وتينى

قولتلك اوعى تقولى انك بتحبيه تانى ادامى 
وتين لا هقول وهقول انا بحبك يا إمام انا مش بس بحبك انا بعشقك
إمام پخوف وړعب انا بمۏت فيكى يا قلب إمام
وفى وسط ده استغل عسكرى فرصة ان عاصم مش واخد باله وبعد ما غمزله الظابط ضړب طلقة جات فى ايد عاصم وجريت وتين ع إمام وطبطب عليها بدر بحب بصوا لعاصم اللى العساكر مسكته باشمئزاز 
عاصم قبل ما يركب البوكس وتين انتى فعلا محبتنيش!
وتين كنت هبلة لما قولت انى كنت بحبك واكتشفت ان معرفتش معنى كلمة حب الا ع ايد إمام وبس
بسرعة وبحركة سريعة شد عاصم
وتين وقفت قصاده قبل ما تعمل كده هتكون فيا انا ما انا هكون معاه مكان ما يكون فى الدنيا او الاخرة 
حاول إمام بكل الطرق يرجعها وراه لكنها رفضت وفضلت تبص لعاصم بتحدى اتكلم بحزن بس انا محبتش فى الدنيا دى حد ادك شوفت وعرفت وقابلت كتير ومفيش واحدة قدرت تمحيكى من قلبى انا كنت عارف انى مېت من زمان بس النهاردة انتى قټلتينى فعلا
ووقعت من طولها 
إمام شالها پخوف واستأذن من الظابط ينقلها ع المستشفى ووافق طبعا اخدها فى عربيته هو وبدر وراحوا ع المستشفى وبعد الكشف
إمام بلهفة خير يا دكتور طمنى مراتى بخير
الطبيب الحمدلله بخير هى بس عندها انيميا حادة والسكر انخفض واضح انها مأكلتش بقالها مدة طويلة وكمان اتعرضت لصدمة عصبية ياريت تخلوا بالكم منها 
إمام طب طب ينفع ادخلها 
الطبيب اه طبعا اتفضل ادخل 
بسرعة جرى إمام ع غرفة وتين يطمن عليها اما بدر مشى مع الدكتور عشان يدفع المصاريف والرسوم ...بعد فترة فاقت وتين وهى بتصرخ عااا..عاصم ابعد لا 
إمام اهدى اهدى يا وتينى خلاص مفيش عاصم اهدى
وتين پخوف هو ..هو ما...ماټ بجد ماټ خلاص
إمام اه يا قلبى اه ماټ ربنا يغفرله ويسامحه اهدى عشان خاطرى انا هنا 
وتين بدموع متسبنيش تانى يا إمام انا بحبك اوى
إمام مقدرش اصلا ابعد عنك يا روحى هو فيه حد بيقدر يعيش من غير روح
بعد اسبوع استعادت وتين قوتها وكمان رجعت ع بيتها وولادها مع إمام اللى خلص لصوفيا اجراءات السفر وكان رايح يوصلها للمطار
وتين هاجى معاك
إمام بضحك انتى مش واثقة فيا ولا ايه!
وتين تؤ بثق فيك اكتر من نفسى بس بصراحة عاوزة اشكرها ع مساعدتها ليك
إمام بغمزة اممممم بس كده 
وتين اممممم يلا
راحت معاه ع المطار وكانت صوفيا بانتظارهم ولما شافتهم داخلين عليها ابتسمت حضنت وتين اللى شكرتها كتير وسلمت ع إمام وهى بتحاول تملى عيونها منه 
وتين خلى بالك من نفسك وابقى تعالى مصر وزورينا
صوفيا اكيد بس خلى بالك من إمام هو بيحبك اوى فوق ما تتخيلى متسمحوش لاى حاجة تفرق بينكم هو راجل بجد واد كلامه ووعوده
إمام ان شاء الله مستحيل حاجة تفرق بينا توصلى بالسلامة
صوفيا تسلم عن اذنكم باى
لفت وشها وحطت ايدها ع قلبها وسمحت لدموعها تنزل ركبت الطيارة وهى بتحاول تقنع نفسها ان فيه ليها بداية جديدة بعيد عن إمام
وتين هيييييييييه واخيرا انتهت كل المشاكل وهنعيش بهدوء
إمام ان شاء الله مش هيكون فيه مشاكل تانى
يا وتينى يلا ع بيتنا ناخد الولاد نتعشى برة وندخل سينما ايه رأيك!
وتين موافقة جدا حد يلاقى
إمام بحبك يا وتينى
وتين وانا بعشقك يا نبض وتينك
سيبقى حبك بقلبى امانى ومأمنى الباقى حتى فى اسوء ظروفى
وبكده نقول توتة توتة خلصت الحدوتة ومن
تانى بشكركم من قلبى ع التفاعل الجامد يا سكاكر 
وتينى الاخير
بقلم_نشوه_عادل