قصة جديدة

والدته بانفعال ليقول هر 
ايه يا ماما عايز اتنيل اتزف
هتفت نيره 
القصر ده كله وفي الاخر اقعد في اوضه ريم ! لا انا عايزه اختار اوضه علي مزاجي
_ اختاري يا ستي الي يريحك بس عدي الليله
ليقول مراد 
البت دي مش هتقعد هنا
صاحت به نيره 
لا هقعد وهاخد اوضه وتبقي بتاعتي
اقترب منه والد ميار وهتف هامسآ

معلش يا مراد مشيها الليله دي وبعدين ابقي اتصرف
وكلآ من فادي وسليم يراقبون نيره بصمت ..
يلا Good night هروح بقي اختارلي اي اوضه من القصر ده
قالتها وهي تلوح لهما ثم صعدت الدرج ليقول مراد پغضب الي شريف 
شايف !
_ هي الي صمتت تيجي معانا مكنتش اعرف انها ناويه علي كده
قالها شريف وهو يبرر موقف ليقول مراد 
ماهي لو كانت علي ذمه ابنك مكنتش قدرت تعمل كده
_ هو انا مش هتزف في ام الليله دي ولا ايه !
قالها امجد بضيق واضح
انتي عايزه ايه !
فالها والدها وهو يدلف الي الغرفه الموجوده بها في انفعال لتقول نيره 
ولا حاجه عايزه اعيش هنا فيها حاجه دي عايزه اعيش في بيتي
_ ده مش بيتك انتي بيتك هناك عند شريف المكان الي اتربيتي فيه
_ قصدك الي انت رمتني فيه انا عايزه افهم حاجه واحده بس انت خلفتني ليه لما انت مش عايزني كده
زفر مراد وهو يقول 
مين قال اني كنت عايزك انتي جيتي كده بالغلط كنت حريص جداا اني احط لعلا حبايه منع الحمل بس لاسف جيتي
ابتسمت ساخره وهي تقول 
واحده رزله بقي تقول ايه
_ بكره تمشي تروحي عند شريف انا مش عايزك عندي وجودك مش مرحب بيه
حركت راسها بالنفي هاتفه 
عادي انا مش محتاجه الترحيب ومتحاولش انك تمشيني لاني مش همشي انا واخده قرار اني اقعد عندك من اربع سنين بس كنت مستنيه فرصه مناسبه واهي جات الفرصه
جذبها من ذراعيها بقوه قائلا 
قعدتك هنا هتخرب بيتي مني هتسيب البيت وتمشي
_ ابقي قول لطنط مني اني مش هقعد علي راسها 
قالتها سخريه ليقول مراد بنفاذ صبر وهو يترك ذراعيها 
ايه رايك تاخدي مبلغ مني وتصرفيه لبس وشوبنج زي ما انتي عايزه مبلغ مهما تصرفي منه مش هيخلص ولو خلص اجبلك غيره عندك فيزا ! احطلك عليها حتي لو مش عندك بكره الصبح ننزل نفتح حساب في البنك بس تمشي من هنا يا نيره انا مش هستحمل البيت يتخرب كفايه زمان لما مني عرفت بجوازي من علا
حركت عينيها حتي تحاول اخفاء دموعها وهتفت 
لدرجادي مش عايزني !!
_هبقي اجي ازورك عند شريف مبسوطه كده 
_ اسفه بس انا مش همشي من هنا 
قالتها بتصميم واضح وهي تتحرك من امامه ليقول مراد بعصبيه 
عندك نفس برود وتناحه امك واهلها
_ حرام تتكلم كده علي واحده مېته ويلا بعد اذنك اخرج كده علشان عايزه اغير هدومي والبس البيجامه بتاعه ريم وانام ابقي بلغها اني خدتها من دولابها 
قالت جملتها الاخيره ببرود تام
________________________
وفي صباح اليوم التالي ..
صړخت بها مني 
اخرجي من بيتي انا مش عايزاكي مش طايقه اشوفك مش طايقه
رتبت عليها ريم وهي تقول 
اهدي يا مامي اهدي
ثم هتفت وهي تنظر الي نيره 
حرام عليكي مامي عندها القلب وتعبانه بالوضع ده ممكن يحصلها حاجه امشي ارجعي ل اونكل شريف وخليكي هناك
ووالدها يجلس صامت ليقول زوج ريم 
ممكن حتي ابيه مراد يجبلك شقه قريبه من هنا تعيشي فيها لوحدك ينفع صح 
قالها وهو ينظر لمراد ليجيبها هو 
اي حاجه هي عايزاها انا هعملها بس تمشي من هنا
_ هتسيبني اعيش لوحدي في شقه !
قالتهز نيره بعدم استيعاب ليقول مراد بهدوء 
انتي مش صغيره يا نيره
ضغطت علي شفتيها بضيق ثم غادرت المكان باكمله خرجت من ذلك القصر وهي تسير لا تدري الي اين تذهب ..
ستعود لهم مره اخري اما تعود الي شريف !!!
لا تدري ماذا تفعل !
الجميع يكرهها الجميع لا احد يريديها ...
واثناء عبورها للطريق اقتربت منها سياره وصډمتها لتسقط هي علي الارضيه فاقده للوعي ..
__________________
دلف الي غرفه نيره وهو يهتف 
ياريتك كنتي مشيتي من بدري يا نيره علي الاقل مكنش هيحصل حاجه من تحت راسي
منذ الامس وهو لم يتمكن النوم يفكر بنيره نظراتها له في حفل الزفاف التي كانت ممتلئه بالخيبه والحسره ..
لمح طرف شئ ما اسفل الوساده اقترب من الفراش ثم تناول ذلك الشئ ليجده دفتر ..
قام بفتح ذلك الدفتر ذلك ليجد العديد من الاوراق الممتلئه ..
____________________
فتحت عينيها بصعوبه واضحه لتجد نفسها في مكان غريب عليها اعتدلت بهلع واضح وهي تنظر الي هيئتها وتضع يديها علي جسدها حتي تتاكد من ثيابها
_ انتي كويسه حاسه بحاجه اندهلك الدكتور 
قالها شخص ما بقلق واضح لتقول نيره 
انا في مستشفي صح 
_ ايوه 
قالها بتاكيد لتنهد هي بارتياح واضح اكثر من سيناريو حدث في عقلها منذ ان استيقظت ووجدت نفسها في مكان غريب عنها ليقول الشخص

