نهاية احزاني

كان قريب من البيت فعدا علشان يسأل علي عمته مش اكتر .
وانهم كانوا قاعدين في الصالون وان انا كدبت لما قولت اني شوفتهم خارجين من اوضتها .
لما روحت لخالتي المستشفي عرفت انها لسه مش اكلت وان الدكاترة اضطروا يعطوها ادوية مغذية بديلة للاكل .
خالتي حالتها بقيت صعبة اوي وعلطول نايمة من المهدئات االي بتاخدها في المستشفي .
من جوايا كان جوايا احساسين عكس بعض .حزينة علي حالة خالتي وفي نفس الوقت حاسة بان ربنا بيخلص منها اللي عملته فيا .
خالتي كانت بتصحي من النوم وكنت بساعدها تدخل الحمام لانها كانت پتخاف تدخل وحدها .

حاولت كتير اتكلم معاها لكنها كانت مش معايا خالص .
في الوقت اللي كنت بدخل اوضة خالتي كانت بوسي بترفض تدخل معايا وتسيبني وتلعب بعيد .
سبت خالتي نايمه وخرجت قعدت مع بوسي قدام الغرفة .وقعدت اكلم بوسي علي موضوع شادي .
رغم ان بوسي قطة لكن كنت بفهم نظراتها .حسيت انها بتقولي اني لازم احاول ارجع شادي ليا تاني .
اغرب شئ حصل في الليلة دي كان بعد نص الليل وقبل الفجر بساعة والمستشفي بدأت تهدا اوي وكنت قاعدة انا وبوسي بلعب في موبايلي .
اثناء وانا قاعدة قدام غرفة خالتي سمعت صوت حاجة خبطت جوه الغرفة .قومت اشوف في اي .
فتحت الباب ودخلت كانت خالتي نايمه .سألت نفسي الصوت اللي سمعته جي منين !!!!! 
قولت في نفسي يمكن بيتهيألي .ولسه هخرج واقفل الباب لاحظت ان الغطاء اللي خالتي متغطية به بيتحرك وكأن في حد بيشده .
جسمي قشعر من المنظر خصوصا لما بصيت تحت السرير وحوله وكان مفيش اي حد .ولا في حد غيري في الغرفة .
لكن المرعب اني لما دققت النظر كان في طرف شئ اسود تحت الغطا .
ولما لاحظت الشئ ده فجأة النور انقطع والباب اتفقل .
جريت علي الباب افتحه معرفش ليه اتلفت ابص علي الشباك ..شوفت خيال حد واقف ورا الشباك المقفول .
الحلقة الثامنة
لكن المرعب اني لما دققت النظر كان في طرف شئ اسود تحت الغطا .
ولما لاحظت الشئ ده فجأة النور انقطع والباب اتفقل .
جريت علي الباب افتحه معرفش ليه اتلفت ابص علي الشباك ..شوفت خيال حد واقف ورا الشباك المقفول .
جسمي ارتعش من الخۏف لكن جمدت قلبي و جريت علي الشباك علشان افتحه لكن علي ما وصلت للشباك وفتحته ....
بمجرد ما فتحت الشباك النور رجع تاني .وكان مفيش حد ورا الشباك .
قفلت الشباك تاني وبصيت علي سرير خالتي علشان اعرف اي الشئ الاسود اللي كان تحت الغطا .لكن مش شوفت اي حاجة غريبة .
معقول !!! دي تهيؤات ولا حقيقة  
قبل ما اخرج من الاوضة سمعت صوت خالتي .بلتفت ورايا شوفت اكتر شئ مرعب شفته في حياتي !!!!!
خالتي كانت بتشاور بصباعها علي الارض وعينيها مفتوحه للاخر ومش قادرة تخرج اي صوت .
بصيت علي الارض في الاول مش لاحظت اي حاجة .
لكن مع اصرار خالتي لفت انتباهي واشارتها علي الارض دققت النظر في مكان اشارتها شوفت علي بلاطة للسيراميك شكل غريب غير اللي موجود علي باقي السيراميك .
ولما ركزت في الشكل كان وجه انسان يلطم خدوده وعلي وجهه وعيناه ملامح ړعب وفزع شديد .
جسمي اتنفض واټفزعت اوي مش مصدقه االي شايفاه بعينيا .
دعكت بايدي في عينيا وبصيت جامد فعلا اللي انا شايفه حقيقي .
حاولت امسح الشكل من علي السيراميك معرفتش .
جريت بره الاوضه وقولت للممرضة علي اللي شوفته مش صدقتني الا لما جت وشافت بعنيها .
وفي ظرف دقايق كانت المستشفي كلها قدام وجوه اوضة خالتي .
وكل اللي يشوف الشكل يقول سبحان الله كأنه وجه بني ادم مڤزوع حقيقي .وفي دقايق كل الموبايلات بتصور وبتشير في كل مكان .
الدكاترة حاولوا يسيطروا علي الوضع لكن اضطروا لنقل خالتي من اوضتها لاوضه تانية .
بابا لما صحي وراح المستشفي الصبح لاحظ ازدحام المستشفي وخصوصا القسم اللي خالتي محجوزة في .واتفاجئ اكتر لما عرف الموضوع .
قعدت مع بابا وحكيت له كل حاجه حصلت في الليلة دي .
بابا قالي يبقي دي اخر ليلة ليكي هنا .وانا كمان هحاول انقل خالتك لمستشفي تانية .انا اتشائمت من المكان ده . والحاجات الغريبة اللي بتحصل فيه خصوصا ان خالتك حالتها مش بتتحسن نهائي .
بعد كده اتكلمنا في اللي حصل مع اسماء البارح وقالي الكلام اللي اسماء قالتله عليه .بابا قالي روحي البيت دلوقتي ومتتكلميش مع اختك في اي حاجة دلوقتي لحد ما ارجع .
بابا دخل وقابل الدكاتره وسألهم علي حالة خالتي قالوله ان حالتها مش بتتحسن لحد دلوقتي لكن الحالة مستقرة الي حد ما .
بابا طلب منهم انه ينقلها مستشفي تانية .ورغم انهم حاولوا يقنعوه ان هما مش مقصرين معاها في حاجة وان حالتها صعبة .لكن في الاخر قالوله انه ممكن الصبح ياخدها .
لما رجع بابا بالليل للبيت اتكلمت