كاملة

مكنت فقدت الأمل فيه 
چنى....معلش أنا عرفة معاذ وأخلاقه وإلتزامه وأكيد مكنش عايز يعمل زى الشباب ال ياما شفناهم فى الكلية رايحين جايين مع البنات وتلاقى الواحد منهم يوعد دى ويوعد دى والبنت فى الآخر هى الخسرانة.
حبيبة...آه الحمدلله الذى عافانا 
وتسمع حبيبة جرس الباب فقلبها يدق ووشها يحمر 
چنى بضحك...إيه بس بس أمسكى اعصابك شوية ده لسه أول مرة أمال هتعملى إيه لما يكتب عليكى شكلك هيغمى عليكى وهتبقى حوسة.
حبيبة...مش قادرة والله اتحكم فى اعصابى ومتوترة ومتلغبطة ومش عرفة هيقلى إيه وأرد عليه إزاى .

چنى..مټخافيش مش هيقول ولا يعيد 
حبيبة ....إزاى 
چنى...مهما الجماعة الملتزمين دول مش بيكلموا كتير مدام لسه فى الأول ومفيش عقد 
يعنى آخره هيقلك عامله إيه واخبارك وحالك وتحبى تسئلينى عن حاجة أجاوب وبس كده فمتوتريش نفسك .
يعنى من الآخر يا أختى مش هتسمعى الكلمتين ال نفسك فيهم إلا لما نكتب الكتاب ونعلى الجواب .
حبيبة...وماله أنا صبرت أربع سنين ومكنتش عرفة هو عايزنى ولا مش عايزنى فمش هصبر وهو خلاص معايا .
چنى.. آيوه كده عين العقل يا حبيبتى عشان ربنا يبركلكوا ويتمم بخير .
ويلا أجهزى عشان سامعة مماتك بتنادى والله أخيرا هشوفك تمسكى صنية الشربات بس أوعى تدقليها عليه 
حبيبة بضحك..والله بحالتى دى ممكن أعملها 
وتدخل حبيبة وهى مكسوفة ومش قادرة ترفع عينيها وتبص لمعاذ مع إنها أتمنت اللحظة دى من زمان 
وهو لاحظ ده وابتسم وعرف إنها فعلا عندها حياء 
والد حبيبة....إيه يا حبيبة مش ترفعى عينيكى يا بنتى وتشوفى عريسك امال لو مكنتوش زمايل وعارفين بعض .
معاذ ...عاملة ايه يا حبيبة  
حبيبة بخجل ... الحمدلله 
معاذ ..طيب مش عايزة تستفهمى او تسئلى عن حاجة.
حبيبة...تبتبسم وتسكت 
والدة معاذ...طيب بعد إذنك يا حج ممكن نسبهم كده حتى خمس دقائق يقعدوا مع بعض 
والد حبيبة...تمام ماشى يا حجة حقهم اتفضلوا معانا بره 
معاذ...حبيبة ممكن تبصيلى على فكرة ده حقك عشان دى رؤية شرعية .
حبيبة بخجل ترفع عينيها ومن غير متكلم فهم هى عايزة تقله إيه 
معاذ...انا عارف عنيكى بتقول إيه  
أنت بتسئلى ليه مكملتنيش قبل كده واشمعنى أستنيت لآخر يوم فى الدراسة 
حبيبة...فعلا يا معاذ ليه أنا أستنيتك كتير  
معاذ ...مكنش ينفع أوعدك بوعد أنا مش قده بس أنا من يوم مشفتك وانا وعدت نفسى بينى وبين نفسى تكونى ليه عشان كده عافرت اربع سنين شغل جمب الدراسة عشان أفوز بيك وأقدر أجى أتقدملك لدرجة ساعات كنت بطبق باليومين شغل ودراسة من غير نووم .
حبيبة....ياااااه كل ده عشانى وأنا ال كنت فاكرة....
معاذ..لا متكمليش أنت غالية عندى أووى ومش هقدر أقلك كل ال فى قلبى غير لما نكتب الكتاب 
أنا صبرت كتير عشان اللحظة دى فمش هضيعها النهردة وكفاية كده هنادى والدك يجى قبل متهور واقول كلمة مسكها من أربع سنين 
حبيبة بخجل...طيب ممكن
أنا أقول 
معاذ....تقولى إيه مش أتفقنا بعد كتب الكتاب هنقول بالكلام وهنطبق بالفعل كمان .
حبيبة...لا مش قصدى أنا بس عايزة أقولالحمد لله إنه رزقنى بيك .
معاذ ..وأنت أحلى هدية من ربنا سبحانه وتعالى
وتم الاتفاق على معاد عقد القران 
ومكنش فيه مكالمات ولا مقابلات كتير بين معاذ وحبيبة إلا فى حضور الأهل زى متفقوا إن حياتهم ديما هتكون على طاعة الله وكل واحد منهم هياخد بإيد التانى للجنة هيشجعوا بعض ومحدش هيقل من التانى واكيد محدش فيهم هيكون معصوم من الغلط عشان هما بشړ لكن خير الخطائون التوابون .
..... وجت اللحظة الحاسمة 
وكتبوا الكتاب ..من هنا قااااااااام معاذ من هنا وضمھا لصدره ونزلت دموعه وهى بكت .
ما أجمل اللقاء فى الحلال بعد شووق أنتظار وسنين حب فى القلب من غير كلام .
معاذ بحب...ياااااه مش مصدق إنك بين إيديا متصوريش أنا أستنيت اللحظة دى إزاى 
حبيبة...يعنى بتحبنى 
معاذ...لا أنااا مش بحبك بس أنا عايزك تجمعى صبر أربع سنين فيهم كام شهر وكاام يوم وكان ساعة وكام دقيقة واحسبى كل لحظة فيهم كنت بقلك بحبكككككك 
هيطلعوا قد إيه ده مش حب ده عشق بيسرى فى دمى .ده عمر بتمنى نعيشه مع بعض لآخر يوم فى حياتنا .
حبيبة....يعنى عمرك مهتزعلنى ..
معاذ..حد يزعل نفسه أنت نفسى وأنت عينى ال بشوف بيها ..وهيكون لى منك أحلى بنوتة .
فزى ممش هستحمل أنها تيجلى يوم بتبكى من جوزها وهتأثر فيه دمعتها وهتموتنى عشان كده هبدء أنا عشان ال هعمله معاكى هيأثر فيها .
فهعملك بما يرضى الله وزى مرسولنا صل الله عليه وسلم كان بيعامل زوجاته .
..بس أهم شىء متفرطيش فى أى حد من حدود الله وإلا ....
حبيبة...وإلا إيه ها هتضربنى 
معاذ بحزن..أضرب وإزاى هكون راجل إزاى إمد إيدى على ضعيفة 
مسمعتيش حديث رسول الله 
إنى أحرج حق الضعيفين اليتيم والمرآة 
حبيبة....حبيبى يا معاذ وأنا بإذن الله هكون نعم الزوجة الصالحة .
معاذ...ربى يحفظك ليه يا خير زوجة فى الدنيا .
وهمس لها معاذ بحبك .
.حبيبة ...لا حيلك كفاية كده .لما ندخل بيتنا 
معاذ...يا ااااه لسه هصبر 
معدش فيه نفس 
طب تصبيرة 
حبيبة ...نووووووو
وتعالت ضحكات الإثنان وتمت المباركات والدعاء لهم 
بارك الله لكم وبارك عليكما وجمع بينكم على خير 
أم فاطمة