سندريلا في بيتي الجزء الثاني

من غير اي حرج لكن لو عرفوا هيخدوا منى موقف ووقتها مش هقدر اقعد معاك.
زفر جويد وقال بضيق
_بس انا مش حابب كدا يا شويكار أنتي من حقك انك تاخدى وضعك كفايا اوي ان الكل يبص لك على انك بتشتغلى فالقصر هنا و.
وضعت شويكار يدها فوق شفتيه لتوقفه وقالت
_انا فاهمة انت غيرت موقفك ليه انت لما عرفت ان نبيل اتجوز ولاء شوفت ان من حقى انا كمان ان الكل يعرف اننا متجوزين بس يا جويد ولاء صغيرة ومن حقها تعيش حياتها وتتمتع بيها انما انا كبرت خلاص وكل اللى بتمناه انى اخد بالى منك واعوضك الاهمال اللى شايفة الكل بيعاملك بيه واللى متستحقوش عارف يا جويد انا بتمنى يشوفك بعيونى هيحبوك اضعاف ما بيحبوك لانهم هيشوفوا قد ايه انت اطيب قلب فالدنيا دى.

كتمت بسمة دموعها فها هى تأكدت من صدق حديث آلاء بشأن ارتباط والدها وشويكار ولكنها لم تستطع منع نفسها من اقټحام المكتب فدفعت الباب بحدة ووقفت تنظر لهما معا ازدرد جويد لعابه امام نظرات الاتهام التى قرأها فى عينا ابنته فزفر واتجه صوبها وقال
_بسمة انا.
هزت بسمة رأسها تمنعه من اكمال حديثه وقالت
_حضرتك ايه يا بابا انا مش مصدقة ان حضرتك ممكن تعمل كدا وتتجوز على ماما معقول يا بابا حضرتك المثل الاعلى فكل حاجة تدنى نفسك وتتجوز الخدام.
صړخت بسمة پألم حين هوى والدها على وجنتها بصڤعة مانعا اياها من اكمال كلمتها وحدقت بوجه پصدمة وقالت وهى تبكي
_اول مرة تمد ايدك عليا يا بابا معقول بقى علشان دى تضربنى.
قبض جويد على اصابع ابنته التى اشارت بهم بأهانة الى شويكار بقوة جعلتها تأن وسمعت صوت والدها يقول بحدة
_اياك يا بسمة تفكري مجرد تفكير فانك تهيني شويكار لانها الانسانة الوحيدة اللي حبتني فالبيت دا من بعد والدة نبيل الله يرحمها هي الوحيدة اللى حست بيا وقدرت مشاعري انما انتم لا انتم كان كل اللي يهمكم الفلوس اللي بتخدوها مني والفسح والسفر ومافيش حتى مرة واحد فيكم افتكر عيد ميلادي ولا فكر انه يجي فيوم ويقولى مالك يا بابا كل واحد فيكم عايش لنفسه وبس وانا ولا حاجة ليه الا بنك وبس.
تغضن جبين جويد وفجأة ترك يد ابنته ورفع كفه ووضعه فوق قلبه فاسرعت شويكار اليه پخوف فنظر لها مټألما وتابعت بسمة ملامح شويكار ورأت حبها لوالدها وخوف لم تره من قبل لدى والدتها فاسرعت بسمة هى الاخرى نحو والدها وقالت پخوف
_بابا مالك يا حبيبي ارجوك طمني عليك.
ربتت شويكار على يدها وقالت لها بهدوء
_اهدي يا بسمة بابا بخير هو بس محتاج دوا القلب بتاعه بصي هو فدرج المكتب هاتيه لو سمحتي. 
شهقت بسمة لا تصدق ما سمعته فلاول مرة تعلم بمرض والدها واتجهت صوب مكتبه وجلبت دواءه ومدت يدها به لشويكار التي اعطته منه وجلست بسمة بجانبهما ارضا وقالت
_انا اسفة يا بابا وحقك عليا انا انا غلطت فحقك وعوزاك تسامحنى ارجوك وصدقنى من النهاردة هتلاقينى بسمة تانية خالص هتلاقينى بنتك اللى تستحق اب زيك تحبه وتحترمه وتقدره.
الثامنة..ما بداخل القلب أصدق 
جلس آسر يحدق بوجه بسمة الباك وأستمع لها وهي تقص عن والدها الذى تزوج من اخرى لتقصير الجميع معه خاصة حين تفاجأت بمرضه الذي اخفاه عنهم تنهد آسر وأحس بقلبه يؤلمه لرؤيته دموع بسمة فلم يدرك انه مد يده يدها وانحنى مقبلا راحة يدها وانتبهت بسمة لفعلته فسحبت يدها منه ووقفت وهى تحدق به بدهشة وتلون وجهها فأسرع آسر ووقف هو الاخر وشعر بالارتباك امام فعلته وقال معتذرا
_انا اسف يا بسمة حقيقي انا مش عارف ازاى عملت كدا ارجوك تسامحيني انا بس انجرفت ورا مشاعري لاني حسيت اني قريب منك اوي ممكن تقعدي خلينا نتكلم سوا.
ترددت بسمة امامه وجلست مرة اخرى وقلبها يخفق بقوة لا تعلم لما تشعر ان عليها البقاء معه فقالت بأرتباك
_آسر أنت مين.
ابتسم آسر بحرج وقال
_انا انسان بسيط بحاول ابقى نفسى ومش عاوز اعتمد على والدى يمكن اه بشتغل احيانا معاه لكن فنفس الوقت مشارك صاحبى فالكافية دا هو طبعا ميعرفش اى حاجة لانه لو عرف ممكن ميوافقش علي اني اشتغل بنفسى احيانا هيقولى ركز فالشركة وكبرها وسيبك من الكافية بس حاليا بقى انا وهو على خلاف وسحب مني كل حاجة فتقدري تقولي ان الكافية بقى هو كل شغلي دلوقتى واني مبقتش عاطل. 
بادلته بسمة الابتسام ولكنها سرعان ما تذكرت والدها فتجهم وجهها وقالت
_بلاش تزعل والدك يا آسر وصالحه بدل ما تبقي زي كدا بعيد عنه وتكتشف انك قصرت معاه وساعتها الندم هيبقى صعب عليك وهيوجعك زي ما هو واجعني وانا مش عوزاك تتوجع.
تابع آسر قسمات وجه بسمة وهى تحدث وخفق قلبه واخبره انه يعشقها حقا انتبه آسر ليد بسمة تربت على يده فنظر ليدها ورفع عيناه لها وقال بصوت