كاملة بقلم عادل عبدالله
متتبهدليش في التاكسيات كل يوم ومش عايز كلام كتير يلا مبروك عليكي .
كان شادي يستمع لكلام صاحب الكباريه وهو في قمة الذهول !!!
أخذت دعاء مفاتيح السيارة وأتجهت مع شادي ولكنها تذكرت انها لا تعرف فن القيادة !! فأعطت المفاتيح لشادي ليقودها .
عادا الي المنزل بينكما كاد عقل شادي أن يطير من الفرحة وظل يردد لها كلمات ليشجعها علي الاستمرار ..
دعاء صامتة تماما وتتجاهل الرد عليه !!
شادي العربية دي تمنها يوصل ل ١٠٠ ألف جنية .
دعاء صامتة تماما !!!
شادي تخيلي لو كنتي عاندتي ومش رجعتي الشغل النهاردة طبعا مستحيل كان هيبقي معانا عربية زي دي ولا حتي بعد عشرين سنة !!
دعاء تنظر له في لامبالاة وتحافظ علي صمتها .
أستمر شادي في محاولة جذب أطراف الحديث منها دون جدوي حتي عادا الي منزلهم .
كانت دعاء طوال مسافة الطريق تفكر في سبب أهداء استاذ رامي صاحب الكباريه هذه السيارة لها
بالتأكيد يوجد شئ غامض أو خفي هي لا تعلمه !! أقل ما يمكن توقعه أن يكون يريدها أن تصبح عشيقته !!! وربما كان. الأمر أكبر من ذلك !!
ما عليها الان هو أن تعيش هذه الفترة بكل ما فيها الي ان يجد جديد عليها أن تفرح وتسعد بتلك الهدية الغير متوقعة .
وبمجرد دخولهم المنزل وأخرج شادي ورقة صغيرة بها مسحوق أبيض وأستنشقه !!!
نظرت له دعاء بأشمئزاز فقال لها يلا يا دود تعالي ندخل أوضتنا وأحنا مبسوطين كده نعيش اللحظة الحلوة دي .
ذهبت دعاء في اليوم التالي الي عملها مع شادي وهي تترقب صاحب الكباريه الذي بالتأكيد سيطالب بثمن هذه السيارة .
توقعت أن يبدأ بمغازلتها ليراودها عن نفسها لتصبح عشيقة له ولكن فشل توقعها وكان يتعامل معها بشكل طبيعي جدا !!!
حتي جاءت الليلة التي فوجئت دعاء فيها ب شكري بك بعد غيبة طويلة يدخل الي الكباريه وبصحبته بعض أصدقاؤه !!
بمجرد رؤيتها له أنتابتها مشاعر الخۏف والأرتباك .
فهذا الرجل تحديدا يمثل لها اكبر مصدر خوف وازعاج بسبب تهديداته الغير مباشرة له .
حتي فوجئت به يناديها !!
أرتبكت دعاء ولكن كان لا مفر أمامها سوي الرد عليه .
ذهبت اليه وقالت أيوه حضرتك أؤمر
شكري بك يعني شوفتيني دخلت المكان والكل جاي بيحييني وبيسلم عليا وانتي عملتي نفسك مش واخدة بالك !!!
دعاء لا يا شكري بيه انا مقدرش في حد من زمايلي شافك هتطلب ايه
شكري سألوني لكن انا عايزك انتي .
دعاء تحت امرك .
ثم همس لها وحشتيني اوي .
أرتبكت دعاء وقالت أنزل لحضرتك ايه
شكري علفكرة يا دودو أنا من اول ما عرفت أنك بتحاولي تلعبي بيا كنت ممكن أدفعك التمن غالي اوي فوق ما تتخيلي لكن مهونتيش عليا عارفة ليه ولا مش عارفة
دعاء أنا مقدرش أفكر في كده .
شكري من غير لف ودوران أنا بحب القطط المشاكسة اللي زيك !! بحب الحاجة اللي تيجي بصعوبة أأنما اللي بييجي سهل ده ملوش طعم مبيكيفنيش .
دعاء انا أسفة أنا هنادي حد غيري يخدم علي حضرتك .
شكري لا يا حلوة أنتي اللي هتشوفي طلباتي بمزاجك أو ڠصب عنك .
حاولت دعاء الأنصراف من أمامه لكنه أمسك بيدها فنادت علي صاحب الكباريه يا استاذ رامي تعالي شوف شكري بيه عايز مني ايه .
أتي اليهم صاحب الكباريه مسرعا فيه ايه يا دعاء في ايه يا شكري بيه
دعاء بعد اذنك يا استاذ رامي خلي اي واحدة من زميلاتي تخدم عليه .
رامي لا يا دودو أوعي تقولي كده أحنا كلنا في خدمة شكري بيه واللي يقول عليه يتنفذ علطول .
دعاء لكن ده عايز ....
رامي علفكرة يا دعاء شكري بيه اللي اشتري العربية اللي بره دي وجابها لغاية هنا وقالي دي هدية منه ليكي .
دعاء العربية !!!
رامي أيوه وطلب مني مش اقولك واخليهالك مفاجاة يقولك هو بنفسه عليها .
دعاء يعني موضوع العربية ده كان لعبة منك ومنه !!
رامي مش لعبة ولا حاجة ليه تسميها لعبة !!! سميها مفاجأة .
وقفت دعاء في دهشة صامتة تحاول استيعاب الموقف وتحاول التفكير سريعا في كيفية التصرف في هذا الموقف !!!
حاولت دعاء الأنصراف من المحل لكن استاذ رامي صاحب الكباريه منعها وقال لها مش هينفع تمشي دلوقتي خلي شغلك الليلة ولو
