اسكريبت كامل بقلم الكاتبه أيه حمام

متبصليش كدا  
يبقى تسمعي الكلام من أول مرة  
برضو متأمرنيش أنا مش ملكك  
كلها أيام وهتبقي ملكي  
دا في بعدك أنا أصلا هقول لبابا علشان نفسخ الخطوبة دي  
إبقي سلميلي على بابا وأنت راحة تقوليله كدا بقا 
قال كدا وكان خارج لكن رجع تاني إتكلم باستفزاز 
صحيح يا آية قولي لخالتو تعمل بكرة مكرونة نجرسكو علشان أبقا آجي أتغدى معاكم تيكير بقا 

خلص كلامه وخرج وأنا عايزة أقوم أمسك الڤازا وأحدفها على دماغه علشان أخلص منه 
يا بابا أنا مش عايزة أكمل معاه أنتم غصبتوني على الخطوبة وسمعت كلامكم وإديته فرصة إيه النتيجة بقا إنسان مش طايقة أشوفه ولا أسمع صوته  
عمل لك إيه يا آية الولد كويس وأنت ال كل شوية عمالة تعايبي فيه  
إعقلي شوية علشان كلها يومين على كتب كتابكم  
كتب كتابنا! 
دا في حلمه 
بارك الله لهما وبارك عليهما وجمع بينهما في خير مبارك للعروسين 
أنا حاليا مش بيتردد في دماغي غير ساوند إلحقوني يا جماعة أنا مخطووفة 
مبارك يا عروسة  
ماشي شكرا  
دا أنت محتاجة تروحي محو أمية للردود دي  
لو سمحت ممكن تبعد شوية 
أبعد!! متقوليش كدا يا حبيبتي ربنا ما يجيب بعد بيننا أبدا 
ختم كلامه وابتسامة مستفزة زيه إتوترت من عملته دي وبعدت عنه 
برن عليك مش بترودي ليه 
أنت إزاي تدخل كدا إطلع برا بسرعة قبل ما حد يشوفك 
كنا بعد كتب الكتاب بيومين وكنت في أوضتي بذاكر والباب خبط بحسب ماما ف قولت لها تدخل لكن إتفاجئت بيه هو 
حد مين ال يشوفنا أنت مراتي!
معرفش ليه نسيت إني متعصبة وسرحت في الكلمة ديمراتي كلمة غريبة بس حبيتها! 
فوقت بسرعة وحطيت طرحة على شعري ولقيته بيضحك عليا 
بتضحك على إيه 
علشان أنت عبيطة يا حبيبتي بتداري شعرك مني وأنا جوزك وكمان بتداريه وسايبة دراعك ونص رجلك عادي  
مأخدتش بالي علفكرة طب ممكن تخرج وأنا هاجي وراك علطول 
خرج وبعدها لبست الإسدال وطلعت له 
نعم بقا كنت جاي ليه 
كنت جاي أقول لك نخرج سوا باليل قولت لباباك وخالتو وهم موافقين  
هعدي عليك الساعة ستة تكوني جاهزة 
قال كلامه ومشى طب فين حرية إبداء الرأي طيب!
قعدت أفكر في شوية حجج علشان مخرجش معاه بس كانوا عبط أوي استسلمت وجهزت على الميعاد ال قاله ولما جه نزلت له 
إيه الحلاوة دي  
شكرا ربنا يعزك  
بتفصليني أكتر ما شركة we بتفصل النت 
ابتسمت عليه وركبت علطول من غير ما أتكلم 
تشربي مانجا ولا فراولة 
أناناس  
أي عند وخلاص صح 
بالظبط  
ماشي يا ستي 
ها بقا إيه الأخبار 
كويسة  
يا شيخة دا أنت حتى نازلة معايا بالڠصب  
هو إحنا خارجين ليه يا غيث 
يمكن علشان عايز أعرف ليه مش راضية عني إحنا مكناش كدا وإحنا صغيرين كنا دايما قريبين لبعض بس فجأة بدأتي تتغيري من ناحيتي  
أنا متغيرتش يا غيث أنا زي ما أنا  
كدابة  
أنت لو كنت زي ما أنت مكانش زمانك بتخلقي كل شوية خناقة بيننا علشان نسيب بعض  
عايز توصل لإيه 
عايز أعرف السبب ال
وصلك لكدا  
غيث هو أنت مش بتحب بنت عمك ليه بقا إتقدمت لي 
علشان تغيظها صح 
أنت عبيطة! إيه الكلام دا!