ومش ھتجوز دلوقتى ورحت لأھل البنت وأتقدمت ليھا رسمى وجبت شبكة بسيطة على قد امكانيتى واتأجرت شقة فى المدينة واتجوزت جواز رسمى على فى حضور أھلھا وانا فقط بدون علم أحد ونعم الزوجة ونعم الانسانة الملتزمة وربنا أكرمنى منھا بولد وزوجتى منعت أمھا واختھا يدخلو شقتھا من بعد الزواج نھائي وقعدت متزوج سنتين أم البنت أضايقت من بنتھا أن ھيا مش بتزورھا أو أن ھيا تروح ليھا شقتھا أشتغل شيطان الام وبلغت والدى بطريقة ما ...أن أنا متجوز ببنتھا من سنتين ومخلف ولد ...وعرفتة طريق الشقة كمان وأبوى حب يتأكد بدون ما يرجع ليا وراح ھو وأمى الشقة على الوصف رن الجرس فتحت مرتى وبھدلوھا بھدلھا ليوم الدين وبلغتنى مرتى بالى حصل وكانو عايزين يطردوھا من الشقة لولا الجيران ولاد حلال ...طبعا نزلت وأخدت أبنى لابوى وأمى قلت يمكن يحنن قلبھم عليا ويرضو بالامر الواقع ولكن رفضو نھائي ولازم أطلق مرتى طلاق بالتلاتة لا رجعة فية ..وانا مستحيل أعمل كدة وأبوى ماشى فى القرية عندنا يقول أبنى متجوز واحدة شغالة رقاصة والبلد كلھا عرفت ..أبوى قال تطلق مرتك ولا لاء قلتلة مستحيل ..راح كتب البيت والارض بأسم أخواتى ونفرنى أنا نھائي من كل شئ وحرم عليا ما ادخل علية بيت ...كدة أكون انا ظلمت أھلى أو ظلمت أمى ...
اعرف رايكم
