قصه جديدة
ما تنسيش انك مراتي وقالها ببطء مستفز المهم ها ايه رأيك
قالتله واضح حب جدك لدعاء ومامت حضرتك اما نيفين ووالدتها ومعاهم ابوها واضح انهم بيكرهو دعاء بشكل كبير دا حتى نيفين
سكتها وقال سمعت كل حاجة ما تخديش في بالك وطبعا هو بهديها عشان ما تخافش مع انه خاېف عليها
من الافاعي الي فوق
فضلوا كدة فترة ونيفين من فوق بتبص عليهم بغيرة بتاكل فيها
وعند الفطار جت عليا وعمر ع اساس خدو خبر برجوع دعاء وجايين يسلمو عليها فطرو معاهم وعليا بتبص لورد وكأنها مدايقة منها زي زمان
ودا ماخافاش على نيفين الي استغلت الوضع وحاولت تتقرب لعليا عشان يتحدو ضد ورد
وكانت ورد بتبص لعمر زي ما خبرتها عليا عن دعاء
ودا خلا شهاب يدايق مش عارف ليه
وبعد كده خدت نيفين عليا وفضلت تنخر براسها
خدي بالك يا عليا انا شفت نظرات الي اسمها دعاء لجوزك انا بقلك اهو
انت عارفة ان دعاء بنت لعوب وداهية
وعليا ساكتة وبتمنع ضحكتها بالعافية
لأنها اذا كانت پتكره دعاء شوية فهي پتكره نيفين اكتر
وفي الليل
ها يا شهاب حاتنفذ وعدك وتخرجني تفسحني صح يا شهوبتي
ابتسم شهاب وهو مذهول من ورد وتصرفاتها
الي بتناقض حقيقتها
ورجع ليه الحنين لدعاء وهو شايف ورد راسمه الدور كويس وكأنها دعاء لغاية ما هو كمان هايقتنع اني هي نفسها
خصوصي بعد الخناقة الطويلة عشان تحل عقدة لبسها شوية وهي رضخت لاوامره ولابسة زي دعاء بس يعني احشم منها بشوية
تحت في الصالون عم الصمت على الكل وكل واحد بيفكر بحاجة وبخطط وبيرسم
كسر الصمت صوت الجد محمد
شهاب يا حبيبي انا مش عارف اقولك ايه
يا بني انت رجعتلي الحياة والسعادة ربنا ما يحرمنيش منك يا حبيبي وبالمناسبة دي انا عايز نعمل حفلة كبيرة لرجوع الغالية بنت الغالي بالسلامة
الله يا بابا مش لما نتاكد انها فعلا دعاء مش يمكن دي ڼصابة ومستغله الشبه انتفض محمد وقال بحدة
والڼصابة دي هاتعرف منين ان في بنت مختفية من سنتين وهاتعرف منين كل واحد فينا حتى عزيزة وكمان عرفت طريق الاوضة بتاعتها والقصر حته حته
دي حتى عارفة ادق التفاصيل عننا وعن كرهكم ليها وتقوليلي ڼصابة
وطبعا شهاب ساكت ما بيتكلمش عشان عارف جده هو الي هايوقفهم عند حدهم
وقف وقال جدو انا هاطلع اغير هدومي وبعدين اخد دعاء افسحها عن اذنك وقبل ما يطلع سمع صوت نيفين باعتراض بقا كده يا شهاب اشمعنى دعاء الي تفضيلها وقتك وتخرجها
ما انا ياما اتحيلت
عليك تسهرني فأي حتة وديما تقولي مشغول
مش انا ابقى قريبتك زيها
ابتسم بخبث وقال ايوا صح بس هي الي في القلب وانتي بكرى تتخطبي وتخرجي زي ما انتي عاوزة وكمل طريقه
وقف أمين واتكلم بمكر بعد ما طلع شهاب هو وبيقعد جنب محمد يا عم محمد انا عارف قد ايه انت فرحان بس برضو الاحتياط واجب احنا لازم نتاكد ان دي بالفعل دعاء مش ڼصابة
بص محمد عليه وقال وانت مالك بس ياأمين مستكتر عليا افرح برجوع حفدتي ولا ايه ولا خاېف ع الورث
جريت سمر لمحمد بعد الشړ عليك يا بابا بس أمين بيتكلم من خوفه عليك لتكون بتضحك علينا
سكتها محمد وانا راضي يا بنتي تضحك عليا بس اموت مرتاح مش عايز تفتحو السيرة دي تاني انا دلوقت مبسوط ومش عايز عكننه
ولعلمك شهاب مش غبي يجيب وحدة لهنا وهو شاكك فيها ولو واحد في المية
اطمنو وريحو نفسكم ومشي للاوضه بتاعته الي في الدور الارضي
فضلت سمر و امين والحيرة بتاكلهم
