حكاية لكاتبتها ايمان

فيه كل تصميماتى باسمها بعدها ما درتش بنفسى وحصلى اڼهيار عصبى وفضلت اتعالج ولحد دلوقتى ادينى بتعالج مالصدمه
ام سلمى لا حول ولا قوة الا بالله
سلمى القادرة دى عاوزة تتفرم والله
نجلاء لاااا دى عوزة يتولع فيها بجاز
شاهى احسن اڼتقام منها اللى ناوية اعمله هى كل قصدها تهدنى لكن لو انتوا ساعدتونى وحطينا ايدينا فايد بعض حندوس سوا على كل اللى بيتريقوا عليكوا وعلى اللى عوزة تحطمنى

سلمى بتفكير هو بس اصل الموضوع صعب
نجلاء فعلا صعب مش متخيلة نفسى اطلع اتمشى كده ادام الناس لالا صعب صعب
شاهى ولا صعب ولا حاجة انا حدربكم على كل شىء صدقونى دى فرصة نتعالج فيها سوا ونخرج من اللى احنا فيه
ام سلمى طب ممكن تديهم فرصة يفكروا
شاهى بحزم لا مفيش تفكير انا مش حمشى من هنا الا لما انتوا التلاته تقولوا موافقين
ام سلمى بدهشه احنا التلاته
يتبع
أم سلمى طب وانا دخلى ايه
شاهى مش انتى قولتى انك بتعرفى تفصلى انا بقه جاتلى فكرة مكمله لسرية الشغل
ام سلمى فكرة ايه دى
شاهى اصل انا مش حقدر اشتغل فى الاتيليه بتاعى ولا بالبنات اللى كانت معايا عندى احساس ان سمر ليها عين جوه الاتيليه بتوصلها اخبارى
سلمى سمر دى الحر باية اللى خطفت جوزك وشغلك
شاهى ايوة هى
نجلاء هو مش ممكن دا اكيد فى حد عندك بيساعدها لان ازاى اشتغلت التصميمات بنفس الخامات بتاعتك اكيد دى مش لوحدها
شاهى ايوة دا حقيقى وعشان كده انا ناوية انقل مكان شغلى واعمل التصميمات فى بيتى واقص القماش وبعدين انقله هنا وانتى يا ام سلمى تخيطى ولو ان حيكون الشغل كتير عليكى لوحدك
نجلاء مندفعه خالتى تساعدها خالتى كمان بتعرف تخيط
ام سلمى ايوة اختى ممكن تساعدنى وكمان بدل ما تصممى فبيتك وتنقلى الشغل وممكن يتلغبط احنا عندنا شقة مقفولة هنا فوق ننضفها وتبقه الاتيليه بتاعك من بكرة لو تحبى
شاهى بفرح بجد دا كده تمام اوى هاا يابنات قولتوا ايه مش فاضل غير موفقتكم
نظرة سلمى ونجلاء لبعضهما نظرة مطولة ثم قالا معا موافقين
فأخذت شاهى تصفق من الفرح
ام سلمى موجهه حديثها لشاهى كده يبقه خلاص حنوضب الشقة اللى فوق وننقل المكن فيها وتبقى تشوفى ايه تانى تحبى تعمليه فيها عشان تبقه جهزة للشغل
نجلاء بس يا ماما دا بابا لسه مقولنالوش حاجة
ام سلمى بثقه بدام انا وفقت يبقه ابوكى كمان موافق
شاهى ايوة كده احب انا الستات المسيطرة
فاڼفجر الجميع فى الضحك
فى اليوم التالى
يلا يابنات عوزاكم تشدوا حيلكم معايا ونطلع نوضب الشقة اللى فوق زى ما اتفقنا مع شاهى وكمان نكلم خالتكم فى الموضوع واهى تساعدنا لو فاضية هى واروى
نجلاء بحماس ايوة يلا بيينا عشان نخلصها بسرعة بقه
سلمى بتراخى متسربعة على ايه ياختى
نجلاء طب بذمتك انتى كمان مش متسربعة على انك تبقى كده زى الموديل اللى بنشوفهم فى التلفزيون نلبس ونتشيك ونمشى كده ريحين جايين ادام الناس والعيون كلها مبحلقه فينا طب والله انا طول الليل بحلم بالناس بتصقف لنا ومبهورة بينا
سلمى بتوتر تفتكرى حننجح ولا حنزود التريقة علينا
امها بحزم بقولك ايه يا سلمى لو انتى مش عوزة تطلعى من اللى انتى فيه وتفضلى كده محلك سر ودافنه نفسك بالحياة سيبى اختك تشوف حالها وانا متأكده انها حتنجح بإذن الله لانها بتسعى تغير حالها وتبقه فى احسن حال وتخلى اللى بيتريقوا عليها هما اللى يتحسروا على نفسهم
نجلاء بفرح تصفيق حااااد ايوة كده يامامتى يا حببتى يالى فهمانى انتى هو ده بالظبط اللى ناوية اعمله
