قصة اعارة

عم بطل نقك ده سهير مش هينفع تطلع لوحدها .
استاذ 1 ليه 
رمزى ورقى اترفض هتروح أزاى لوحدها.
استاذ 2 قال بسرعه يعنى هى مش طالعه لو مش طالعه قول عندى حد ينفعه القعد ده أوى و محتاجه
سهير إحنا لسه بنشوف و نفكر مارفضتش نهائى 
رمزى وقف بعصبيه و قال أنا خلصت الحصص بتاعتى لو خلصتى انتى كمان يالا .
فى عربية ميكروباص .
رمزى انتى إيه الى قولتيه ده قدام الناس بتحرجينى بتصغرينى .. أنا اقول مش هتطلعى فى لحظتها تقولى لا لسه بنفكر.
سهير عشان إحنا لسه فعلا بنفكر انا مارفضتش نهائى دى فرصه و فرصه ماتتعوضش كمان .. مش شايف الى أول ما حس انى ممكن ما اقبلش قام برشط على المصلحة ازاى و تقولى مرفوض و مش مرفوض .. أصحى و بص حواليك يا رمزى الخلق بعضها على الجنيه و ناس تانيه بتاكل من الزباله عايز حالنا يبقى كده .. مش عارفين حتى تجيب عربيه بأربع عجلات و سقف نركبها و لا حتى جتة مكنه تروح بيها الدورس بدال مانت مقضيها مكروباصات و تونايه و اتوبيسات .. هو انكتب على جبينا .
رمزى قصدك ايه أنا بشحت مثلا و لا مش عارف أكلكم ... إنتى يا بنت الناس متجوزانى و عارفه ظروفى و وضعى كويس أنا ولا خدعتك و لا غشيتك و لا كنت عاملك البحر طحينه و
سهير قول للسواق يقف انا زهقت من الكلام معاك.
رمزى انتى رايحه فين لسه شويه على البيت .
سهير نازله هنا هبص على امى و لا فيها حاجه دى كمان .
رمزى ماشى يا سهير.
فى شقة فكريه أم سهير
فكريه ها و بعدين .
سهير و لا قبلين و مش موافق اجيبه كده اجيبه كده هو
معلق على كلمه واحده لأ يعنى لأ .
رمزى و هو رافض ليه بقا بسلامته.
سهير يقولى ماينفعش تسافرى لوحدك و ازاى و مش أزاى و اقول إيه لاهلى و امى و المجتمع و الناس.
فكريه طب بصي بقا على إلي هقولك عليه ده.....