هي والمارد ايه حسن

تزعل يا مارد أوعدك اني هنسيك أي زعل بس عشان خاطري فك شوية
اتنهد بقوة وسكت
بخبث ... تحب نسهر النهاردة سوا!
... لما أشوف
________
عايم ف بحر الغدر .. شط الندالة مليان
صلاح دخل البيت وكان سامع صوت الأغنية عالية
... يا سعاد!
خرجت من المطبخ ... انت جيت يا صلاح!
... مين اللي معلي صوت الكاسيت كدة!
... والنبي ياخويا ما اعرف يمكن عند الجيران
اتقدم ع أوضة كنزي ووراه سعاد وشافوا كنزي واقفة ع السرير وبترقص بتأثر ع الأغنية معبره عن حالتها شبه أحمد مكي ف فيلم لا تراجع ولا استسلام
سعاد ... يا ضنايا يا بنتي مخها لسع بعد ما اطلقت
بتغني مع الأغنية بتأثر ...
.......بقلوب ماليها الشړ والبر ما له أمان
نجي الخسيس منه أما الأصيل غرقان
بتشاور ع نفسها وبتكمل ...
ولما قبضوا التمن الكل باع وخان
واللي عامل حبيبي على حقيقته بان
بعياط ... عااااااا
سعاد بحدة ... جرا ايه يا روح أمك... معلية الزفت دة كدة ليه!
اټفزعت من وجودهم وقالت بهدوء ... بعيش مع أحزاني شوية
صلاح ... دة انتي عاملة فرح شعبي مش أحزان خالص
سعاد ... هي هنا بترقص ع عايم ف بحر الغدر وهو هناك تلاقيه عايم ف دلع الحصان ماسة ههههه
ضيقت عينها بحنق ... إيه!! ماسة! بنت الزنخ طب وربنا لوريه عااااا
سعاد ... كفاية صياح صدعتيني
قربت من أبوها ... بقولك يا حاج أنا عاوزك تروح لابن النمرة وتقوله يرجع لي الكارنيه والتليفون بتاعي عشان من بكرة هرجع الجامعة
... لا أعفيني انا من الحكاية دي دة ممكن يخلي رجالته تغت صبني ع سطح الواد حمادة
... متخافش يابا دة هو نفسه ممكن يغت صبك
صلاح بلع ريقه ... ايه!!!
... يابا اسمعني بس أنا لازم أرجع كل حاجتي من عنده أحسن يفتكر اني باقية عليه!
... برضو ماليش فيه انتي عارفة القصر روحي هاتي اللي عايزاه منه
سابها وخرج وتابعت ل سعاد
... طب انتي يماتي
... لا يختي دة مستحلفلي من ساعة ما سافرت الطريق عندك مفتوحة روحي يمكن يرميكي للحيوانات بتاعته ويرتاح منك
صړخت بعياط ... يا ريت دة هيلاقيها فرصة ويغت صبني انا وحمادة فوق السطح......
يتبع...رواية هي والمارد
الحلقة السادسة والعشرون 
ديما بمرح ... كنزي!! أخيرا المارد فك الحظر عنك
... لا يختي دة أطلق سراحي ع طول
بغرابة ... ايه دة تقصدي ايه! وفين چيچي!
... تعالي وانا هفهمك
الاتنين قعدوا ف كافيه الجامعة وحكت لها اللي حصل
... يا لااااااهوي
حطت ايدها ع بوقها بسرعة ... ششش الله يخربيتك هتفضحينا
لطمت ع خدها ... اتطلقتي يا كنزي!
بملامح باكية ... عاااا الواطي مهانش عليه أرتاح من الخطوفة الأول وراح ملبسني الحلة ف وشي
... طب هو عمل كدة ليه!
... مش مهم أي تفاصيل دلوقتي
بحسرة ... خسارة والله چيچي هتوحشنا
... تعالي نحضر المحاضرة بتاعتنا ينعل أبو رخامتك
______
المارد قاعد ف أوضته ماسك تليفون كنزي وبيقلب ف صورها اللي عليه .. قد ايه وحشته واشتاق لمقالبها ونقارها معاه طول الوقت .. وصوتها اللي دايما عالي ف القصر
... ههههه يا مچنونة
ضحك لأوضاعها الغريبة والمضحكة ف الصور ... نفسه يروح يجرها من شعرها ويرجعها ڠصب عنها تاني القصر .. ويشفي غليله منها بسبب تصرفها المهين له مع فاروق .. اللي سببله ۏجع ف قلبه ... أو هو أقنع نفسه انه عايز يرجعها للسبب دة
تليفونه رن ورد
بملل ... أيوة يا ماسة!
بدلع ... وحشتني
بضيق ... مبحبش كدة وانتي عارفة!
... طب خلاص ايه رأيك أجيلك نتغدى ف اي مكان
... لا .. ولا اقولك أنا رايح النادي نتقابل هناك
بفرحة ... هوا هتلاقيني عندك
______
... محاضرة مملة أوف
ديما ... عشان تصدقي انك كنتي ف نعمة
... بطلي رغي يا بت وابقي ابعتي كل المحاضرات اللي فاتت عشان اذاكرهم
... محاضرات!! انتي تعرفي عني كدة
وقفت قصادها ... نعم يا روح أمك! يعني مكنتيش متابعة المحاضرات أول بأول
... مش كلها
مشيت قدامها بحنق ... بكلم مين ف تعليم ديما كعكات
_ كنزي!.
وهي ماشية واحد وقفها وبصتله بتعجب
حمحم بحرج _ أنا محمد عبد الصبور زميلك ف الدفعة
... وعايز ايه يا زميلي
جبينه عرق بتوتر _ أن.. أنا كاتبلك كل المحاضرات اللي فاتتك ف المذكرة دي وكنت هديها للآنسة ديما توصلهالك بس الحمد لله اني شوفتك
... يخويا تشكر والله فيك الخير
ابتسم لها وبعدين