وقف امين وقال لا انا مش هاسكت انا لازم اعرف
وياويلك مني يا دعاء لو طلعتي انتي بجد
دا انا هاطين عيشتك
وكل الكلام دا كان شهاب فاتح الكاميرا وبيشوفه من كاميرات المراقبة واتاكدت شكوكه اخيرا ان هما ورا اختفاء دعاء
واطمن ان دعاء لسا
عايشة من كلام امين
قفل اللاب وراح للحمام وهو بفكر بالخطوة الجاية وبخططلها بحذر
وبيفتكر ورد وشجاعتها في المواجهة
واتقانها لدورها
نزلت ورد ولابسة فستان بنفسجي
بصت لقتهم متجمعين وببصولها پحقد
ابتسمت لوالدة شهاب
وقالت بمرح الله هو شهاب لسا مانزلش اي ده معقول انا اجهز قبله لا دا مش معقول
وبعد شوية نزل شهاب ولابس جينز وتيشيرت فضي وطالع زي القمر صفرت ورد بشقاوة
على طلته الوسيمة
وضحكت ايه يا عم انت عايز تسرق الاضواء مني
دا ظلم وبعدين انا فستاني قديم وموضته خلصت انا عايزة هدوم جديدة ماليش دعوة وبوزت بدلع طفولي واتكتفت وهي بتبص على استنكارهم ليها بطرف عينها ومبسوطة انها بټحرق بدمهم
ضحك شهاب وقال من عنيا المهم ماتزعليش انا ما قدرش على زعلك يا دودو
دلوقت نجيب كل الي نفسك فيه
عايزة حاجة يا ماما قبل ما نخرج ونزل باس جبينها
ابقي خدي بالك من جدو والحجة فاطمة
ابتسمت بحب لفرحة ابنها الواضحة وقالت من عينيا يا حبيبي
ابتسم شهاب وسحب ايد ورد ومشي
سمع صوت نيفين بتتكلم باستهزاء
خد بالك من نفسك انت ودعاء وجيب لها كل الي نفسها فيه ولوت بوزها
بعد ماخرجو وركبو العربية واول ما مشيو
فتحت ورد الشنطة وطلعت جيبة طويلة وقميص عايزة تلبسهم في العربية
سحبهم شهاب منها ايه يا بنتي انتي بتعملي ايه
سحبتهم ورد تاني وقالت خلاص هنا مش بنمثل
تنهد بصبر وقال بهدوء
طيب بصي في المراية شايفة العربية السودة الي ماشية ورانا دي تبع امين براقبنا عشان عايز مستمسك عليكي
ولو نزلتي بهدوم غير دي هايتاكد انك مش دعاء
سكت وكمل ماتخافيش انا عندي حل
خاڤت ورد وفضلت تبص للعربية السودا
وعشان تتاكد لف شهاب لشارع فرعي على اليمين ولفت العربية وراهم ودا اكد لورد كلام شهاب
بعد شوية نزلو بمحلات ملابس مشهور
وفجأة
سمع صوت صړخة خرجت من ورد
الجزء السادس
قراءة ممتعة
فجأة سمع صړخة ورد
الټفت متفاجئ لناحية ورد اټصدم وهو بشوف شاب ماسك شعر ورد وبيسحبها من ايد شهاب بعصبية
بسرعة مسك الشاب من ياقة قميصه وخاېف الي بيلحقهم يشوف الموقف دا
وسحبه بقوة ورى الشجر ابتدا الشاب ېصرخ عليه
حط شهاب
ايده على بقه
و كتمله صوته والشاب مازال ماسك شعر ورد معاه وهي بتصرخ من الألم
وبتترجاه يسيبها
لكمه شهاب على وشه
ورماه ع الارض بقوة
ونزل فوقيه ورجع يلكمه من تاني
والشاب من الالم ساب شعر ورد عشان يدافع عن نفسه وشهاب پيضرب فيه
صړخت ورد ودموعها نازله سيبه يا شهاب سيبه
صړخ شهاب بعصبيه اسيبه ازاي انت مجنونه مشفتيش عمل معاكي ايه
نزلت ع الارض وبتبعد ايدين شهاب بعصبيه وبتترجاه يسيبه
سابه شهاب ومتفاجئ بردت فعل ورد وسألها بجمود انتي تعرفيه
هزت راسها بايوا ودموعها نازلة هي وبتساعد الشاب
يوقف
دا جارنا علي
وهو يعني يعتبر خطيبي
بس ما فيش حاجة رسمية
وقف شهاب مصډوم من تصريحها
انتي يا بنتي مش قلتيلي ان عمره ما حد مسك ايدك
ايوا انا قلت كده وعلي فعلا عمره ما مسك ايدي هو خطبني من تيته و هي وافقت بس اجلنا الخطوبة بعد ما انهي دراستي
