هي والمارد 21 و22 للكاتبة ايه حسن
انت في الصفحة 4 من 4 صفحات
روحي بدل ما تكيكي علينا ههههه
وهي بتجري عشان تلبي نداء الطبيعة مش هتأخر عليكي
أحيه عليكي يا چيچي فكرتك إنسان آلي لا يتكاثر
فجأة انتبهت ع صوت حد واټفزعت
صباح الخير يا مدام
شهقت بخضة بسم الله الرحمن الرحيم مالك يا خال داخل عليا زي القدر مستعجل كدة
فاروق تسمحيلي اتكلم معاكي دقيقتين!
بصت يمين وشمال پخوف لحسن المارد ييجي ويشوفه معاها وساعتها مش هيحصل كويس
بتنهيدة اتفضل
أنا عرفتك ع نفسي امبارح بس اللي متعرفيهوش اني مكلف بمراقبة جوزك
طب وحق من جمعنا من غير معاد كنت حاسة كمل يا كبير
حضرتك انتي عارفة هو جاي هنا ليه!
ببلاهة لأ
طب انا مش هدخل ف تفاصيل كتير هو هنا عشان يعمل ديل ع أكبر صفقة سلاح ومش عايز أقولك السلاح دة لو خرج ممكن يسبب ايه خصوصا لو انتشر ف مصر!
وبعدين حمحمت وقالت له وحضرتك عاوز مني ايه!
انتي باين عليكي بنت متعلمة ومثقفة وأعتقد وطنية
طبعا يا عنيا دة أنا رئيس الحي بنفسه جه سلم عليا لما خدت الثانوية
طب يرضيكي يحصل عمليات إرهابية نخسر بسببها أرواح ابرياء ف بلدك اللي انتي مخلصة ليها
يعني لو طلبت منك مساعدة توافقي! عشان نمنع الكوارث دي تحصل
بمرح يعني انا هبقى مجندة زي جمعة الشوان الله!
اهدى يا مدام هتفضحينا
قول يسطا دة انا نفسي فيها من زمان
فاروق فضل مدة دقيقتين كمان يفهمها تعمل ايه بالظبط ومشي بسرعة قبل ما چيچي توصل
ف الأوضة وهي بتفتح الستارة بسعادة
يا سلام يا جدعان بقا هبقى زي مدام نادية الجندي ف فيلم مهمة ف تل أبيب
شاورت بصباعها السبابة بتوعد كنزي زهران جايالكم يا شوية أندال
مارد بينادي عليها كنزي! انتي بتعملي ايه عندك
التفتت له بقرف وقالت ف نفسها سوف أقطع دابرك أيها الأبله اللعېن
فاقت ع صوته
كنزي أنا بكلمك ف ايه مالك!
احم لا مفيش قوللي انت ناوي تنفذ العملية امتى!!
شهقت بدهشة وبسرعة انتبهت لنفسها لا يا كبير أصل سمعت ان عندك بواسير وكدة
ضحك بطلي لماضة يا كنزي وتعالي
تليفونه رن واضطر ينسحب شوية عشان يعرف يرد
دقيقة وجايلك
كنزي اتسحبت وراه عشان تسمع بيقول ايه
المعاد هيبقى بالليل والمكان ف أكيد انا برضو هبقى موجود تمام سلام
بعد ما خلص مكالمته رجعت كنزي وقفت مكانها
أه طبعا يلا
ماسة راحت المطار عشان مسافرة اسبانيا ل مارد
خدي بالك من نفسك يا ماسة
متقلقش بابي أول ما أوصل هكلمك
متنسيش اللي قولتلك عليه تعمليه
بصت للفراغ بحسم Dont worry أنا عارفة هعمل ايه!
_______
الاتنين نزلوا وقعدوا ف مكان ع البحر قريب من الأوتيل ومنظره جميل
هو انت هتفضل كدة ع طول!
وهو بيشرب نسكافيه كدة إزاي!
حرامي ونور وبتاع ماڤيا
فتح حنجرته نعم!!!!!!!
اتراجعت بسرعة لأ يعني مش ناوي تتوب وتلحق نفسك قبل ما ياخدوك ف ابو نكلة اقصد مش هتسيب شغلك دة وتشتغل بياع جرايد ع الدائري
لأ أنا بحب شغلي
بصوت عالي وهو دة بتسميه شغل دي بلوة مهببة
الله وانتي مالك يا ستي
لا مالي ونص مش انت ياض جوزي! يعني حقي اني اعترض ع حاجة مش عاجباني فيك
وشغلي هو اللي مش عاجبك!
أه دة عمل غير لائق بيا كمواطنة صالحة وأنا أحتج!
انتي حرة
كدة! يعني انت مش ناوي ترتجع!
لأ
ضيقت عينها بتوعد طيب!
رايحة فين!
ماشية رايحة اوضتي
وقف بتذمر هو انتي مش كنتي هتتفسحي معايا!!
لا خلاص غيرت رأيي لما تبقى ترجع عن اللي ف دماغك هبقى أتفسح معاك باي باي باد بوي
سابته ومشيت بلا مبالاه وهو زم شفايفه بحنق من تصرفاتها اللي كل شوية بتتغير
باد بوي بس ايه قمر يخربيت جمال أمك نرجس
كنزي راحت الأوتيل وحبت تتهرب من الحراس عشان معاها ورقة عايزة تديها لفاروق دخلت الحمام حطتها وبعدين خرجت وطلعت اوضتها
وحياة أمك ل اخربلك خطتك يا مارد يابن
النمرة
بالليل خرج مارد ل شغله وكانت كنزي لوحدها ف الأوضة ومتوترة وفجأة الباب خبط عليها واتخضت
فتحت الباب وكان واحد بيتكلم عربي مكسر مدام الحقي مارد باشا جوزك اتضرب پالنار
صړخت بأعلى صوتها أمااااااان
كنزي جريت بسرعة من غير تفكير وطلعت برة الأوتيل وهي مش عارفة رايحة فين لغاية ما عربية وقفت وناس نزلوا منها وخطڤوها تفاعل ياحضرات
