المحاضرة الجاية
لما بعوز اعمل حاجه بعملها وانا عايزك تيجي معايا وهتيجي معايا ديل !
فتحت بوقي بذهول ومره واحده شوحت بأيدي بعصبيه
انت عبيط واقع علي دماغك وانت صغير !
قفل عينه نص قفله وهو بيفتكر بحيره
اممممم لا مفتكرش بس ليه
بقولك اي متعصبنيش ويالا اتفضل أخرج من غير مطرود
من غير مطرود ازاي مانتي بتطرديني اهو
لا
اه ده انت مش بتفهم كمان
وماله الإنسان اصله جلده حنفيه
لا وانت الصادق أصله انسان برأس حمار وكلب وبخاخه
وماله الإنسان اصله كان قرد اساسا
دي نظريه خالتي ام احمد دي ولا اي !
مانتي بتشبهي الإنسان بحاجات غريبه من الصبح ومحدش اتكلم !
اللهم طولك ياروح
بص في الساعه بتاعته وهو بيقول بجديه
نعم وده طلب ولا أمر!
رد ببرود
أمر
ربعت ايدي وانا بهز رجلي بعصبيه
ولو منفذتش
قرب مني وهو بيهمس في ودني بكل غرور
مفيش قدامك غير انك توافقي لأن مفيش في قاموسي حد بيرفضلي طلب
رديت بعصبيه
يبقي انا هتكتب في قاموسك اني رفضت
ورفعت عيني في عيونه بتحدي
انا بقي مفيش في قاموسي حد قدر يجبرني علي حاجه مش عايزاها
يبقي انا هتكتب في قاموسك اني قدرت
انت بتتحداني
اممممم حاجه زي كده
طب يالا اطلع برا وإلا هبلغ عنك واعرفهم انت مين !
اوك بلغي
انت مش خاېف
مش يونس المهدي اللي ېخاف
لو عرفوا حقيقتك وقتها مش هيرحموك
محدش يقدر
مسحت علي وشي بغيظ
انت عايز اي دلوقتي
قولتلك عايزك معايا
عشان تصوريني
اصورك
ياس
يابني انت جايب الثقه دي منين دول لو عتروا فيك هيعملوا منك بطاطس سوري
ههههههههه انتي غلبانه اوي
لا حول ولا قوه إلا بالله
استغفر الله العظيم يارب
لا اله الا الله
محمد رسول الله
اللهم طولك ياروح
انتي جايه تستغفري عندي
عااااااااااااااا الحقونااااااااااااي helllllp
كنت عايز اعترفلك اعتراف بسيط كده
عايز اي الاه هو ليه محدش عبرني hellllp
ضحك ضحكه مستفزه وهو بيقول ببرود
ومحدش هيعبرك اصل انا معرفهم اني بقبض عليكي
نعم معرف مين لا مؤاخذه!!
رد ببرود
الظباط اصحابي معرفهم اني عرفت انك رسام الليل وهما حاليا محاصرين المكان ومستنين أخرج بيكي
وبصلي ببرود
ا ا ا انت ا انت
راح نحيه الباب وهو بيفتحه ودخل مجموعه من الظباط وقربوا مني واخدوني وانا مش فاهمه اي حاجة !!!
ياساتر يارب ياساتر يارب
قولتها وانا بتنفض من السرير وبحط ايدي علي قلبي بعد الحلم الغريب ده
مكنتش فاهمه ليه حلمت بشخص زي رسام الليل الشخص اللي محير امريكا كلها وخاصه أنه ظاهرلي في صوره مدير الشغل بتاعي يونس الانصاري !!!!
كان حلم طويييل جدا من بدايه اقتحامه عربيتي لمقابلتنا التانيه لحد ما تم القبض عليا في بيتي وهو اللي مبلغ عني
يمكن عشان انا اكتر حد مهتم بقضيته !
كان عندي فضول غريب اعرف مين هو الشخص ده وليه ظهرلي علي هيئه يونس !
بالرغم من أنه مش بيعمل حاجه خطړ اوي بس قادر يختفي في لمح البصر من بين الشرطه الامريكيه
شخص غامض جدا محدش قدر يعرف حتي ولو معلومه عنه توصلهم لاول الخيط
يمكن عشان كده انا مهتمه !
يمكن عشان انا بحب الغموض والمغامرات ونفسي اغامر زيه
ضحكت علي تفكيري وانا بضړب راسي بأيدي
بس ياهبله انتي پتخافي من خيالك اصلا
قومت اخدت شاور دافئ وخرجت لبست بنطلون اسود واسع وشميز ابيض وفوقيه جاكت اسود نفس قماشه البطلون ولبست طرحتي بشكل مش مبين ولا خصله من شعري
خلصت وحطيت ميك اب خفيف جدا ورشيت برفيوم واخدت شنطتي وخرجت من البيت
بعد شويه وصلت قدام الشركه اللي بشتغل فيها ونزلت من عربيتي ودخلت واول ما دخلت من باب الشركه لقيت واحده صاحبتي بتقرب مني وهي بتقول پخوف
إيمان اتأخرتي ليه يونس بيه عايزك وعلي آخره
بصيت في الساعة باستغراب
اتأخرت ايه ده انا جايه ربع ساعه بدري عن معادي
مش وقته مش وقته المهم دلوقتي اطلعي بسرعه ليونس بيه
بلعت ريقي بتوتر
ءنا عملت ايه!
لوت بوقها وهي بتلطم علي وشها
شكلك عملتي مصېبه