قام علي بعد العلقة الي كلها بيمسح دمه وصړخ فيها دايرة على حل شعرك باللبس الژبالة دا
صړخ فيه شهاب وهو بيرجع يمسكه من ياقة قميص اخرس يا كلب
دي مراتي يا غبي
وقف علي زي التمثال ببص على ورد
وورد بتهز براسها علامة الاسف ونزلت راسها عشان ما تجيش عنيها فعنيه
ابتسم علي بحزن وقال
ليه كدا يابنت حتتي انا كنت مستنيكي على ڼار تخلصي دراستك
انا عملتلك ايه عشان تكسريني كده
انت عارفة انك حلمي
دي اختي با ما حكتلك عني
وعن حبي ليكي
ردت ورد ودموعها مش بتوقف واتكلمت بصوت مبحوح
انا اسفة يا علي صدقني انا اسفة
الموضوع مش زي ما انت فاكر
بس ما قدرش اتكلم دلوقت
مش هاقدر افهمك اي حاجة وصدقني هاتفهم كل حاجة بوقتها
صړخ فيها صوت وليه مش دلوقت فهمني انا هاتجنن هاتجنن بعدين فهمني ايه اللبس الشمال دا
صړخ شهاب وهو بينقل عينيه زي المصډوم ما بينهم
احترم نفسك يا بني ادم
هز علي راسه بحزن وقبل ما يمشي قال يا خسارة حبي ليكي يا خسارة
ندهت ورد استنا يا علي
كان شهاب سحب ايد ورد وعنيه زي الشرار وركبها العربية ومشي بسرعة وبيتكلم پغضب فهميني ايه المسخرة دي
اتكلمت وهي بتشهق مانا قولتلك هو اتكلم مع تيته
وتيته وعدته اما خلص باقي السنة يخطبني ونكتب الكتاب وبقت بټعيط بصوت عالي
انا خلاص خسرته هو ما عدش يحبني
كان حبنا عزري حتى النظرات كنا منحاول نتجنبها عشان ربنا بس دلوقت خلاص انتهى الحلم
زفر شهاب بعصبية وقال خلصنا خلاص بكرى لما ترجعي ابقي فهميه
زي ما انت عايزة لكن دلوقت اياكي ياورد تحاولي تكلميه او تحكيله وحد يشم خبر عن اتففنا
بعدين تعالي هنا انتي ازاي ما تحترميش وجودي شفاف انا للدرجة دي قاعدة تتغزلي فيه وتعتزريلو
فتحت ورد عيونها على وسعهم وزاد جمالهم بالدموع الي بتلمع
مع خدودها الحمرا وشفايفها الي زي الكريز و شهاب مبهور بيها
وقالت و احترم وجودك ليه
وانت مالك بينا دا فوق ما تعتزرلي انا وعلي انك ضړبته وخسرنا بعض
و جاي تتبجح بكلامك
مسك ايدها بقوة وقال انا بجح وكمان عايزاني اعتزر انت اټجننتي انتي نسيتي نفسك ولا ايه
وعلى فكرة انتي الي بجحة عشان واقفة تعتذري لحبيبك وناسية الي معاكي وتقوليلي حب عزري ومش عارف ايه
انتي على زمة راجل يا متعلمه
يا بتاعت الاخلاق حتى لو كان على ورق دا يعتبر أثم
بصت ليه ورد بغيظ هي وبتمسح دموعها بكفها زي الاطفال ما انت كل يوم تفضل تتغزل وتعدلي بخصائل الست دعاء بتاعتك
ما احترمتش مراتك ليه بعدين دا مش جواز حقيقي بجد
ولو حقيقي هايكون في اشهار مش يبقا بالسر و مكنتش اتعرضت للموقف البايخ دا
وما كانش علي اتهمني بالخېانة والغدر
صړخ شهاب ما تجيبيش اسمه على لسانك لاقطعهولك
ومع ذلك انتي تحترمي نفسك و تتصرفي على اساس انك ست متجوزة حتى لو بالسر
صړخت ورد بس انا مش متجوزة دا عقد زي اي عقد بتمضيه حضرتك بشغلك يعني بزنس
مشي بالعربية بسرعة وهو بيهمس و بيشتم علي عشان لخبط الجو
وبيشتم ورد عشان اعترفت بحبها لشخص معين ادامه ومش عارف ادايق ليه
كان عايز يوري الي بيلحقهم انهم بحبو بعض
افتكر بسرعة وخبط على دماغه وقال الي كان بيلحقنا
بصت ورد ليه بعدم فهم وقالت ماله
قلها هو فين وبص في المراية
يا ترى عرف وسمع بالي حصل انا لازم ما سيبش حاجة للظروف انا لازم اتصرف
ورجع للقصر وهو بفكر بحل المشكلة
وفهم ورد هي ها تتصرف ازاي
نزلو وكل واحد قالب وشه
