عند باب المستودع إنهم يسمعونك

الساعة 6 صباحا الميعاد اللي عدينا فيه انا و جدي من عند مستودع الانابيب المهجور كنا راكبين انا وجدي علي الكارته و معانا فاكهة بنبيعها لكن لقيت جدي وقف فجأة قدام المستودع و هو بيبص ناحيته باستغراب و كأنه شاف حاجة سألت جدي استغراب و تعجب 
في أيه يا جدي .. مالك وقفت ليه ! 
جدي فجأة نزل من علي الكارته من غير ما يرد عليا و راح ناحية المستودع أستغربت أكتر من جدي لما مردش عليا نزلت انا كمان و رحت وراه لكن فجأة الحصان اللي في الكارته هيتحرك لوحدوا بالكارته رجعت بسرعة ومسكته ووقفته وبعدين بصيت ناحية جدي و المستودع لقيت جدي بيمسك في حاجة قدام باب المستودع المستودع كان بابه جرار قديم و كان مفتوح لحد نصه بس أنا استغربت من جدي لما لقيته رافع جلابيته من تحته و بيمسك حاجة وبيحطها فيها لما ركزت شوية مع اللي بيمسكه اټرعبت 

قبل ما كملكم الحكاية اعرفكم بيا الاول انا منير كان عندي ساعتها 12 سنة انا دلوقتي عندي 24 سنة والكلام دا كان في 2012 كنت مع جدي عاطف تاجر الفاكهة و كنت دايما و انا صغير بروح معاه في الكارته تعالوا اكملكم ايه اللي حصل و ايه الشئ اللي كان بيمسكه جدي عند المستودع ! شوفت جدي بيمسك في حاجات و بيحط في تانيت الجلابية بتعته اللي كانت واسعة لما ركزت علي الشئ اللي بيمسكه جدي لقيتها أرانب ! جدي قاعد بيمسك في أرانب مش عارفة جايا منين والغريب ان تانيت الجلبية بتعته بتشيل كل اللي بيحطه مشيت ناحية جدي بسرعة علشان اعرف أيه دا !! لكن لقيت جدي جاي عليا و هو سعيد جدا و بيقول 
فرجت بدري يا منير .. يلا بينا نروح بلاها بيع النهاردة .
أستغربت من كلامه و قلتله 
نروح ايه يا جدي احنا لسه بعنا حاجة ! 
يلا خلاص اتعشت كده .. مش شايف خير ربنا . 
جدي خلاني بصيت في تانيت الجلابية بتعته لقيت ارانب كتير صغيرة في تانيت جلابيته روحنا انا وجدي و احنا في غاية السعادة من كمية الارانب اللي معانا جدي دخل علي جدتي و هو تاني الجلابية بتعته و بيقولها  
فرجت يا فوزية . 
جدي فرط جلابيته و اټصدمت لما نزل اللي فيها جدي نزل من حجره قوالب طوب ! كنت في حالة من الصدمة اللي كان في حجر جدي قوالب طوب مش أرانب ! جدي كان مصډوم و هو بيقول  
فين ألارانب .. الارانب راحت فين 
جدتي قامت من مكانها بأستغراب و قالت  
أرانب أيه يا عاطف .. دي قوالب طوب 
جدي عاطف رد عليها وقال  
أنا مكانش في حجري طوب .. انا اللي كان في حجري أرانب .. حتي أسألي الواد منير 
أنا كنت مصډوم و مكنتش قادر أتكلم ولا كلمة أنا شوفت الارانب بعنيا و جدي بيحطها في الجلابية وشوفتها و هي في حجره يبقي ازاي ميلاقيش الا طوب اللي حصل معانا انا و جدي انتشر في البلد انا نسيت اقولكم اني من قري ريفية و اي حاجة بتحصل مع حد في البلد بتتعرف الكلام دار علي المستودع القديم و في اللي بيقول انوا مسكون لأنوا مهجور من زمان و في اللي بيقول ان جدي خرف و كبر في السن لكن في ناس