سلمى بقلة حيلة خلينى اسمع كلمكم وعلى راى المثل ضربوا لعور على عينه قال خسرانه خسرانه
والدتها لا ان شاء الله كسبانه كسبانه وحتشوفى ربنا يوفقكم يا ولادى يارب
الاثنان معا أااااااامين
تم توضيب مكان الشقه وبدء الجميع العمل بكل حماس شاهى وسلمى ونجلاء ووالدتهم وخالتهم وابنتها اروى ثم انضمت لهم ورد لتساعدهم مع التشديد عليهم بكتمان السر
يلا يا جماعة الغدا جهز ايه انتوا ما جوعتوش
شاهى ايه الروايح الحلوة دى يا ام سلمى
انا لما لاقيت ان انهاردة مفيش ليا شغل معاكم قولت اطلع شوية كرنب من الفريزر واقعد اعملكم شوية محشى كده يستهلوا بؤكم
شاهى مخشى كرنب يااااااه دا انا من زمان اوى ما اكلتهوش
طب يلا بقه الف هنا وشفا يلا يا ولاد سيبوا اللى فايدكم وتعالوا اتغدوا الاول
وما ان تحرك الجميع حتى سمعوا جرس الباب
ام اروى دا مين ده اللى حماته بتحبه
ثم ذهبت لتفتح الباب
السلام عليكم
ما ان سمعت شاهى الصوت ركضت على الفور اليها سارة حببتى شطورة انك عرفتى توصلى للمكان نسيت اقولكم يا بنات ان سارة كلمتنى عشان تطمن علينا كلنا ولما عرفت اللى احنا وصلناله مع بعض حبت تيجى تتفرج على شغلنا
سارة طبعا كان لازم اجى اطمن عليكم بعد ما نستونى خالص ومبقاش حد بيجينى غير سلمى
فندهش الجميع عندما ذكرت سارة ان سلمى تقوم بزيارتها
نجلاء يا سوسه يعنى لما كنتى بتختفى فجأة وتقولى كان عندك مشوار كنتى بتروحى لدكتور سارة
سارة مغيرة الموضوع بعد ان ظهر التوتر على وجه سلمى المهم انتوا ايه اخباركم ووصلتوا لايه
شاهى باندفاع لااااا مش وقته خالص انتى عطلتينا عن عمل مهم كنا حنقوم بيه دلوقتى ومش ممكن نأخره اكتر من كده
سارة عمل ايه ده
شاهى ام سلمى القمر دى عمللنا محشى كرنب ولسه حنفترسه قومتى رنه الجرس فناكله بقه قبل ما يبرد وبعدين نعمل اى حاجة تانيه
سارة بخجل لالا انا حمشى بقه انا اطمنت عليكم خلاص
ام سلمى لااااا تمشى دا ايه والله لانتى متغديه معانا لو ماقعدتيش حشيل المحشى ومحدش واكل
شاهى وهى تتظاهر بالبكاء يرضيكى كده حتحرمينا من المحشى
سارة مبتسمه لا ما يرضنيش خلاص حتغدى معاكم
ام اروى طب يلا بقه يا جماعة بسم الله
سارة بعد ان انتهت من الغداء تسلم ايدك يا ام سلمى بجد المحشى تحفة
ام سلمى الف هنا وشفا يا حببتى
ام اروى حقوم انا بقه اعملكم شوية شاى انما ايه يظبط دماغكم
شاهى ايوة ربنا يخليك يا ام اروى لحسن الواحد دماغه تقلت بعد المحشى واحنا لسه عندنا شغل كتير
ثم توجهت لسارة قائلة لو مش وراكى حاجة خليكى قعدة معاناحتنبسطى بالقعدة هنا اوى
سارة بتركيز فى وجه شاهى فعلا شكل القعدة هنا حلوة اوى بدليل انها بسم الله ماشاء الله عملت فخلال شهر اللى انا ماقدرتش اعمله فشهور وشك رجع منور ضحكتك ملياه وحماسك وشغفك بتاع زمان استردتيه
شاهى فعلا يا سارة عندك حق بس برضو الفضل يرجع ليكى لولا فكرتك مكنتش حبقه كده كنت فضلت محبطة ومكتئبة دا غير ان الناس هنا تحسى وسطهم بالالفة والمحبه والامان حب بدون مقابل
سارة ربنا يكمل جهدك على خير ويوفقك يارب
شاهى يارب يا سارة تعالى اما افرجك على بعض التصميمات اللى خلصت وتقوليلى رأيك
سارة هو فى حد يقدر يقول راى فتصميمات شاهى عملها
شاهى سيبك من الكلام ده يلا تعالى معايا
يتبع
حنعمل ايه يا جماعة الايام الجاية
سلمى حنعمل اايه فأيه يا أروى
اروى فى امتحانات الترم اللى قربت
نجلاء اخ دا