رواية ظابط شرطة
متبرع وعملنالك زرع كليه..
كنت مصدومه من الي بتقوله
يعني انتو حطتولي كليه بتاعت حد تاني
ايوه
طب هو مين
والله دي بقى تسألي فيها والدتك او الطبيب المتابع لحالتك...
لقيت الباب اتفتح وماما دخلت وعينها كلها دموع وكأني كنت غايبه عانها سنين انا لغايه دلوقتي مش مقتنعه بكلام الممرضه ان فعلا حد اتبرعلي وان كنت في غيبوبه بقالي اسبوعين يعني نمت بقالي اسبوعين وانا معرفش طب عمي وابن عمى حصل معاهم ايه ...
حمدلله على سلامتك...
بصيت لماما
وبصتله وقلت
الله يسلمك...
عامله ايه دلوقتي
الحمد لله... انا اسفه يعني على الي حصل يوميها و....
قاطع كلامي وقالي
مكنش ينفع مكنش موجود بس كان لازم تقوليلي عالحقيقه قبل ما نطلع ونقابل عمك ....
مكنتش هتصدقني ولما كنا هنوصل البيت كان عمي هينكر كل حاجه وهيبان طبيعي وانه جي زياره لبتنا عادي.....
سكت كنت حاسه بتعب مش قادره اتكلم التعب النفسي وانا بفتكر تعزيب عمي واهانته ليه ولامي من بعد وفاه بابا كان صعب عليه اوي كل ما افتكر انه كان عاوز يجوزني ابنه عشان يضمن انه بكده سيطر على املاك العيله كلها وان بمجرد جوازي من ابنه هياخدوا كل حاجه....
عملنا بلاغ فالقسم قبل كده ضد عمها ومحدش عرف يعمل معاه
حاجه اصله راجل مفتري وايده طايله وعلى يدك شوفت عمل ايه عشان ينفد منها هو وابنه
بصيت لامي وانا مصدومه وقولتلها
هو عمي متقبضش عليه
لأ
ليه
لقيتها بتفرك اديها وقالتلي وهي بتبص للظابط
قولي بقى بسرعه متتعبنيش...
قال انه بيدافع عن شرفه واتهمك ان دخل الشقه ولقاكم في وضع يعني مش ولا بد
انا مش فاهمه حاجه وضع ايه ولقا مين...
قولي انت هو مش انت المفروض ظابط وبدافع عن الناس .....
ايوه ده الكلام ده لو كنتي فهمتيني انتي ناويه على ايه مش سحبتيني وراكي زي الخروف...
بس فعلا كنت
تعبانه مش قادره وفي نفس الوقت عاوزه اعرف ايه حصل..
عمك يا هانم اتهامنا انه دخل الشقه لقينا انا وانتي فدفاعا عن شرفه عمل الي عمله فيه وفيكي....
ااااااه... ااا... طب ازاي ماحنا طالعين اه افتكرت سواق التاكسي يشهد ب
قاطع كلامي وقالي
اه ما شهد بس مش لصالحنا شهد بالي شافه منك لما افتكر انك واحده شمال وبتجرني وراها وجيرانكوا الي متوصوش وقالوا انك داخله طالعه كل يوم مع راجل شكل....
طب ايه حصل
انا كده هروح السچن...
لا
اطمنت شويه ومسحت دموعي وقولت
الحمد لله طب حليت الموضوع ده ازاي
قولتلهم انك مراتي..
تمام....نعم........ ايه مراتك!!!!
اه مانتي مراتي فعلا...
استنى انت يابني انا هفهمها..
لما ډخلتي في غيبوبه وكان عمك وابنه هيروحوا فيها وعملو الي عملوه فمكنش قدامي غير المحامي صدقي المنشاوي رحتله وطلبت منه يحلها وفعلا قال الحل الوحيد هو انك تقولوا انك مراته وطبعا البوليس مبيخدش بالكلام وخلاص لا ده لازم ادله وورق فكتبنا كتابك وخلينا خالك هو الوكيل واخدنا بصمتك وانتي نايمه وبكده يبقى كلام عمك وابنه بس للاسف على مالبوليس جه يقبض عليهم تاني كانو فص ملح وداب.....
يلا يا حماتي عشان عاوزه اعد مع مراتي لوحدنا...
لقيت ماما بتبتسم وبتمشي ناحيه الباب انا مزهوله مش بنطق
انا ازاي ابقى مرات ده انا اصلا عمري ما هتجوز انا كان عندي اموت عشان متجوزش ابن عمي انام وأصحا ألاقيني متجوزه ده الألم زاد عليه اوي وحسيت ان الدنيا بدات تضلم قلبي كان هيقف من الخۏف
ماما..... استني انتي رايحه فين متمشيش
هسبكم يا بنتي تتكلموا شويه انا اعده بره لو احتاجتكم لحاجه نادوني...
ماما خرجت وسابته فجأه لقيته رمى الورد فالأرض
انتي غلطي واتحملي نتيجه غلطك... شغلي وحياتي الي كنت هخسرها بسببك ده هتفضلي طول عمرك تدفعي تمنه....
صحيت مش عارفه بعد اد ايه اول ما فتحت
عنيه مكنتش شايفه كويس بس بصيت حواليا عشان اشوف نفسي فين
