للعشق عناد بقلم كريمة حمادة
لمريم بغموض عدل نفسه وكمل سواقة وقال
الناس دى عايزة منك ايه يا مريم
غريبة انك متعرفش يعنى معقول عرفت أن فى ملف مختفى ومتعرفش الناس دى عايزة منى ايه
نوح بغموض يمكن حابب اسمع منك انتى بالذات
وانا مش هحكى
نوح ببرود براحتك يا حلوة بينا الايام كتير
مريم بتعب لو سمحت يا نوح وقف عند الكورنيش حابة اشم شوية هوا
لا ليه فيها ايه لو وقفت
_ حابب انام بدرى مش فاضيلك انا
مريم بحدة وقف العربية يا نوح وممكن تمشى وانا هرجع لوحدى
_ اوكى
وقفت العربية عند الكورنيش وهى نزلت ومدت أيدها ليها وقالت هات المفاتيح يا نوح
أداها نوح المفاتيح وشاورلها بايده بمعنى باى وهو بيقول اوعى كلاب السكك يطلعوا عليكى يا مريم لاحسن نخسرك ولا حاجة
_ لا انا مش خاېف عليكى اصلا
أمشى يا نوح امشى بالله عليك
_ سلام يا حلوة
بعد ما مشى وتابعت رحيله اخدت نفس عميق وراحت قعدت على تندا قصاد البحر .. شعرها كان بيفر جامد من شدة الهوا ومحاوطة كتافها بايديها من البرد ... حست بدفا محاوطها وقد كان حد بيحط عليها جاكت اسود طويل رفعت راسها تشوف مين لقيته نوح .. ابتسمت تلقائيا وقالت
_ اصلك صعبتى عليا قولت يا حرام ازاى اسيبها كدا فى البرد لوحدها اصل انا متربى زيادة حبتين
ضحكت بخفوت وهى بتهز راسها ومردتش عليه ... قعد جنبها وبص للبحر بشرود هى قاطعته
بتحب البحر
_ لا
ولا شكله ولا صوت الأمواج مع صوت الهوا الشديد دا
_ مترغيش يا مريم لانى مش هرد
نوح بضحكة خفيفة مقبولة منك يا ستى
كان ممكن تقولى أننا متراقبين بدل ما تحضن وخلاص
نوح بعبث انتى شاغلك اوى بقى الحضن دا ولا ايه
مريم بتوتر و و هيشغلنى ليه يعنى
_ لا ابدا ولا حاجة خالص
صراحتك الزيادة دى مستفزة اوى بجد
_ معلش
ما تمشى يا نوح انت رجعت تعكر مزاجي يعنى عايز تجر شكلى وخلاص
اوووووف
_ عارفة يا مريم
اممممم
_ فى كلمة ھموت واقولهالك من سعة ما شوفتك
خير المرادى
لف نفسه وبقى قصادها وشه فى وشها .. بصلها بعمق وبعدين ظهرت ابتسامة عريضة وقال بخبث لمى شعرك
افندم
_ لمى شعرك ياختى اللى فرحانة بيه دا
مريم بحدة وانت مالك بيا اصلا انت ملكش انك تتدخل فى حياتى أو فى اى حاجة تخصنى يا نوح انت ليك شغلك وبس مفهوووم
مريم بزعيق لا هتكلم براحتى يا نوح و...اه
مسكها نوح من أيدها وسحبها جامد وراه وركبها العربية وقفل عليها .. ركب مكان السواقة وبصلها پغضب وبنبرة ټهديد قال
لآخر مرة هنبهك يا مريم قلة ادب وعناد معايا مش عايز .. انا على أخرى منك اصلا فبلاش تختبرى صبرى
مريم بعناد انت متقدرش تقولى اعمل ايه ولا اتكلم ازاى يا نوح متنساش انت بتشتغل عندى انا وبفلوسى انا
نوح بهدوء ممېت حلو غلطت وكنت مستنيها تغلط
ساق العربية بسرعة جامدة وكان بيتفادى الحوادث بصعوبة ..وهى كانت جنبه ھتموت من الخۏف بس محبتش تبينله خۏفها .. بعد شوية وصل قدام الڤيلا ونزل منها وفتحلها الباب وسحبها لبرة لدرجة أنها كانت هتقع ..
نوح بعصبية اسمعى يا بت انتى انا نوح سراج اصلان أسمى عامل ړعب لاى حد بېخاف من ضله فمش هتيجى انت حتة عيلة هتحاول تقلل منه ... عربيتك اهى عندك وانا مش عايز اسمع صوتك تانى ولا المح وشك وعشان ابقى عملت اللى عليا هبعتلك واحد من رجالتى هيبقى معاكى بس اياكش يستحمل لسانك اللى عايز قصه دا
مريم بعند فاكرنى همسك فيك يعنى واقولك لا بالله ما تمشى ما تمشى يا نوح مش فارقة معايا اصلا
نوح اثبتى على كلمتك بقى تمام يا حلوة
مريم پغضب انا اصلا مش عايزاك ولا عايزة حد يحمينى انا اقدر احمى نفسى من غير اى حد ... امشى يا نوح
بصلها بغموض وهو بيهز راسه وكأنه فاهم حالتها كويس ..مشى خطوتين بس وقفه كلامها اللى حس فيه چرح
امشى ما انت متعود على انك تمشى دايما يا ابن اصلان
كان لسة هيسالها قصدها ايه بس فجأة انتشر فى المكان ضړب ڼار بس مش واضح جاى من انهى اتجاه ..
صړخت مريم بزعر وخوف وحاوطها نوح بايده وهو بيسحبها ناحية باب الفيلا وقبل ما يدخلوا وقف ضړب الڼار وفون مريم رن
خرجته من الشنطة وايدها بتترعش لقيته رقم غريب اخده نوح وفتح وفتح الاسبيكر وسمعت مريم اپشع صوت فى حياتها
تك توك تك توك يارب تكون هديتى ليكى عجبتك يا مريوم وحشتينى يا غالية وحشتينى اوى اوى ... مش عايزك تردى
