زواج اجباري

الفل انا ما اعرف جيه منين ده صدقني يابيه 
سليم بص لسمر وقال انتى عارفه ياسمر لو طلعتي انتى اللى ورا الموضوع ده انا هاخد روحك عاوزه ټقتلى ابنى ياسمر 
سمرانا انت اټجننت لا طبعا وانت مالك بتكلمنى كأنك متأكد انى انا اللى عملتها 
سليم بستهزاق امال هيكون مين اللى دلق السائل ده على السلم بالشكل ده 
هو فى غيرك ولا هتكون امى ولاابويه ولا يكونش انا ولا تفتكرى تكون ورد 
سمرانت بتتريق وانا ايه عرفنى مايمكن عيل من العيال ولا يكون وقع من البنت الشغاله وخاڤت تقول انت لتسألنى ليه انا اصلا وانا مالى مايكونش انا المسؤله عن نظافة البيت وازاى تتهمنى اتهام زى ده ليه غيرانا منها معنديش اولاد مثلا يرضيكى يا حاجه كلام ابنك ده يرضيكى 
وفضلت تبكي وتقول فينك ياجوزى تجيب لى حقي ما انا بعدك هتبهدل تعالا وشوف اخوك بيقول لى ايه بدل مايحافظ عليا فى غيابك
والدة سليمماينفعش كده ياسليم دى مهما كان مرات اخوك وزى اختك ازاى تتهمها الاتهام ده 
سليمطب قولى لى انتى يا امي مين تانى ممكن يعمل كده مين عاوز يحرمنى من ابنى من قبل ما يجى الدنيا ويشوفه والله اللى يفكر يعمل كده لكون شارب من دمه انا كلامى واضح اهو ولو عرفت انك انتى ياسمر وراء اللى حصل ده هش هيحصلك طيب شوفى انتى ممكن تعملى ايه فى اى حد ممكن يمس عيل من عيالك بسوء انا بقى هعمل قده واكتر كمان
سمر سبتو وراحت على غرفتها وهى بتقول انا مش هرد عليك لما الحاج يجى يبقى هو اللى ياخد لى حقي 
سليم بص لوالدته وقال البنت دى لازم تمشي من الييت ترجع تقعد فى بيتها 
والدة سليم ازاى بقى ياسليم يعنى تروح تقعد فى بيت طويل عريض لوحدها لا يا ابنى طبعا بيت ابوكم مفتوح ليكم ولزوجاتكم ديما ماينفعش اقول ليها تسيب
البيت وبعدين انت خلاص اتاكدت انها هى اللى خططت لكده 
سليمانتى هتجنينى يا امى امال هيكون مين يعنى هو فى غيرنا 
والدة سليم يمكن حد من العيال فعلا وبعدين خلاص بقى الحمدلله انها هى والجنين كويسين وان ربنا ستر
طلع سليم لورد
ورد اول ما دخل عليها شوفت يا سليم جالك كلامى قولتلك انا خاېفه على ابننا قولت لى ما تخافيش عرفت بقى ان كان عندى حق بقولك ايه يا اما اروح انا عند اهلى لحد ما اولد يا اما اللى اسمها سمر دى اللى تمشي انما انا افضل كده واستنى لحد ما تتسبب فى مۏت ابنى اللى لسه ماجاش للدنيا لا انا اسفه ياسليم مش هقدر 
سليم تنا بس لو اتاكد انها هى اللى عملت كده انا مش كنت رمتها برا البيت بس انا كنت اقتلتها بس عدم تأكدى مخلينى مش عارف اتكلم واول ما اتكلمت وزعقت اتمسكنت وفضلت تبكى 
ورد قامت براحه وراحت على الدولاب وقالت انده على البنت الشغاله تيجى تحط هدومى فى الشنطه انا مش هينفع اقعد فى بيت فر حد ناوى لى على الشړ 
سليماستهدى بالله بس وارتاحى انتى ناسيه ان غلط عليكى اللى انتى بتعمليه ده
وردانا طول ما انا فى البيت ده ومع اللى اسمها سمر عمرى ما هرتاح ارجوك ساعدنى ووصلنى لحد بيت ابويا يا اما همشي لوحدى 
سليمياورد اهدى شويه ونتكلم ونشوف هنعمل ايه براحه
وردانا قولت ليك على اللى ممكن يتعمل ووقفت على الباب وهى تعبانه وندهت على البنت الشغاله 
طلعت البنت الشغاله ايوه ياهانم حمدلله على سلمتك 
وردرصي الهدوم اللى فى الدولاب دى فى الشنطه دى 
سليمياورد ما ينفعش كده انزلى يابت دلوقتى 
وردسبها ياسليم انا خلاص مش هقعد هنا يعنى مش هقعد
سليماسمعى الكلام واقعدى انتى تعبانه اصبري لما تستريحى وبعد كده نشوف هنعمل ايه 
وبص للشغاله وقال ليها قولتلك انزلى دلوقتى 
راحت الشغاله نازله وراحت على والدة سليم
الشغالهالحقي ياحاجه 
الحاجه والدة سليمفى ايه يابت
الشغالهسيتى ورد عاوزه تمشي وتسيب البيت وبتجهز شنطتها فوق 
والدة سليمطب روحى انتى لشغلك
وراحت والدة سليم طلعت لسليم وورد فى غرفتهم وسمعت ورد
وهى بتقول هما مش طيقنى وعاوزين يموتوا ابنى ارجوك سبني اروح لاهلى
دخلت والدة سليم عليهم وقالت عاوزه تروحى لاهلك يبقى مش هترجعى البيت ده تانى وسليم هيطلقك ولما