سكريبت سرك في بير بقلم رقية علي
شحن.
كان في كشك جنبي روحت أشوف فيه شاحن.
لو سمحت يا عمو كنت عاوزه أعرف لو حضرتك معاك شاحن آيفون ممكن تشحن ليا موبايلي !.
_ لأ يا بنتي والله مش عندي.
أنا تقريبا كدا في أقذر موقف عدي عليا بعد موقف الأوردر.
_ لو عاوزة تتصلي بحد ممكن تاخدي تيلفوني.
للأسف مش حافظه رقم حد شكرا لحضرتك.
فتحت شنطتي علشان أحط الموبايل تاني و كنت ماشية بس لمحت الكارت بتاع أحمد و طبعا مكتوب فيه رقمه.
أيوه يا أحمد.
مين !.
إحم أنا يارا.
في كلمتين نسيتي تقوليهم ولا إيه !.
أنا بتصل بيك و أنا رقبتي قد السستمه والله.
خير.
سواق الأوبر العربية عطلت منه و وقفت في مكان معرفهوش و موبايلي فصل و مش عارفه أتصل ب بابا.
الكارت بتاعك كان في شنطتي و بكلمك من موبايل عمو بتاع الكشك.
و إيه المطلوب مني دلوقتي !.
عمو هيوصفلك الطريق و يعرفك إحنا فين و تعالي خدني.
ربع ساعه و كان عندي نزل من العربية و كان لابس تيشرت أبيض بنص كم و بنطلون اسبور و شبشب آه والله شبشببس في منتهي الأناقه يخربيته كان داخل عليا و هو مكشر بس كان اللهم صلي علي النبي إيه ياض الحلاوه دي.
كنت بفتح باب العربية اللي ورا و هركب.
أنت راحه فين !.
هركب.
هو أنا السواق بتاعك ولا إيه !.
أنت عاوزني أركب العربية جنب واحد غريب يا راجل يا مش محترم.
يا راجل يا مش محترم !.
أيوه.
فتح الباب و ركب و أنا بصيتله من الشباك.
أنت رايح فين !.
أصل أنا مستفز و بارد و ظالم و حضرتك مش مستنيه مني مساعده و كمان مش محترم.
كل الدعم يا فيمنست كل الدعم يا مزه.
قال كلمته و جري بالعربية و سابني ضاعت الرجوله و الجدعنة و فيها إيه يعني لما يستحملني و كان يتحايل عليا شويه علشان مقدمش إستقالتي و فيها إيه يعني لما يتحايل عليا شويه علشان أركب جنبه في العربية ! حقيقي مشوفتش حد في ندالته اللي مش محترم.
رجع تاني و وقف قدامي.
هعد ٣ لو مركبتيش مش هرجعلك تاني و خليكي هنا بقي لوحدك.
صدقني كنت لسه بقول أنك محترم و مشوفتش حد في جدعنتك.
بصلي بجنب عينه ما قولنا مبتعرفيش تكدبي.
بس إيه الشبشب الشياكه دا يا مستر.
بصلي و ضحك نازل ألحق بنت أختي التايهه و مستعجل بقي.
ألاه كنت خاېف عليا ولا إيه !.
مفيش حاجه في الدنيا نجحت في إنها تخوفني غيرك.
حفظتي طريق البيت ولا هنقعد نلف لحد بكره.
لا خلاص دا أنا حفظته صم.
بعد ٣ ساعات.
يا بنتي أنط بالعربية دي في النيل علشان ترتاحي !.
هو أنت بتزعقلي ليه !.
يارب الصبر من عندك.
صدقني أنا معلمه العمارة بس معرفش إيه اللي حصل.
و معلمه العمارة بإيه المره دي !.
حاجه بتاعتي بقي علشان محدش يشيلها.
إيه !.
كرتونه.
ركن بالعربية علي حنب بسرعه.
بإيه يا أختي !.
كرتونه بتاعة الشوز بتاعتي كنت طلباها من عند أختك علي فكره أختك لطيفه أوي و أنا و هي بقينا صحاب.
جز علي أسنانه و حط إيده الأتنين علي وشه و هو متعصب يارب أنا عملت إيه في دنيتي لكل دا.
أنا معايا سندوتشات بانيه في الشنطه تاكل .
بصلي بجنب عينه البصه اللي بتخوفني دي و بعدين مشي.
يلا انزلي.
رايحين فين !.
هنطلع فوق تشحني موبايلك و تكلمي أبوكي علشان يجيلك.
عندكوا أكل إيه !.
بصلي بجنب عينه و ضحك و مشي من غير ما يرد و أنا طلعت وراه والله ما شوفنا ضحكه بالحلاوه دي قبل كدا والله ما شوفنا.
كنت قاعدة بتكلم مع مامته
