هي والمارد ايه حسن

السخيف اللي ف الورقة دة
... دة عيل أهبل هو ف واحد يحب واحدة 4 سنين وميحاولش يكلمها
بتذمر ... متقوليش الكلمة دي تاني اللي يرفع عينه فيكي أنت اقل عهاله
بمداعبة ... ټموتي ف القلع انتي يا خلبوصة 
بتجهم ... بس 
بضيق ... بسيت .. تقدر تقولي هتعمل فيه ايه! ولا هتخلص عليه هو الآخر زي وليد
... هو انتي شايفاني معډوم الإحساس والضمير
بتهكم ... حاشا لله يا راجل متقولش ع نفسك كدة
... يدوب هقطع ايده ورجله من خلاف
وسعت عينيها بذهول ... ليه متجوزة فرعون!!
... استغفر الله يا بنتي
... يا واد يا مؤمن .. لا حقيقي بيعجبني فيك تمسكك بالعقيدة 
رفع حواجبه باستنكار لتريقتها عليه
... بصي يا كنزي أنا مخل صتش ع الزفت وليد تمام مع انه كان نفسي! انا بس قرصت ع ودنه شوية عشان يتعلم ازاي يتعامل مع واحدة بنت بعد كدة 
ابتسمت بفرحة عشان أكتر حاجة بتحبها فيه احترامه للبنات
... بس ديما قالتلي أنه مجاش الجامعة من ساعة اللي حصل!
... عشان اتفصل يا غبية أكيد مش هسيبه يعاكسك وأخليه يرجع الجامعة عادي!!
... ع العموم أحسن هو يستاهل حتى لو كنت قټلته انا ما كنتش هزعل 
بسخرية ... دلوقتي القتل بقا حلو ولذيذ مش كدة 
... جرى ايه ياض انت هتأتتني ولا ايه! 
ضحك وبعدين بصلها بابتسامة ... تعرفي ان أكتر حاجة بتعجبني فيكي هو لبسك! 
بفخر ... طبعا يابني دة أنا بلبس ع الموضة وبراندات بقا من أغلى الأماكن عارف الجيبة دي جايباها بكام! مش هتصدق ب 170 جنيه! والراجل النطع كان عايز يديهالي ب 200 شوفت ابن الڼصابة لكن ع مين دة أنا ف الفصال معنديش يما ارحميني
بصلها بغرابة ... بصي تمام بس انا كان قصدي أنه محتشم وجميل ف نفسه
عدلت من لبسها بغرور وهو ضحك من طريقتها العفوية
... وانت كمان بدلتك حلوة فسكوز دي يا ببلاوي 
... ههههه لا دي سليم قطني
... سليم مين دة! انت بتشحت بدل من صحابك زينا!!!
ضحك بقوة ... Slim fit يا كنزي 
... اممم وع كدة تطلع بكام! دي تلاقيها معدية ال 600 جنيه
... ب 1500 دولار يعني تقريبا بالمصري 23 ألف جنيه
پصدمة ... ك.. ك.. كام! ليييه هشتري شقة ع البحر 
... وهي الشقة ب 23 ألف برضو!! 
... دة انا دولابي كله ع بعضه بدباديبه ما يجيش نص تمن بدله من عندك 
ضحك بتهكم وضربها بخفة ع دراعها
... وانا ذنبي ايه انك شحاتة هاها.. بهزر طبعا 
زقت ايده بحنق وقامت پغضب 
... اوعى ايدك ياض.. انت ازاي مقعدني معاك لوحدنا وسط الناس وبتهزر وتضحك معايا واحنا مطلقين! 
وقف وهو عاقد حواجبه بضيق منها ... دة انتي قلابة أوي مش كنتي بتتكلمي عادي من شوية!!
... ملكش دعوة بيا
سابته وراحت عند ديما ... يلا ياختي قومي 
سحبتها من ايدها وكشرت ف وش جاسم
... كوبة عليك انت وصاحبك 
______
... اتأخرتي ليه يا بت!!
قالتها سعاد ل كنزي وهي داخلة البيت
... أصل أمان عدى عليا وخدني وروحنا مكان نتكلم فيه
بمرح ... وهترجعوا لبعض مش كدة!
... لا طبعا لا ممكن أبدا أرجعله بعد ما طردني وهزأني
... انتي هتألفي! امتى طردك ولا عمل فيكي حاجه دة انتي اللي ع طول مبعترة بكرامته قدام اللي يسوى واللي ما يسواش
... أحسن أحسن يستاهل 
_هو مين دة اللي يستاهل 
ودي كانت جملة صلاح وهو خارج من أوضة النوم
سعاد ... المارد جوزها
... سابقا لو سمحتي!
صلاح ... هو اللي وصلك ولا إيه!
... أيوة
بعتاب ... وليه يا بنتي سبتيه يمشي! يعني ولا مرة تعزميه عندنا دة مهما كان ابن عمك!
سعاد بحنق ... وهي دي تفهم ف الأصول أصلا!
شوحت بإيدها بلا مبالاة ... أنا داخلة أغير جهزوا الأكل ولا هتسيبونا جعانين!
سعاد ... طفسة 
صلاح ... روحي وبالمرة اتوضي عشان نصلي الضهر جماعي
دخلت كنزي تغير هدومها وسعاد دخلت تحضر الأكل
______
بعد كام يوم
جاسم ... فاروق اتسلم للسل طات المصرية ورحلوه ع السچن المركزي
بتنهيدة ... كان بودي أبعته ليهم متشفي
... كفاية اللي حصل فيه دة معادش ينفع تاني 
... هههه ع رأيك ... المهم قوللي ايه حكايتك مع ديما
... مش عارف .. بحسها زي أمي كدة 
... وحياة أمك! يعني مش معجب بيها
حمحم ... مش قادر افهم مشاعري ناحيتها! 
... بطل تخلف