كاملة
بتقولي
أنا هطلع الاوضه فوق ثواني
أه طبعا إتفضلي
طلعت وانا قعدت أشرب في العصير وقولت أشوف الموبايل كنت عامله صامت لقيت الكاشير متصل كتير.. كلمته قولتله روح انت وبكره نتحاسب قالي ماشي وهو مقموص
بعدها فضلت أقلب في تلفوني شويه والساعه كنت داخله على 2
فضلت مستني كتير وهي مانزلتش وقفت في نص الفيلا وبصيت عالسلم اللي بيطلع لفوق وانا قلقان
الوقت عمال يعدي وانا قاعد تحت لوحدي هي راحت فين
وايه قلة الذوق دي
فكرت اعمل أيه قولت أتصل عليها.. أتصلت عليها بيرن ومش بترد
فكرت أمشي وخلاص احنا اتعشينا والفقرة بتاعتي خلصت على كده
أنا ما كنش ينفع أصلا أتعشى معاها وبعدين هي ماحسبتنيش على الأكل أصلا.. مش مهم انا هدفعه ونبقى كده خالصين عزمتني مره وعزمتها مره
قومت من مكاني وفتحت باب الفيلا بس بصيت تاني عالسلم
جايز في حاجه
مهو مش طبيعي اللي بيحصل ده.. قفلت باب الفيلا وطلعت على أول خمس سلالم بالراحة وقعدت انده بصوت مهزوز
ماجاش اي رد كملت طلوع عالسلم وانا عيني عماله تبص في كل مكان
لحد ما وصلت الدور اللي فوق وكان في كذا أوضه
ليلى.. ليلى أنتي نمتي.. طب أروح أنا !
كان في خمس أوض في الدور اللي فوق روحت ناحيه أول أوضه وخبطت عليها وندهت ليلى وبعدها قررت أفتح الاوضه لقيت الاوضه مقفوله بصيت من تحت الباب لقيت ضلمه دخلت على الاوضه التانيه لقيتها برضه مقفوله دخلت على الاوضه الثالثه لقيتها حمام دخلت على الاوضه الرابعه لقيتها مقفوله
ليلى انتي كويسه
طب أنا هدخل !!
حطيت إيدي على الاكره وانا ايدي بتترعش وحسيت ببروده الأكرة في ايدي وفتحت الباب بالراحه لقيت
حطيت إيدي على الاكره وانا ايدي بتترعش وحسيت ببروده الأكرة في ايدي وفتحت الباب بالراحه لقيت ليلى قاعدة بټعيط.. فضلت واقف عالباب مستغرب وقلقان وهي ما بصتليش حتى وأنا مش عارف أعمل أيه
قعدت أفكر أعمل أيه أو أقول أيه بنت اللذينة حتى وهي بټعيط جميلة.. وعياطها رقيق مع أنها بتحب تضحك وتهزر بس من جواها اللي حسيته أنها طيبه جدا وتكاد تكون مش بتميز الصح من الغلط.. أنا ماعرفش هي بټعيط ليه وخاېف أكون انا السبب باي شكل من الاشكال
كلمة حسيت إني لازم أقولها دلوقتي جايز مش وقتها ولا مكانها.. جايز تفهمني غلط بس أنا حسيت إني عايز أقولها...الكلمة اللي لو شلتها جواك من غير ما تطلعها..كل يوم هيعدي عليك هتاكل من قلبك حته
كلمه نطقها خفيف على اللسان لكن تقيله عالمشاعر كلمة وأنت بتقولها بتاخد من روحك
كلمة عشان تنطقها لازم يكون عندك الشجاعة
كلمة لما تخرج منك بتقلب الوضع 180 درجه
بتغير كل اللي جاي في المعاملة في النظرات في طريقه الكلام بينك وبين الشخص اللي هتقولهاله
كلمه لو قلتها زي ما أنا حاسسها دلوقتي هتعرف إنها أصعب كلمة ممكن تقولها لحد
كلمة وراها مسؤليه.. وراها تضحيات..وراها وعود.. وراها أمان
كلمة ما تعرفش وقت ولا سن ولا شكل ولا جس كلمة بتخاطب روح
كلمة بتخاطب إحساس
كلمة
لازم أقولها لأني مش قادر أحبسها في قلبي أكتر من كده
وأنا بطبطب عليها قولتلها
ليلى.. أنا بحبك
فجأة سكتت وبصتلي وعينيها مليانه دموع.. عدت ثواني كأنها أيام وشهور وهي بتبص في عيني
قلبي هنا كان بيتنفض مش بيدق قلبي كان هيكسر ضلوعي ويطلع برة
جسمي بدأ يسخن وهي بتبصلي
حسيت بۏجع شديد في
