عريس لقطة من 16 الي 23

..ئاب ..
فارس ايه 
..ئاب .
فارس ايه ...
شاورت علي ايده اللي علي بوقي شالها 
..كذاب 
فارس انا كذاب يا حبيبتي هوا اللي يعرفك ويحبك يملي عينه وقلبه غيرك 
..
فارس انت مافيش في جمالك ورقتك حد
..بجد من قلبك 
فارس طبعا من قلبي 
..انا لقيت اللي يضحك عليا وانا مبسوطه عرف مفاتيحي ابن الايه هوا احنا كده هبل بيضحك علينا بكلمه حلوة ووردة 

فارس وحشتيني 
..انت اكتر ...اسكت ما تعرفش اللي حصل
فارس أيه 
.. مش الدلفه اللي كنا ضربناها اجي ليا البيت ..
فارس وايه اللي حصل 
..ولا حاجه يا مان انقضيت عليه زي الأسد اصل انا برج الأسد اساسا وضړبته انا وماما ونسوان الحارة وحطيناه في التلاجه ونيسناه للصبح 
فارس وماټ .
..لا لسه في عمره بقيه لسه عايش
فارس طب عرف بيتك منين الواد ده مش عايز يجيبها لبر
..لا وقال ايه وهوا جاي عاد لينتقم بس بعد العلقھ اللي خدها والتلاجه ما اظنش أنه هيقرب ليا تاني دا جايلي في حتتي وانت عارف الناس اللي في الحته بيموتوا فيا انا بين جمهوري ملك 
فارس بضحك من قلبي وانا معاكي 
..عشان انا طاقه ايجابيه 
فارس لا عشان تفاهتك اللي بعشقها دي اللي عدت كل اللي حوالينا 
..مش بيقولك من جاور السعيد يسعد خليك معايا بس كده وانا اخليك اسعد واحد في الدنيا عشان انا 
فارس في نفس الوقت كميه طاقه ايجابيه وبهجه متنقله 
انا وفارس 
..يلا بقا عشان المحاضرة بتاعتنا .
فارس يلا ..
دخلنا المدرج وقعدت وهوا قعد يشرح
انا تقريبا مش مركزة مع كلامه انا مركزة مع حركاته لما بيرفع أيده يرفع شعره لما بيتكلم ويبان غمازاته الواضحه جدا اللي بتبان من غير ما يضحك بصاته ليا كل شويه وابتسامته 
.......................
علي الكافتيريا..
سيف صباح الجمال 
رنا قاعده علي الكافتيريا وسيف متطفل عليها كالعادة 
رنا انت عايز ايه 
سيف نفسي انول الرضا وقعد
سيف ممكن اقعد ...
قلعت نضارتها وسابت الكتاب اللي بتقراه 
رنا ممكن اقعد
سيف ايوه طبعا تقعدي انا مش بحب أحرج حد انا واد خلاصه وشيك جدا حتي اسالي فارس وحنون هتلاقيني نسمه ومافيش مني 
رنا خلصت ..
سيف انت ليه مصدرالي الوش الخشب ما تفتحي الشيش خلي الشمس تدخل 
رنا قامت وسابته مع نفسه ..
سيف كمل كلام بعد ما مشيت وكأنه بيكلمها وماسك أيدها طب بس بقي بتكسف انا واد خلاصه بس في حالي 
وبعدين حاول يقلد صوتها انت عارف يا سيف يا قمر انت هانسم وحبيتك من يوم ما شفتك وبدعي ربنا يخلي قلبك يحن عليا وتتجوزني ونجيب قطاقيط وقطقوطات 
سيف ورجع لصوته الطبيعي تاني افكر يا رنا انتي فاجأتيني خالص اديني فرصه اعيد حساباتي وان شفت أني جاهز ادخل في علاقه هقولك 
وبعدين بيحاول يقلد صوتها تاني ارجوك انت حب عمري انت حلم عمري انت عمر عمري انا مقدرش اعيش من غيرك 
سيف ورجع لصوته الطبيعي هحاول يا رنا هحاول 
رنا لا ارجوك انا مقدرش اعيش من غيرك ..
سيف هفكر يا رنا ونبقي .......رنا 
رنا رجعت تاخد كتابها اللي نسيته ....
سيف اللي هوا اقول ايه ولا اعمل ايه انا بقي منظري زباله اضحك احسن 
رنا بصتله باستغراب وخدت كتابها ومشت 
سيف هووووف فاتها بتقول عليا مچنون دلوقتي وانا مفيش اعقل مني 
...................
خلصنا المحاضرة ..
وطلعنا ...
فارس لاحظت انك طول المحاضرة مركزة عليا وانا كنت مركز معاكي ودا بيأثر عليا 
..طب انت مركز معايا ليه 
فارس حد يبقي قدامه القمر ده ومايركزش معاه احلي حاجه في فارس ده أنه بقي فاهمني 
طلعنا من الجامعه واتمشينا علي البحر وجرينا ورا بعض الوقت معاه بيعدي في ثانيه مفيش اجمل من كده انا بحبك اوي اوي اوي يا فارس 
..بحبااااااااااااك بصوت عالي
فارس يا مجنونه 
..هوا في احلي من الجنان انك تعمل اللي انت عايزة في اي وقت انك مايهمكش كلام الناس اللي مهما عملت مش هيعجبهم تعيش لنفسك وتسعد نفسك وبس واللي يحبك علي كده يحبك واللي مايحبكش هوا الخسران 
فارسلو كل الناس بتفكر زيك كان كلهم هيبقى سعدا جدا 
..اللي بيعيش حياته عشان كلام الناس بيظلم نفسه عمري ما اهتميت بكلام حد منهم 
اتغدينا واتمشينا شويه وروحني حقيقي شعور حلو اما تحس من حد أنك ملزوم منه بيهتم بكل حاجه عشانك موجود معاك علطول قبل ما تحتاجه حقيقي عمري ما قابلت ولا هقابل زي فارس 
روحت البيت ودخلت اوضتي وكالعادة امي بتتفرج علي هندي اللي لحس عقلي انا وهي بس في فرق انا مش بستني الحلقات عشان اتفرج عليها علي التلفزيون انا بتفرج عليها عن النت كلها في اسبوع مثلا ليل ونهار ونهار وليل مش برحم نفسي
دخلت اوضتي ورايا مذاكره هبل ..
قعدت اعمل جدول ..
حب يتخطي الزمن هيبقى 3 ساعات 
قبول بكل اجزاءه 4 ساعات وأسد في الجزء الاول وما ادراك ما اسد يختييي عليه