في قسم الشرطة

: عنيا يا ست الكل 
بعد شويه تامر وقف قدام ورشة تصليح عربيات ونزل من العربيه
تامر: خليكم هنا 
تامر دخل لسيف صحبه من الطفوله  
سيف طلع بهدومه الي مليانه بقع من زيت العربيات والجينز القديم الي لابسه
سيف: اهلا اهلا بحضرت الظابط تامر 
تامر: عارف اني مقص.ر معاك بس عايزك في مصلحه 
سيف: انت تؤمر يا صحبي 

تامر: هسيب عندك أميره اختي..و أنا واثق فيك يا صحبي
سيف: ليه في حاجه 
تامر: عندي شغل مهم وانا مفهم امي انها معاي ومش هينفع اخدها ودا أأمن مكان اسيبها فيه 
سيف: متخفيش يا صحبي في أيد أمينه 
تامر: دقيقه هروح أجيبها... تامر رجع للعربيه تاني وفتح الباب
تامر: يلا يا أميره انزلي 
أميره بستغراب: هروح فين
تامر: هتقعدي هنا في الورشه مع سيف مش هينفع اخدك معاي
أمير: بس أنا عايزه اجي معاكم 
تامر: اخلصي يا أميره 
أميره حض.نت ليندا 
: خدي بالك من نفسك 
ليندا بدموع: حاضر 
أميره نزلة مع تامر و رجعوا عند سيف
 
تامر: مش هوصيك يا سيف اختك لحد مرجع 
سيف: متخفيش يا صحبي ابقا طمني عليك 
تامر: حاضر 
: متعمليش شوشره اقعدي هاديه هاا 
أميره: حاضر.. خد بالك من نفسك ومن ليندا بالله عليك و متتعص.بش عليها انا عرفاك في الشغل حد تاني 
تامر: يلا مع السلامه 
تامر رجع لقي ليندا مسحت دموعها
تامر: تعالي اقعدي قدام علشان في شويه حاجات عايزه اقولك عليها 
ليندا نزلت وقعدت قدام وتامر اتحرك بالعربيه  
في ورشة سيف
سيف: اتفضلي يا أنسه أميره اتفضلي 
اميره دخلت معاه بتوتر
سيف بحرج: احم معلش بس ممكن تدخلي تقعد في لاوضه الي جوه علشان لو حد عدا وشافك قاعده معاي لوحدينا في الورشه
أميره بتوتر: طيب
اميره دخلت اوضة جوه الورشه وكانت خاصه بسيف 
سيف: ولا يا سيد.. سيد
سيد الصبي بتاع سيف
سيد: ايوه يسطا سيف
: روح هتلي شاي بلين من القهوه الي جنبينا
سيد: حاضر 
سيف قعد علي الكرسي وتنهد