هي والمارد الحلقات 37 و 38 قبل الاخير ايه حسن
انت في الصفحة 1 من 6 صفحات
صباحكم احلي ابتسامه
هي_والمارد
السابع والثلاثييييييين
بدهشة هو انت
جاسم كان واقف ع الباب وھيموت ع نفسه من الضحك ع منظرهم
يا لهوي دة انا لازم آخد صورة للذكرى بقا
مارد بعصبية انت حيوان يالا ايه اللي عامله فينا دة
دة أهطل
حمحم بحرج أعمل ايه بقا مانتوا اللي دماغكم ناشفة
مارد تقوم تخطفنا!
اتقدم عليهم عشان يفكهم
جاسم اتصالحتوا ولا لسة
احنا اتعاتبنا بس هي منشفة دماغها ومش قابلة اعتذاري
وكزته بضهرها دة بعينك واخلص يلا فكني عشان أروح بيت أبويا
لا مهو لو ما اتصالحتوش أنا مش هينفع أفككم دي أوامر
بزعيق أوامر من مين يا متخلف أخلص فكنا بدل ما أزعلك!
طلع سکينه صغيرة من جيبه وقطع الحبل وتمتم بخفوت
الاتنين قاموا ومارد مسك قفا جاسم وهمس له
هعديلك الحكاية دي عشان جات بفايدة غير كدة كنت دفنتك
جاسم يعني انت ماقدرتش ع الحمار جاي تتشطر ع البردعة
كنزي بتذمر مين اللي حمار يابن الحرامية انت!
حمحم لا مفيش اتفضلي يا فندم
مشيت قدامهم ومارد ضربه ف بطنه بضهر ايده وراح وراها
جاسم رايحة فين يا مدام
بسخرية ومالك فخورة أوي كإنك هتطلبي أوبر يعني!
بزمجرة مال أهلك انت!
مارد كاتم غيظه تحبوا أمشي انا وتكملوا انتوا مع بعض!
جاسم حمحم بحرج وراح مسكه من هدومه پغضب وهمس بهدوء مرعب
متتكلمش معاها تاني!
هز راسه وبعدين سابه ووجه كلامه لها
وانتي يلا اخلصي اركبي الوقت متأخر
بصوت عالي لا مش هركب انت مالك وبعدين أمشي معاك ازاي ومفيش بينا أي صلة
أه أيوة بس برضو عيب
جاسم ع فكرة الجماعة كلهم ف القصر يعني لازم تروحي معانا
بعصبية سمعتي يلا اركبي
زق جاسم اللي بيضحك من غيرته وركبها ف الكرسي اللي ورا
بتشد ايدها بضيق خلاص هركب لوحدي دة انت رخم
ركب مارد جنبها وجاسم قدام جنب السواق
سعاد بتوتر يا جماعة احنا هتفضل قاعدين كدة ومبنعملش حاجة
ما تقوم يا صلاح شوف أبوك عمل ايه!
كمال وقف بتوتر وراح ناحية الباب واتفاجئ بدخول مارد وكنزي مع جاسم
جري عليه ووراه البقية
مارد انت كويس يابني!
نرجس راحت خدته ف حضنها ايه اللي حصلك يا حبيبي
ضمھا بحب مټخافيش يا أمي انا كويس
مسحت ع خده بلطف وخلى كنزي تستغرب من المشهد لأنه أول مرة ما يقولهاش يا هانم وناداها ب أمي!
طبعا لسة بلبسها الرجالي صلاح اتقدم عليها
انتي كويسة!
هزت راسها بموافقة ومارد كان بيبص ل صلاح بغل بعد ما عرف أنه هو السبب ف اللي حصل بينه وبين كنزي وفرقهم عن بعض
دخل زهران من وراهم وقال بهدوء
حمد لله ع سلامتكم!
سعاد هو مين صحيح اللي خط فكم
كنزي بحنق وهي بتشاور ل جاسم
اسألي الأستاذ اللي عمل فينا كدة
صلاح بدهشة انت اللي خطفتهم! طب ليه
جاسم طب ع فكرة بقا اللي خطط لكل دة هو زهران باشا
كلهم بصوله بذهول ومارد قال بغرابة
انت يا باشا!
إيه مالكم! حاولت أصلح العك اللي عملته
مارد وهو بيبص ع صلاح بحنق بس انت مالكش ذنب يا باشا! اللي وصلنا للنقطة دي هو ابنك صلاح اللي خطط لخطڤ كنزي ويجبرها انها تسيبني وتبعد عني
كمال پصدمة بتقول ايه يا مارد صلاح عمل كدة ليه وازاي
معرفش اسأله
صلاح طأطأ راسه بخجل وزعل يا جماعة انا كنت عايز مصلحة بنتي
بغيظ مصلحة بنتك ف انها تتطلق
كنزي بزمجرة جرا ايه ياض انت ما تخف ع ابويا ولا هو الراجل عشان ف بيتكم يعني تتكاتروا عليه
كمال خلاص يا جماعة مش وقت عتاب اطلعي غيري هدومك يا كنزي يا بنتي لغاية ما الأكل يجهز
دة لما ابنك يشوف حلمة ودنه أدخل اوضته تاني يلا يابا خلينا نمشي من بيت النمور دة
كنزي!
وقفها المارد وقرب منها عايز اتكلم معاكي لوحدنا
لا ياخويا لا يجوز وبعدين اتكلم معايا بمناسبة ايه! حبيبي! خطشيبي! جوزي!
فضلت تتغنج وهي بتقولهم ورا بعض عشان تغيظه
تابعت
