حكاية بنت واخوها

مصلحه بس مش وقته.
فارس
خير يا معلم حمدي قول ولا يهمك..
حمدي 
يا استاذ مش وقته ده عزا الحج انا قولت اقولك عشان بس ما تنساش ونتكلم بعدين..
فارس 
يا عم قول عايز ايه انا تمام وزي الفل..
حمدي 
طيب اذا كان كده انا كنت كلمت الحج وقولتله عشان اخد الشقه بتاعتكم انا ناوي اهد البيت ده وابني عماره اكبر وهو كان رافض مع اني عارض عليه مبلغ كبير اوووي..
فارس
تمام يا معلم حمدي تعالي النهارده بالليل ونتفق انا وانت وانا هبيعلك..
حمدي فرح وقال 
طيب علي بركة الله يا استاذ فارس والبقاء لله ربنا يصبركم..
مشي حمدي وقال فارس لنفسه 
كويس اووي كده انا اصلا كنت محتاج فلوس عشان ادخل الصفقه الجديده وانا معايا فلوس تسندني..
وبالليل بعد ما خلص العزا كانت قاعده ملك مع مرات اخوها وقالت ملك بسخريه..
ملك
لو هتباتي يا ميار انا هقوم ارتبلك اوضه انتي وفارس..
ميار
انتي عايزاني انا ميااار تبات في المزبله دي..
ملك 
اومال ايه اللي مقعدك عندي..
ميار
اخوكي قالي استنااه وهو جاي بعد ما يخلص العزا مش عارفه عايز ايه بالظبط..
ملك 
ربنا يستر انتو مش بيجي من وراكم خير ابدا
ميار
لا بيجي بس انتي وابوكي اللي كنتو فقر ومش وش خير وطماعين فيا وفي جوزي..
ملك 
اللهم طولك يا روح..
وبعد شويه جه فارس ومعاه حمدي ومحامي قامت ملك وقالت بقلق..
ملك
ايه اللي جاب الراجل ده معاك يا فارس ده كان عايز يطلعنا انا وبابا

من بيتنا..
حمدي 
في ايه بس يا ابله هو انا كنت طلعتكم يعني ولا كنت طلعتكم انا كنت جاي اعرض عليكم البيع السكان كلهم باعو الا انتو بس الله يباركله الاستاذ فارس هيبيع هو البيت..
ملك پبكاء 
انت هتبيع بيت ابوك يا فارس طيب وانا اقعد فين انا ما حلتيش غيره البيت ده..
فارس 
وانا مالي اتصرفي يا ماك وبعدين انا هديكي حقك الشرعي في البيت بعدل ربنا..
ملك 
منين بس ما انت عارف البير وغطااه يا فاارس..
ميار
يعني انتي عايزه تفهمينا ان معاش ابوكي ما كانش بيبقي معاكي وبتصرفي منه وكمان لسه هتفضلي تصرفي منه لحد ما تتجوزي ده اذا حد عبرك يعني بخلقتك دي..
ملك 
انت هترمي اختك في الشارع يا فارس يعني مش كفايه رميتك لبابا وهو تعبان جاي تكمل عليا انا دلوقتي..
فارس
بطلي بقي تمثيل والجو بتاع الافلام ده ويلا عشان نخلص اللي ورانا والمعلم حمدي يستلم بيته..
وبعد شويه لمت ملك هدومها ونزلت بره البيت وبصت علي الفلوس اللي اخدتها من بيع البيت وكانو قليلين اووي ومعاش ابوها برضو قليل اووي فركبت تاكسي وراحت لبيت عمتها اللي كانت عايشه هي وابنها لوحدهم... وفتح ليها مجدي ابن عمتها ولما شافها ابتسم وقال..
مجدي 
ازيك يا ملك عامله ايه اتفضلي البيت نور والله..
دخلت ملك وقالت
منور بصحابه يا مجدي هي فين عمتي
مجدي 
تعالي اقعدي طيب في الصاله وانا هندها ليكي من جوه ثواني بس..
قعدت ملك في الصاله وطلعت عمتها وقالت بقلق..
هناء
ازيك يا ملك عامله ايه وايه الشنطه اللي في ايدك دي يا بنتي..
حضنتها ملك وقالت پبكاء 
فارس يا عمتو خلاني ابيع البيت وانا مش موافقه واداني نصيبي ورماني في الشارع..
هناء
اخص عليه قليل الربايه الواطي سيبك منه يا بنتي بيت عمتك مفتوح ليكي في اي وقت..
مجدي 
عملتلك بقي كوباية شاي بلبن يا ملك انما ايه هتطلعي علي المستشفي بعدها علي طول..
ضحكت ملك وقالت 
والله يا مجدي ضحكتني وانا ما ليش نفس اضحك..
هناء
اضحكي يا بنتي وطول ما عمتك عايشه ما تشليش هم حاجه واشربي اللبن وتعالي باتي معايا في اوضتي..
ملك 
ربنا يخليكي ليا يا عمتو وما يحرمنيش منك ابدا..
وبعد شويه دخلت ملك اوضتها وكانت مدايقه جدا من اللي بيعمله اخوها فيها وبره قربت هناء من ابنها وقالتله..
هناء
ايه رئيك في ملك يا واد مجدي..
مجدي 
مالها ملك يا امي بنت طيبه وغلباانه ومحترمه بس ليه بتسالي هتجبيلها عريس ولا ايه..
هناء 
واجيبلها عريس ليه وانت موجود..
مجدي 
اممممم قولتيلي كده بقي..بس انتي عارفه اني كنت خاطب مرات اخوها زمان وكمان ملك مش متعلمه ولا واخده كليه دي واخده دبلوم تجاره وكمان شكلها مش حلو يعني...
هناء 
يا واد يا غبي دول بايعين الشقه بتاعتهم ووارثه النص تلاقيها يعني لو اتجوزتها ممكن تفتح السوبر ماركت بتاع ابوك من تاني وتملاه بضاعه بدل القرض اللي كنت عايز تجيبه..
مجدي 
بس انا عايز اتجوز

نسمه