الاقدار

هدومك و تتعشى .. تقريبا من أول جوازنا متعشناش مرة لوحدنا .. أنا حقيقي ممتنة لقولوني اللي اداني الفرصة العظيمة دي
شقت ضحكاته طريقها من أعماق الۏجع الساكن بصدره إثر مزاحها و قال يشاكسها
فكريني أشكره بنفسي بعد العشاء ..
عيوني ..
تفرقت همساته الدافئة بين عينيها قبل أن يتوجه إلى السرير ليلتقط ملابسه التي اختارتها له متوجها إلى غرفة الملابس ليتركها تقوم بتزيين طاولة العشاء الخاصة بهم و بعد دقائق خرج ليجدها في انتظاره فارتفع إحدي حاجبيه إعجابا تجلى في كلماته حين قال 
ورد و شموع و جو رومانسي .. أعملي حسابك عايز كل يوم من دا ..

لونت السعادة ملامحها حين أجابته 
أنا عن نفسي مستعده .. بس هينفع نتعشى كل يوم لوحدنا 
اقترب ملتقطا زيتونه من الأطباق أمامه وهو يقول بإختصار
ينفع 
إزاي طب الحاجه مش هتزعل
لون المكر عينيه وهو يقول
لما الحاجة تلاقي مرات ابنها كل يوم مجهزاله عشا حلو زيها كدا اكيد هتفرح ..
فرح بتخابث
اه قول كدا . يعني عايزني كل يوم أعملك أنا الأكل .. أنت داخل على طمع بقى !
كلك على بعضك بتاعتي و محدش بيطمع في حاجته ولا عندك اعتراض !
ابتسمت بسعادة حين إستطاعت أن تبدد تلك النظرة الحزينة من عينيه و قالت بحب 
لا وهعترض علي ايه هو انا وقعت مع أي حد دا سالم الوزان بجلالة قدره ..
أقترب منها قائلا بتخابث
حاسس

أني محتاج أقنعك أكتر من كدا .
لون الخجل تقاسيمها وقالت بخفوت 
نتعشى و نشوف الموضوع دا بعد كدا 
جذبها لتجلس بقربه و أخذا يتناولان العشاء سويا وسط دلالها و مزاحها الذي راق له كثيرا و ما انتهوا حتى توجهت انظارها إليه و قد غمرتها الجدية حين قالت 
نتكلم شويه بقي 
هاتي اللي عندك 
تحمحمت بخفوت قبل أن تبدأ في الحديث قائلة بتعقل 
مبدأيا .. أنا مش مصدقة أن مروان يعمل كدا .. خلينا متفقين أني أول ما شوفت الفيديو اڼصدمت و الصدمة شوشت تفكيري لكن بعد ما هديت جه في بالي ألف سيناريو و سيناريو للي شوفته ممكن يكون واحد فيهم صح 
اختصر حديثه مستفهما
زي 
واصلت إقناعه قائلة
زي مثلا يكون مروان بيضحك عليه عشان يجيب آخره أو مثلا يكون الراجل دا هدده بحاجة . 
تحدث بجفاء 
وليه أنا معنديش علم بحاجة زي دي 
انكمشت ملامحها بحيرة تجلت في نبرتها قبل أن تقول 
الصراحة معنديش إجابه على سؤالك .. بس إحنا ممكن نصبر لحد ما نشوف إذا كان هيقولك ولا لا 
أجابها باختصار 
لحد امتى 
مش محددة الوقت .. بس الحياة هتمشي زي ما هي و طبعا لازم نكون حذرين في التعامل لحد ما نشوف اللي جاي مخبي إيه 
لم يجبها إنما توجهت نظراته للبعيد ف انخرط لدقائق في التفكير قبل أن يقول باختصار 
هنشوف ..
أن شاء الله خير .. خليك متفائل ..
بدت لطيفة للغاية وهي تحاول بث التفاؤل بداخله فتبددت ظلمة عينيه التي حاوطتها بنظرات تغلغلت إلى داخلها قبل أن يعتقلها يديه وهو يقول بتخابث
تقريبا كان في حاجة شوية حاجات كدا محتاج أقنعك بيها صح ولا أنا غلطان 
اخفضت رأسها خجلا و قالت بخفوت 
مبتنساش حاجة أبدا 
كل حاجه في الدنيا دي قابلة للنسيان ألا أنت يا فرح ..
اخترقت كلماته جدران قلبها و خاصة تلك النبرة الشغوفة التي لها مفعول السحر على جسدها الذي غمرته

نشوة العشق فهمست بخفوت 
بحبك يا قلب فرح ..
لم تدع مجال للحديث فقد تراقص اللهب في عينيه و أيقظت كلماتها بداخله جيوش الشوق و العشق معا فكان مزيجا رائعا من الشعور الذي غمرها به وهو يتخطى كل شيء للوصول إليها فلم ينتبه لصينية العشاء التي سقطت 
أنت اختصار لدنيتي بحالها يا فرح .. أنت دنيا اتمنى أني أعيش و أموت فيها
وجودك هو الخيط الفاصل بيني وبين الهلاك .. تلك البقعة البيضاء في عالم مليء بالضباب .. النقاء وسط أنفس طمسها السواد و قلوب لوثها الجشع ..
نورهان العشري 
صباحا دلفت إلى الداخل بعد أن سمعت إذن أمينة لها بالدخول فما أن وطأت أقدامها أرض الغرفة حتى لمع وميض الدهشة في عينيها قائلة
إيه دا أنت هنا 
تحدث سالم بخشونة
أنت شايفة ايه 
تجاهلته ووجهت انظارها الى أمينة التي قالت بجدية زائفة 
إيه يا ست فرح مش عارفه أقعد مع ابني شويه منك 
شهقت متفاجئة 
ماما أنت بتتكلمي جد أنا معرفش والله إنه هنا ..
غيرت دفة الحديث قائلة بتقريع
و في واحدة بردو متعرفش جوزها فين 
تراقص المكر بعينيه وهو يقول
في دي عندك حق يا حاجة..
أيقظ جيوش التمرد بداخلها ف سردت شكواها بضعف مستجد
و يرضيك ياماما أن الواحد ميشاركش مراته في أي حاجة تخصه ! و يهمشها كأنها مش موجودة! 
كان أمرا هو أكثر من نادم عليه وتعرف هي ذلك ولكنها أرادت رد الھجوم بهجوم مضاد فعض على شفتيه السفلية بتوعد و عينيه ترسلان سهام الټهديد الصامت لتقطع أمينة حرب النظرات المتبادلة بينهم قائلة بنصح 
لا في دي عندك حق .. مينفعش الراجل يخبي عن مراته حاجه .. مراتك