كاملة بقلم عادل عبدالله

.
دعاء أصحابك !! أصحابك مين 
شادي كام واحد كده من أصحابي هيجوا هنا نقعد ونسهر مع بعض .
دعاء هنا في البيت 
شادي أيوه .
دعاء ليه  
شادي هفهمك وعايزك تركزي معايا .
دعاء قول يا شادي .
شادي فيه واحد صاحبنا معاه فلوس كتير بس بخيل أوي ومش بنعرف ناخد منه اي فلوس لكن بيحب يلعب كوتشينة .
دعاء مفهمتش حاجة .
شادي أصبري يا بت هفهمك صحبي ده لما بيكون موجود بنلعب معاه علي فلوس علي القهوة وبنضحك عليه وناخد منه فلوس كتير وبنقسمها مع بعض هنجيبه هنا ونلعب معاه وناخد منه اللي معاه وأتفقت مع أصحابنا أن الليلة اللي هيلعبوا فيها هنا هاخد منهم ١٠٠ جنية ده غير نصيبي في الفلوس اللي هناخدها منه ونقسمها .

دعاء وهتلعبوا وأنا هنا في الشقة !
شادي أيوه عادي أنتي هتدخلي أوضتك وتقفلي بابك علي نفسك وأحنا هنلعب في الأوضة التانية .
دعاء والجيران يا شادي لما يشوفوا أصحابك طالعين ونازلين 
شادي مفيش حد له عندنا حاجة يلا بقي سيبك من الكلام في الموضوع ده عايزين نسهر سهرة حلوة .
دعاء طيب هات برشامة .
شادي أنتي كده هتتعودي عليه !!
دعاء بيخليني في دنيا تانية وبنسي كل اللي مزعلني .
وفي اليوم التالي جاء أصدقاء شادي وكانوا ثلاثة خالد و سيد ومصطفي .
أتفاجئت دعاء بمجرد أن شاهدتهم ونادت علي شادي .
دعاء أنت أزاي تدخل اللي اسمه خالد ده البيت !
شادي وفيها ايه 
دعاء قولتلك أنه أتحرش بيا !!!
شادي يابت ده صاحبي ولما كلمته قالي أنه كان بيهزر وميقصدش حاجة .
دعاء وأنت صدقته 
شادي ده صاحبي يا بت وعمره ما يفكر يخوني أبدا .
دعاء يعني أيه 
شادي يعني هو كان بيهزر معاكي مش أكتر وعموما يا دودو لو حصل منه حاجة تاني قوليلي وأنا ساعتها هتشوفي أعمل فيه أيه !!!
دعاء مينفعش كده يا شادي !!
شادي هو أيه اللي مينفعش يا بت !! ده الواد ده هو الزبون اللي جايبينه نقشطه من الفلوس اللي معاه متتكلميش في الموضوع ده تاني بقي ولو حصل منه حاجة تاني شوفي أنا هعملك فيه ايه .
عاد شادي الي أصدقاؤه وبعد دقائق فوجئت دعاء به يناديها !!!
زوجة رجل ضعيف
للكاتب عادل عبد الله
الحلقة الحادية عشر 
عاد شادي الي أصدقاؤه وبعد دقائق فوجئت دعاء به يناديها !!!
أرتدت دعاء ملابس مستورة ثم ذهبت اليه فوجدت خالد يقول لها أنا أسف يا ست الكل أنا كنت بهزر معاكي لكن أنتي فهمتيني غلط وعموما أنا أسف حقك عليا أنتي زي أختي .
دعاء خلاص يا أخويا محصلش حاجة .
شادي طيب أعملي لنا الشاي بقي من أيديكي الحلوين .
وتكررت تلك السهرات كل عدة أيام وكان شادي في نهاية تلك السهرات يربح بعض المال فأحيانا يكسب ٣٠٠ جنيه وأحيانا ٥٠٠ وأحيانا ١٠٠٠ جنيه أو ربما أكثر وكان ينفق من تلك الأموال علي مزاجه ومنزله حتي موعد السهرة التالية .
وذات يوم ذهب اصدقاؤه خالد وسيد ومصطفي ولعبوا كعادتهم ولكن في تلك الليلة حدثت مفاجئة وربح منهم خالد كل ما كان معهم من أموال !!!!!
اصيبوا جميعا بالصدمة ولعدة أيام كان خالد هو الرابح الوحيد بينهم .
فجلسوا جميعا شادي وسيد ومصطفي يحاولون فهم ما يحدث !!!
شادي أنا كده مش لاقي أكل يا جماعة وداخلين علي أسبوع مفيش جنية بيدخل بيتي !!!
سيد وأحنا هنعملك ايه يا عم شادي ما الزبون بتاعنا شغال مكسب فينا وبياخد كل فلوسنا وهو ماشي !!! الواد عامل زي ما يكون بيعمل سحر يكسبنا بيه !!!
شادي اوعوا تكونوا اتفقتوا معاه عليا 
مصطفي عيب عليك يا شادي اللي انت بتقوله ده !!
شادي اومال ايه سر أنه بقي يكسب الايام دي 
سيد ده بقي يكسبنا رغم أننا بنحاول نسرق منه المكسب في اللعب لكن بقي يركز معانا اوي ومش عارفين نعمل معاه اي حاجة !!!
شادي طيب وبعدين هنعمل ايه 
مصطفي مش عارف يا شادي انا كمان فلوسي خلصت وبستلف علشان أجي ألعب معاكم .
شادي والحل ايه هنفضل ساكتين كده 
سيد مفيش أن نحاول نشتت انتباهه لأي حاجة وهو بيلعب علشان نعرف نكسبه .
شادي هنشتت أنتباهه لأيه 
سيد مش عارف لكن ده الحل الوحيد .
مصطفي فعلا سيد معاه حق هو ده الحل الوحيد أو أننا نبطل لعب معاه .
شادي طيب أنا هقعد أفكر مع نفسي النهادرة لحد ما الاقي حل .
فوجئت دعاء بشادي يقول لها أنا عايز أقولك علي حاجة بس تفهميني كويس وتركزي معايا .
دعاء قبل ما تقول حاجة أنا عايزة أقولك أن البيت مفيش فيه جنية واحد .
شادي ماهو اللي اسمه خالد ده بيكسبنا كل يوم ومش عارفين ناخد منه اي فلوس نمشي حالنا .
دعاء المهم دلوقتي هنتعشي أزاي ومفيش جنية واحد في البيت .
شادي أنا هقولك هنعمل أيه أحنا هندخل نلعب زي كل يوم عادي وبعدها بشوية هتدخلي