الۏحش الطيب

يضربنى 
تضمها الى صدرها مره اخرى ريتال ده مد ايده عليكى مره ممكن يمدها عشره اوعى تتجوزيه 
تنظر لها بعيونها الحمراء طب وابتهال والى نفسها تتجوز من جمال وانا المشكله الى مانعه الجوازه 
تصمت منار لا تجد رد لكلام ريتال ولكنها لا تريد ان تمر ريتال بما مرت به هى يقطع بكاء ريتال دخول ابتهال الغرفه هو فى ايه هو انهارده اليوم النكد العالمى مروان فى الشركه وريتال فى البيت 
تضحك منار انتى عارفه ريتال حساسه كل ما تفتكر مامتك الله يرحمها 
قامت منار من اعلى السرير يدوب امشى بقى اهو ابتهال جت عايزه حاجه يا روت 
تجلس ابتهال بحماس على السرير ها احكيلى عملتى ايه انهارده مع زياد 
تشد ريتال الغطاء على جسدها بكره احكيلك انا تعبانه وعايزه انام 
لوت فمها بحزن وخرجت متجه الى غرفتها تحدث جمال فى الهاتف كعادتها . . .
ركبت تاكسى من امام فيلا ريتال واتجهت الى عمارتها التى تسكن بها واتجهت الى شقه ام مروه جارتها كما اعتادت ان تسأل عليها ضغط على جرس الباب ليفتح لها رجل الباب اندهشت ووقفت صامته لا تعرف كيف تتصرف رجعت خطوه للخلف تنظر الى باب شقتها الملاصق لشقه ام مروه اذا هى الشقه من هذا الذى يقف امامها طنط ام مروه موجوده 
يخرج صوتها من الخلف مين على الباب يا مروان 
تدفعه بخفه مع تعجبه من تصرفها وتصرخ انا منار يا طنط 
تعانق منار ام مروه وتقبل خدها وتجلس على الاريكه كالمعتاد هو مين الجدع ده يا طنط 
تضحك ام مروه ده مروان ابنى الى حكتلك عليه 
تنظر اليه بخفه يأتى من ناحيه الباب ازيك يا استاذ مروان 
يهز رأسه بخير يا انسه عن ازنكم انا داخل الاوضه 
تضحك منار انسه ايه بس مكنش العشم 
تضربها ام مروه بخفه عيب بابت اتلمى 
تضحك منار وتميل عليها والله ياطنط ضحكتينى ومليش نفس اضحك 
تنظر لها بهتمام خير يا منار يا حبيبتى احكى 
تسرد لها منار حكايه ريتال وتتمعن ام منار بها جيد لتنتهى منار وسيبها يا حبه عينى مموته نفسها من العياط 
تمصمص شفتها مسم مسم ياعينى على البت الغلبانه دى راضيه بالهم والهم مش راضى بيها 
تأكد منار على كلام ام مروه بس انا قلتلها ترفضه كفايه كده 
تهز ام مروه رأسها مش الصح انها ترفضه لازم تتعايش معاه وتعرف طباعه لان الناس طباع يا بنتى زى الله يرحمه 
تلوى فمها يكحمه مطرح ما راح والنبى يا طنط ما عارفه انا حالتى مطلقه ولا ارمله ولا الاتنين مع بعض 
تضحك ام مروه على منار وتنظر لها ولكن عقلها مع ابنها الذى تتمنى اصلاح حاله عما قريب . . . _____________________________
السابعه
تستيقظ على صوت صړاخ ابتهال فوق رأسها بقى انا اخر من يعلم ياجزمه انتى هتتجوزى بكره وانا معرفش 
تنظر لها بنعاس وتمسك المخده وتضعها على اذنها مش عرفتى خلاص سبينى انام 
تشد ابتهال المخده يابنتى قومى انتى عروسه لازم تجهزى ده الفرح بكره 
تشد ريتال المخده من ابتهال يعنى مش دلوقتى سبينى انام 
يعم الصمت الغرفه لتنام ريتال مكمله غير مهتمه بأى شئ سوى النوم هى لم تنم بالامس بسبب بكائها وقررت ان تتعامل معه ببرود كامل طالما يريد ان يتعامل بالقوه .
