كاملة الجزء الاول
وعمك سعيد عشان نروح الغيط اهو ومشفناش حد لسه.
هتكون راحت فين بس لفيت عليها حوالين البيت والبيوت اللي جنبنا كمان ..
ايه دة معقولة يكون
مشيت بسرعة في اتجاه الترعة معقولة تكون راحت عندها تاني وحصلها حاجة !!!!!!
وقفت قصاد نفس المكان اللي وقعت فيه ودورت عليها بعنيا وانا قلبي بيدعي ان يكون مجرالهاش حاجة بس برضه ملهاش وجود الحمد لله
.
الكلام مع العيال دي طول حسيت ان الناس بدءت تكتر في الطريق وبدأوا ياخدوا بالهم من وقفتنا دي
_ بقولك ايه انت وهو انا مش عايزة اشوفكوا تاني وياريت محدش منكوا يحاول يوجهلي كلام بعد كدة حتى لو شافني صدفة .
قولت كدة والټفت عشان اسيبهم وامشي لقيت اللي بيشدني من ايدي
_ وليد!!! قولتلك يلا نمشي وبلاش فضايح .
_ مش دي مرات الاستاذ احمد هي مالها واقفه كدة لية ومين اللي معاها دول!
_ اه هي بس بقولك ايه يا ابو سماح ملناش دعوة يا اخويا هي مصراوية مش من هنا وتلاقي دول جايين معاها .
_ استني يا وليه .. دي باينها بتتخانق معاهم
_ طب اقطعيها وانا راضي
_ وليد لو مجتش معانا دلوقتي.. انا هسيبك وامشي .
_ في حاجة يا بنتي حد بيضايقك هنا .
_ عم متولي!!!! حضرتك عم متولي والد سماح صح!
_ ايوا انا في حاجة مع الجماعة دول ولا حاجه !
_ سيرين !!!!!!
ايه دة مش دة صوت احمد .. الټفت ابص ايوا هو وجاي على هنا اهو يا نهااااار مش هيفوت دلوقتي
_ احمد !!!.. مفيش والله انا كنت بتمشى عادي .. وبعدين.. وبعدين.
سكت معرفتش اكمل اقول ايه فضل يبصلي مستنيني اكمل كلامي وافهمه إيه الوقفه المهببه دي .. وبعدين بص للواقفين باستغراب حسيته مش فاهم حاجه.. صعب عليا بجد اني حطيتة في الموقف دة.
_ مفيش حاجه يا استاذ انت انا واصحابي كنا بنتمشى عادي وهنمشي اهو.
اخيرااا اخدهم وماشيين الحمد لله
_ خلي بالك مراتك بتدي مواعيد في السر من وراك يا رجولة.
يا لهوووووووي .. بيقول ايه المچنون دة
_ وليد!!!! انت اتهبلت يلا بقولك!!
لقيت احمد راح ومسك فيه
_ بتقول ايه يا روح امك !
_ الله الله الله.. هو انت مش قادر عالمدام .. هتيجي تتشطر علينا احنا دة احنا حتى ملحقناش نعمل حاجه من اللي كنا متفقين عليها .
_ لا يا احمد يا ابني.. انا واقف هنا بالحمار بتاعي من بدري ومتابعهم مراتك كانت ماشية في حالها .. بعدين لقيت الاخ اللي بيتكلم دي وعايز يوقعكوا في بعض وقف وكان باين كدة انه بيتشاكل معاها
_ إيوا يا استاذ احمد .. عمك متولي معاه حق اني كمان كنت معاه وشوفنا الافنديا دول بيتخانقوا معاها
_ شكرا بجد يا طنط .. شكرا يا عمو متولي .. صدقهم يا احمد والله البني ادم دة مختل وكداب والله هو دة اللي حصل.
_ لقيت احمد بصلي بطريقة عمره ما بصلي بيها قبل كدة وبعدين بص للحيوان التاني اللي اسمه حبيب دة
_ مش انت برضه ابن اخو والد عزت جوز اختي مريم
_ ايوا انا فيها ايه يعني!
_ اه .. طب بقولك ايه انا من وقت مشوفتك انت و العيال دي في الفرح وانا قولت انكوا مش مظبوطين فاحسنلك كدة تاخدهم وترجع تاني مكان ما جيت.
_ ليه يعني هو احنا كنا قاعدين في بلاد ابوك.. احنا قاعدين في بلد صاحبنا عند اهله .. انت بقى مال اهلك
_ لااااا يا احمد بلاااااش
..
_ خلاص يا استاذ احمد.. حقك عليا انا .
_ انت بتتحقلوا يا بابا بعد اللي عملوا في اصحااابي وانا واقف .
_ انت تخرس خاالص .. قدامك نص ساعة وتكون خارج من البلد وتسبقني عالقاهرة انت وشوية الصيع اللي جايبهم معاك دول واحسنلك متخطيش البلد دي تاني طول ما انت جاررهم معاك في كل حتة كدة وانا ليا حساب تاني معاك اما ارجع .
بصلنا انا واحمد.. يا حيوان وليك عين كمان .. وبعدين سابنا وطلع
_ استاذ احمد.. ممكن افهم مرات حضرتك كانت بتعمل ايه لواحدها كدة عالترعة في وقت زي دة وبالبس دة !
لقيت احمد الټفت يبصلي وكانة اخد بالة دلوقتي انا والله كان لبسي محترم بس نسيت البس العباية والطرحة كالعادة.
_ مراتي مش من هنا ومتعرفش اصول الارياف . وبعدين مفتكرش ان افعالها تخص حد غيري .
_ يا سيدي ماشي مقولناش حاجة بس انا بتكلم
