هي والمارد الحلقات 35 و36

الصالون وقعد قصادها
... أنا عارف انك بتلوميني عشان اتسببت ف طلاقك من جوزك 
بعيون لامعة بالدموع ... أنا ما بلومش غير نفسي كان لازم أديه فرصة تانية قبل ما أحكم عليه وع نفسي 
... لو عايزاني أروح وأحكيله الحقيقة أنا معنديش مانع
وقفت باندفاع ... لا يا بابا لو روحت له هيفتكر انك بتحاول ترجعنا لبعض وبرضو مش هيسمع منك أنا عارفة أمان كويس 
... طيب يا حبيبتي زي ما تحبي انا بس مش عايزك تكوني زعلانة مني ومن اللي عملته
قربت منه وحطت ايدها ع كتفه ... لا يا حبيبي عمري ما ازعل منك انت ابويا اللي مربيني وأكيد كان هامك مصلحتي 
مسح ع شعرها بحنان وجرس الباب رن وخرجت سعاد من المطبخ تفتح
... فين كنزي يا خالتي ... كنزي! 
... ف ايه يا ديما
... الحقي مارد يا كنزي هيسيب البلد ويسافر 
بدهشة ... بتقولي ايه! يسافر فين
... جاسم كلمني وقاللي آجي اقولك تلحقيه وتحاولي تمنعيه لأنه منشف دماغه ع الآخر
بتصنع ... هو حر أنا ماليش علاقة بيه
بضيق ... يعني ايه مالكيش علاقة بيه مش تحاولي تصلحي العك اللي عملتيه! وتفهميه سبب هروبك!
بلعت ريقها ... لأ هو مرضيش يسمعني يبقى براحته انا مش هفرض نفسي عليه 
بضيق ... تعرفي انتي وهو تستاهلوا اللي حصلكم لأن ولا واحد فيكو عايز يتنازل عن كبريائه عشان خاطر التاني .. سلام
سعاد ... استني بس يا ديما 
... معلش يا خالتي مرة تانية. 
مشيت وقفلت الباب وراها
سعاد بحنق ... جرا ايه يا بت يعني لما تجيلك الفرصة تصلحي اللي حصل تقومي تعملي فيها السفيرة عزيزة
كنزي اضايقت ودخلت اوضتها بسرعة ورمت نفسها ع السرير وفضلت ټعيط
________
ف اليوم الموعود مارد بيجهز شنطته عشان خلاص مسافر
ريم بزعل ... خليني أساعدك يا مارد باشا
... مفيش داعي 
... طيب هخلي الحرس يجهزولك العربية 
... لأ أنا هاخد تاكسي 
... تمام هروح أخليهم يبعتوا لحضرتك واحد 
خرجت ريم ومارد راح ناحية غرفة الملابس عشان يشوف اللي هيلبسه .. وفجأة لمح بيجامة كنزي مسكها وشم ريحتها اللي لسة موجودة فيها من آخر مرة لبستها
بيعشق ريحتها وروحها اللي ما فارقتهوش لحظة .. فاق من شروده لما سمع صوت نرجس
بدموع ... انت لسة مصمم يا أمان ع السفر!
... أيوة 
قربت منه بحزن وحطت أيدها ع صدره 
... عايز تسيبني بعد ما رجعتلي من تاني
مسك كتفها ... ڠصب عني صدقيني
بدموع ... المرة دي بمزاجك 
اتنهد ومسك ايدها باسها 
... طب لو قولتلك عشان خاطري اقعد هتقعد صح!
مسح دموعها وحضنها ... مش هقدر بس أوعدك هكلمك كل يوم 
_____
جهز حاجته ونزل تحت وسلم ع كل عيلته وكلهم بأن ع وشهم الحزن والقهرة بسبب سفره
ميان بدموع ... والنبي يا أبيه خليك معانا 
أركان ... دة احنا بقالنا كتير ما تكلمناش قد الفترة دي 
المارد حضنهم بحب من غير ما يتكلم لأنه مش حمل كسرة قلب... وبعدين راح لجده
زهران ... أنا مش همنعك عشان متأكد انك هتعدي الفترة دي وترجع أقوى 
فرد دراعه وضمھ بقوة وكتم حزنه عليه ف قلبه .. وراح لأبوه اللي دموعه سبقته ومقدرش يمنعها
... أرجوك متعيطش انا مش عايز أسافر وأسيب حد فيكم مضايق 
مسح دموعه وباس جبينه وخرج بسرعة قبل ما يضعف ويلغي سفره 
_____
ركب التاكسي 
... اطلع ع المطار ياسطى
... حاضر أباشا
بعد شوية التاكسي بيخبط ف مطبات وبيمشي يتموطح
بتذمر ... ف ايه ياسطى انت مش عارف تسوق ولا ايه
... معلش أباشا أصل التاكسي بعافية شوية 
نفخ بضيق ولسة برضو العربية زي ما هي
بعصبية ... بقولك ايه وقف العربية
بعياط وطريقة رامي قشوع ... ما بعرفش اوقفها ما بعرفش اوقفها عااااا!
بدهشة ... كنزي!!!!!...........
يتبع..
مسائكم احلي ابتسامه 
هي_والمارد
البارت السادس والثلاثييييييييين 
بدهشة ... كنزي!! انتي بتعملي ايه ف التاكسي
صړخت بعياط ... مش وقته أسئلة أنا مبعرفش أسوق يا أمان مبعرفش أسوق اااااااه
التاكسي تقريبا ع سرعة عاليه وهي بتتطوح به يمين وشمال ومارد بيتخبط ف الباب والكراسي من وراها
كنزي بصړاخ ... الحقووووونااااااي
... يا مچنونة 
وبسرعة طلع قدام بمحاولة منه يمسك الدركسيون عشان يمشي ف استقامة أحسن العربية تتقلب بيهم
... ادخلي ع جنب بسرعة 
بسرعة ... لا يلا ننط أحسن نخش ف كمين ولا حاجة
مسك دراعها وډخلها بعيد عن كرسي السواق عشان يقعد هو مكانها.. وهي وسعت