هي والمارد الحلقات 35 و36
انت في الصفحة 1 من 6 صفحات
فين التفاعل ياحضرات
رواية هي والمارد
الحلقة الخامسة والثلاثون
... أجيب لحضرتك حاجة تاني يا مارد باشا!
كان صوت النادل من ورا البار ف الملهى الليلي اللي مارد قاعد فيه شكله متغير.. دقنه طويلة مرهق وتعبان وسکړان
شاورله بإيده بنفي وخد الجاكيتة وخرج وهو ماشي خبط ف واحدة
... أه مش تحاسب يا عم انت
مارد مش شايف قدامه أصلا بس البنت شكلها مش مظبوط أول ما شافته بصت له بإعجاب ونظرات وقاحة برغم هيئته المتبهدلة
مارد مش قادر يفتح عينه حط ايده ع راسه وسحب شعره لورا والحركة دي ظهرت وسامته وخلت البنت تضغط ع شفايفها باندهاش من جماله
بخبث ... بقولك ايه ماتيجي معايا أوصلك
وعشان هو شارب لغاية ما اتعمى قدرت تسحبه معاها من غير ما يعترض
______
... كفاية عياط يا كنزي عيونك دبلوا من كتر الدموع بقالك كذا يوم الحال دة من ساعة ما استلمتي ورقتك!
ضمتها ومسحت ع دراعها بحنية عشان تواسيها وتخفف عنها
بعياط ... كان محضرلي مفاجأة وحياتنا كانت هتتغير للأحسن لولا هروبي منه!.
زادت ف عياطها وسعاد مسحت ع شعرها بحنان
... بس يا حبيبتي بس ان شاء الله كل حاجة هتتصلح
______
... خد بالك يا قمر ف سلمة تحتك! انزل واحدة واحدة .. شطور
خرجوا برة الملهى ولسة هتركبه عربيتها حد وقفها
... شوشو انتي ماشية ولا ايه
... أيوة جبرت النهاردة
شوشو دخلته العربية والبنت التانية انتبهت ل مارد وشكله عجبها
بخبث ... بقولك ايه! ما تسيبيه ليا وهبقى أديكي اللي عايزاه
البنت زمت شفايفها بحنق ... طب ع فكرة بقا انا شوفته قبلك بس دخلت الحمام وع ما خلصت لقيتك لهفتيه! اوعي كدة سيبيه
وراحت باندفاع عاوزة تخرجه من العربية لكن شوشو مسك تها من شعرها
... انتي يا بت مش عايزة تتلمي ليه قولتلك ان دة زبوني أنا وخلص الحوار ولا هو الكعكه ف ايد اليتيم عجبة!
زقتها وبتحاول تخرجه وفضلوا يتخانقوا مع بعض لغاية ما فجأة سمعوا صوت فرملة عربية قوية وقفت جنبهم
... جرا ايه يا ولية انتي وهي واخدين الراجل ع فين وبتتخانقوا عليه
ودة كان جاسم نزل من عربيته بسرعة وراح ل صاحبه
شوشو بتبعدها ... أهو يختي روحي جالك زبون
جاسم بزمجرة ... هو أكلة! عايزة دة ومش عايزة دة.. ابعدي يا بت انتي وهي
شوشو شاورتله باعتراض ... يووه وانت مالك يا جدع انت
... مالي ازاي انتي بتشقطي صاحبي وهو مش ف وعيه
وبسرعة راح خرجه وډخله عربيته ومشي بيه
شوشو بغيظ ... عاجبك كدة أهو لا أنا ولا انتي عرفنا نشقطه!
_____
جاسم حط مارد ع السرير
نرجس ... حصله ايه يا جاسم!!
... ابنك كان بيتشقط يا حاجة نرجس!
شهقت پصدمة ... يعني ايه!! وهو سکړان كدة ليه! دة عمره ما عملها وشرب
جاسم ... أهو اللي حصل بقا .. سيبوه يرتاح ولما يفوق هتكلم معاه
كلهم خرجوا بس نرجس اللي فضلت معاه وجنبه قلبها موجوع ع ضعفه وشكله اللي اتغير من ساعة ما كنزي سابت البيت
______
تاني يوم كمال خرج التراس لقى زهران قاعد سرحان وشكله زعلان
... عاجبك الحال اللي وصله أمان دة مبسوط انت دلوقتي لما فرقت بينه وبين مراته!!
زهران رفع وشه وعقد حواجبه بتعجب ... انت بتتهمني أنا بهروب كنزي
... لأ بس كلامك ليه خلاه يشك فيها ويقتنع أنها هربت منه
بتذمر ... مهي دي الحقيقة وهي يعني مهربتش
... بس كان لازم يسمعها يا بابا ليه حكمتوا عليها من غير ما تسمعوها مش يمكن رجعت عن قرارها ف آخر لحظة!
... ولو برضو كان ف نيتها هروب
بحزن ... طول عمرك أناني يا بابا خدت ابني مني وخليته ملكك وبس بعدته عننا عشان تقدر تسيطر عليه وميتأثرش بحد فينا.. حتى كنزي لما حبها وجه قالك منعته وقولتله مش وقته كنت مستني لما تمسك لجامه عشان ميهربش من سيطرتك...
ولما البنت
