أبويا اتجوز أمك بقلم آلاء أسامة
بابا واضطريت اقعد في اسوأ اجتماع في الدنيا فيه الشخصين اللي مبكرهش قدهم
قولي يا يوسف انت شقتك جاهزة صح !.
كانت جملة بابا اللي وقعت على ودني خلتني عايزة حالا اقوم اصوت لاني عارفة كويس اللي وراها
ايوا ياعمي الحمد لله كله تمام
يعني عندك استعداد تكتب كتابك وتتجوز خلال اسبوعين .
هنا ماقدرتش اسكت قومت وقفت وانا بزعق
في اي يا آلاء
_انا مش موافقة هو اي اللي اسبوعين انت بترميني كدا دا.. دا انا لسا حتى ما اعرفهوش .
انا مش عايز كلام كتير هي كلمة وهتتنفذ اسبوعين ويكون مكتوب كتابكوا ومش عامل فرح هيتكتب الكتاب وتطلعي مع جوزك على بيتكوا ومش عايز كلام بعد كلامي يا آلاء
جملتين قالهم بابا بكل الجدية والعصبية اللي في الدنيا جملتين اتقالوا ولازم يتنفذوا والا العواقب مش هترضي حد .
وقد كانوا فعلا جملتين مافيش بعدهم كلام وتنفيذهم مسألة وقت لان بعد اسبوعين بالظبط كان بابا ايده ف ايد يوسف تحت ايد المأذون وانا متحاطة بملك صاحبتي وكام بنت من جيراني ومامة يوسف ولابسة فستان ابيض ستان سادة نظرا لاني جيباه من غير اي نفس حتى دقايق قليلة وكان المأذون بيشيل المنديل وبيعلن اننا زوج وزوجة بس لحظة زوج لمين وزوجة لمين!
فوقت من سرحاني على لمسة كف بابا لوشي طبطب على خدي بهدوء وعنيه ماليها الدموع والفرحة وبعد دقيقة كان مسلم ايدي لايد يوسف عشان ياخدني من ايدي وينزل على العربية اللي هتودينا بيتنا او بيته لان عمره ماهيكون بيتنا . سندت على ازاز العربية وسرحت في كل لحظة جمعتني بمصطفى وكل ذكرى بيننا حلوة او مرة لحد لحظة مۏته قدام عينيا اللي لحد دلوقت مش مصدقاها شدني من اسوأ ذكرى اسوأ الاصوات وهو صوته
مديت ايدي مسحت دمعة اتجمعت في عيني
_مش مهم بس على العموم اه كويسة .
نهيت جملتي ورجعت لنفس الوضع وهو مكمل ومركز في الطريق بعد دقايق كان وقف العربية ونزل عشان يفتحلي الباب حطيت رجلي على الارض لقيته مادد ايده ليا نظرا لان كان فيه ناس قدام العمارة محبتش احسسه بالإحراج ف حطيت كفي في كفه ونزلت طلعنا على شقته دخلتها المكان كويس شقة واسعة ونفسها حلو بس بالنسبة ليا لأ مش مريحة ومش عايزاها دخل ورايا وحط شنطتي جنبي
نهى كلامه بإبتسامة ودخل اوضة وطلع منها بعد دقايق بفوطة وبيچامة ودخل بعدها أوضة تانية توقعت انها الحمام ابتديت امشي ف الشقة اتفرج عليها طلعت البلكونة لقيت على جنب فيها كذا حبل اخدت واحد وطلعت الليڤينج ربطت طرف الحبل في حيطتين قصاد بعض في نص الأوضة طلع وقتها من الحمام وهو بينشف شعره حط الفوطة على الكنبة وبص للحبل وليا واتكلم وهو ماسكه.
يا اخي دمك تقيل زي أمك بالظبط تلاشيت الافيه المشمإز اللي قاله وشاورت ع الفوطة اللي هو حطها
_شيلها من على كنبتي
نعم!!
_زي ماسمعت من هنا لهنا دي منطقتي ودي كنبتي ودا الكرسي بتاعي والكنبة والكرسي التانيين بتوعك وبالنسبة للتليفزيون ف انا هبقى من ٨ ل ٤ في الكلية وانت لحد ٩ في الشغل ف هيكون متاح ليا من ٥ ل ٩
وانت من ١٠ لحد ما تتخمد ان شاء الله
بس دا ظلم
_خير يحمادة !!
ايوا انا اصلا واحد بينام الساعة ١٠ ونص عشان بصحى ساعات الفجر للعيادة مستعجل اي هو اللي من ١٠ لحد ما تنام
_طب خلاص ماتوجعش دماغي اي وقت تكون صاحي فيه او موجود في البيت مش في المواعيد بتاعتي ابقى افتحه براحتك امين
ربنا على الظالم
_امين نيجي بقى لشغل البيت انا هطبخ وهروق الجزء بتاعي من الليڤينج والصالة واوضتي وانت لما تيجي هتغسل المواعين وان شالله تولع في اوضتك انت حر .
ما تحسني ملافظك شوية
_دا اللي عندي بالنسبة
