غرام النمر الثالث والرابع والخامس

الايام جايه مابينا وهندمك على طوله لسانك دى وكبريائك وهتشوفى وخرج وذهب لعمله . 
غرام توجهت الى الحصان وقضت معه وقت وبعد كدا خرجت الى السياره لتذهب الى الجريده .
 
نروح لشركه يونس الحديدى كانت ديلان وصلت الى الشركه وتوجهت الى مكتبها الذى بيكون بجانب مكتب الياس . 
رانيا السكرتيره لمحتها وتوجهت اليها 
رانيا بقرف ديلان الياس بيه عايزك فى مكتبه . 
ديلان هو ماقلش عايزنى ليه 
رانيا بخبث ممكن يكون عايزك لانك اتاخرتى مثلا . 
خاڤت ديلان وقالت طيب انا هروح اشوفه . 
ديلان دقت على الباب ودخلت . 
ديلان استاذ الياس حضرتك عايزنى 
الياس اه تعالى يا انسه ديلان عايز افهمك المشروع اللى هنشتغل عليه 
توجهت اليه وقعدت على المقعد التى امامه وشرح الياس المشروع لها 
بعد عده ثوانى ديلان قالت انا عندى جزئيه صغيره ممكن اقولها ولو عجبت حضرتك ممكن نضفها . 
الياس طبعا اتفضلى قولي . 
قامت ديلان وقفت بجواره بس تبتعد عنه بمسافه الى حد ما . 
الياس والمفروض بقى هتفهمينى ازاى اللى انتى عايزاه واحنا بينا شارع ... ليكمل بلهجه امر وقال قربى يا ديلان خلينى افهم الجزئيه اللى عايزاها . 
ديلان اقتربت منه باستسلام وتتسارع دقات قلبها بصوت عالى فاخذت تحاول تهدي قلبها بمحاولة التنفس بعمق دون ان يلاحظ هو وبدأت الشرح له . 
الياس مكنش مركز مع شرحها هو كان سرحان بملامحها الطبيعيه الجميله وشعرها الجذاب فاق على صوتها الرقيق 
ديلان برقه وابعدت عنه وذهبت على مقعدها مره اخره وقالت انا كدا خلصت شرح لحضرتك ايه رائيك بالجزئيه دي. 
الياس تمام يا ديلان هنضفها . 
ديلان طيب بعد اذنك انا هروح أضيف الجزئيه فى المشروع وارجع اوريها لحضرتك . 
الياس ديلان ياريت لما نكون لوحدنا ياريت نشيل الالقاب ده حضرتك واستاذ انا هقول ديلان عادى . 
ديلان بكسوف هحاول .. بعد اذنك 
وخرجت ديلان كان دقات قلبها تتسارع جدا وحاولت تهدى وذهبت الى مكتبها . 
ملحوظه الشركه عباره عن شركه مقولات كبيره والمشروع عباره عن كمبوند كبير وديلان هي والياس مصممين ديكور للكمبوند . 
 
في كليه تجارة انجلش 
كانت تاج واصدقها واقفين وبيهزوا وتاج عملت مقلب فيهم وجريت بسرعه وهى بتجرى خبطت فى شاب كانت هتقع فمسكها . 
ادهم حاسبى ايه بتجرى كدا ليه 
تاج بعدت عنه و اتكسفت اسفه مكنتش بقصد كنت بعمل فى صحابى مقلب وجريت مختش بالى . 
ادهم معقول تاج هانم طلعت بتتأسف عادى زى الناس . 
تاج هتبدء ترخم ولا ايه انا هروح لصحابي احسن . 
تاج كانت هتمشى وادهم مسك ايديها وقال بضحك اصبري بس بهزر معاكى . 
بعدت يدها وقالت من فضلك متمسكش ايدى كدا تانى سامع !! 
ادهم انا اسف مش قصدى المهم انتى عامله اى بقى . 
تاج برخامه هو انت هتاخد عليا ولا ايه. 
ادهم مين اللى بيرخم على مين بقى اتصدقى انا غلطان انا همشى احسن . 
تاج لا انا اللى همشى وراحت طلعت لسانها ومشيت . 
ادهم مع نفسه والله البنت دى هبله..اوف يا تاج هتجننيني اول مره اشوف حد اجن منى . 
وصلت تاج لأصحابها 
مرام صحبتها بنت يا تاج مين الواد المز اللى كنتى واقفه معاه ده . 
تاج بتريقه ده مز العتب على النظر يا حبيبتي . 
مرام ملكيش دعوه عرفيني عليه انتى بس مش انا صحبيتك حبيبتك . 
تاج بغيره يووو ما تروحى هو انا مسكاكى انا ماشيه . 
وذهبت تاج وقالت مع نفسها هو انا مالى اي الحصلى ليه زعلت لما مرام قالت عايزه تتعرف عليه يووو هو انا بقيت مجنونه ولا اى بقيت اكلم نفسى وافتكرت مقابلتها مع ادهم وضحكت  
 
فى غرفه اجتماعات ادارة العمليات الخاصة 
عبد الله يا شباب انا النهارده مجمعكم عشان هنطلع مهمه صعبه شويه. 
فتح شاشه العرض ظهرت صوره هاشم او سالم لما ظهرت صورة 
عبد الله سالم او هاشم الاثنين نفس الشخص 
نديم بعدم فهم ازاي يا سياده اللواء انا مش فاهم . 
عبد الله ثواني يا سياده المقدم انا لسه هقول مش عايز حد يقاطعني بعد اذنكم اسمعوني للاخر وبعد كده لو في اي سؤال ابقو اساله فى الاخر 
عبد الله واقف امام شاشه العرض ويشاور على صوره سالم . 
عبد الله انا وسالم كنا اصدقاء في كليه الشرطه وتخرجنا واشتغلنا في مكان واحد ... المهم سالم