كنتي بتعدي الطريق ومش مركزه حاولت اوقف العربيه ملحقتش بس الحمدالله الدكتور قال انك كويسه وتقدري تخرجي النهارده ومش لازم تبلغي اهلك وتقلقيهم يعني انا هاخدك واوصلك ليهم بنفسي وياريت تسامحني بس مكنش قصدي اخبطك بعربيتي
حركت راسها بتفهم وهي تقول 
لا عادي ولا يهمك
_ تحبي تمشي دلوقتي اوصلك ولا عايزه ترتاحي !
_ لا انا همشي لوحدي شكرا
حرك راسه بنفي وهو يقول 
مينفعش طبعا كفايه ان الي انتي فيه ده بسببي
_ يا سيدي جات علي دي عادي ما انا حياتي مدمره بسبب ناس تانيه وعادي
_ مش فاهم
تحركت من الفراش وهي تقول 
لا ابدا متاخدش في بالك
وعندما نهضت شعرت بالدوار وكادت ان تسقط لحقها وهو يسندها هاتفآ 
حاسبي
ابتعدت عنه وهي تهتف 
انا كويسه
_ لازم اوصلك يا انسه ااا هو انتي اسمك ايه صحيح انا دورت علي اي اثبات شخصيه معاكي بس ملقتش اي حاجه ولا حتي موبيل
_ اسمي نيره
_ وانا حسام بيتك فين بقي يا نيره !
_ انا مليش بيت عايشه عند عمي لا سوري مرميه عنده
_ والدك ووالدتك متوفين !
_ ماما بس اما بابا بقي مش عايزني شايفني جيت غلطه لانه اتجوز ماما كده واحده عجبته راح اتجوزها علي مراته وكان عامل حسابه ميخلفش بس جيت انا ڠصب عنه راح رماني عند اخوه
_ اكيد ڠصب عنه ممكن يكون هيحصله مشاكل مع مراته الاولي
_ مش ذنبي دي حاجه انا مليش ذنب فيها
قالتها بانفعال ليقول هو 
طيب اهدي وقوليلي عايزه تروحي فين !
___________________
انا عارفه نفسي مش ضحيه يا سليم ولو مكنش حصل في عيدميلاد كان هيحصل يوم ما روحت لحازم بيته مش محتاج كل شويه تفكرني اني مش ضحيه بس انت واخوك السبب انا عمري ما كنت هعرف ولا هوصل لحازم ده بس فادي هو الي صمم ياخدني عيدالميلاد وانت خطبت وعيشت حياتك خلتني احضر خطوبتك وڼار بټحرق جوايا كنت ھموت يا سليم وانا شايفاك قاعد مع واحده غيري ..
انت وعدتني من صغري انك هتتجوزني فهمتني انك لما تكبر هتجوزني خلتني اعيش وابني احلام وفظ لحظه جيت هديت كل حاجه فوق دماغي 
مكنتش حاسه بنفسي لقيت حازم بيقولي ممكن تديني رقمك ادتهوله كلمته مره وبعدين لقيت كلامي معاه بيخليني انساك وابطل افكر فيك عجبني الموضوع ..
انت