شعرت بسحب المخده من يدها مره اخرى لتقوم صاړخه ممسكه بفرده من حذائها التى تخبئه تحت السرير لمثل تلك الظروف الطارئه قلتلك سبينى انام . . زياد 
يجلس زياد على طرف نهايه السرير

ممسك بالمخده فى يده وينظر لها صامت تنظر بخفه الى يدها ممسكه بفرده الحذاء وترفعها الى اعلى تشعر بالحرج وتسمع صوت ضحكه مكتومه ناحيه الباب تجد ابتهال واقفه على الباب واضعه يدها على فمها تضحك بصمت لتقذق الحذاء عليها عشان تبقى تصحينى تانى يا جزمه 
متجاهله تماما وجود زياد. قومى البسى عشان نجيب الفستان 
تنظر الناحيه الاخرى اطلع برا عشان اغير هدومى 
يخرج من الغرفه ويغلق الباب خلفه لتبتسم ريتال اصطبحنا على الاشكال العكره دى على الصبح 
تستيقظ الاخرى على صوت هاتفها نظرت الى المتصل لتجلس بسرعه فى حاجه يا ريتال 
لا بس كنت عيزاكى معايا يا منار بكره الفرح 
عملها ابن المبقعه وقال لابوكى طبعا 
اه قاله وبابا وافق انتى عارفه عايز يجوز ابتهال قبل ما تبقى زى حالاتى 
هو فى زيك اتنين يا قمر انت خمسه وهجيلك 
اغلقت الهاتف ريتال وتنظر الى زياد متربعه اليد هستنى صحبتى 
ينظر الى ساعته بملل انتى شايفه الساعه كام 
رفعت كتفيها بلا اعلم لما صحبتى تيجى هنزل 
يمسكها من كتفها غير مبالى بأبيها الواقف او اختها هو مش قلت قبل كده كلمتى انا بس الى تمشى 
تدفع يده من عليها وانا قلت مش نازله غير مع صحبتى 
يمسكها من معصمها يشدها خلفه ولكنها تأبى التحرك يضغط بين اسنانه امشى بالزوق لحسن همشيكى بالعافيه 
تدخل ابتهال فى ايه بس يا جماعه استهدو بالله منار على وصول استنى بس خمس دقايق 
يضغط على معصمها ولا دقيقه واحده 
تدخل منار بصوت فكاهى انا جيت نورت البيت تصمت عندما تجد الجو مشحون واضح
ابتهال تتكلم بتنبيه اتأخرتى ليه كده يا منار يلا عشان متتأخروش اكتر من كده 
تسير بجانبه بعد ان ازال يده من عليها وخلفهم منار التى لا تفهم شئ هى لم تتأخر بالعكس هى وصلت بسرعه . .
جلست ابتهال امام ابيها ممكن اعرف ايه الى حصل ده دلوقتى يا بابا 
يقوم من على الكرسى متجه للخارج انا مش فاضى 
امسكته من كتفه مانعته من الخروج لا يا بابا انا لازم افهم هى ريتال مش عيزاه وموفقه بالڠصب 
يحاول الهرب من مواجهه ابنته لما تيجى ابقى اسئليها 
يخرج مسرعا لا يريد مواجهه ابنته ويشعر پتألم قلبه من المنظر الذى كان امامه منذ قليل يسأل نفسه يعاملها بسوء امامى ماذا سوف يفعل عندما يغلق عليهم باب واحد يخرج تلك الافكار من رأسه لا لا هو طلبها منى اكيد هو اتعصب لما عندت قصاده اه بنتى عناديه وهو ميحبش العند 
ركب سيارته متجه الى معرضه وعمله ويبرر كل ما حدث امامه بطريقه تريح ضميره ومسؤليته نحو ابنته . . .
لا يجمال هو بيعملها وحش اووى تحدثه فى الهاتف پغضب وقلق على اختها 
يمكن فى بينهك مشكله ماانتى بتقلبى عليا لما بنكون فى مشكله 
لا لا مش بالطريقه دى ده جرها وراه زى المعزه وكان هيضربها لولا منار جت فى الوقت المناسب 
خلاص بقى كل واحد ليه طريقته مع مراته يا حبى 
جمال انا بقولك اهو لو فكرت تعمل زى ما بيعمل كده ھقتلك واحط فى ميه وملح لحد ما تدوب ومحدش يعرفلك طريق 
هاهاها قادره ومفتريه وتعمليها يا حبى مستنيكى اشوفك انهارده فى الشركه 
صح فكرتنى بالشركه ومروان ده كمان حاله يصعب على الكافر 
لا بقى احنا مش هنخلص 
اه والله عندك حق هى ماسوره مشاكل ضړبت فى الخلق 
طب اقفلى عشان متضربش فى وشك دلوقتى 
اغلقت الهاتف مبتسمه ولكن تشعر ببعض الحزن تجاه اختها الى متى سوف تصبح عديمه المسؤليه و وريتال تعولها وتهتم بها قررت ان تصبح سندها حتى لو وقفت امام ابيها و جمال . . .
دخلت المحل الذى اختاره