حارس المقبره

وانا مش حارس انا من الجن وساكن المكان دي عشان مهجور من سنين فهمت فهمت ولا لا يالا غور من هنا
طب بص انا هاخد خمس بوابير دهب من دول وهسيبلك الباقي ومش هاجي بكره يكش يولع همام ع المشتري في ساعة واحدة
انا قربت اتحرق من غبائك ارحمني وامشي مش عايز أأذيك
خمسه بس ومش هتشوف وشي تاني والله ماتبقاش رمة
خد خمس بوابير ياعثمان خدهم خدهم وحل عني وماتنزلش هنا تاني
يمين بعظيم ماهتشوف خلقتي تاني ولو شوفتني تاني ابقى البسني
وطلعت من المقپرة الخمس بوابير الدهب الفرعوني وخرجت من البيت بسرعة وسيبت الكلوب في المكان وجريت بيهم لحد بيتنا بعد لما لاقيت ان همام اختفى من المنطقة ويارب يكون اتسخط قباب خبطت الباب وامي فتحتلي وعينها مليان بالنوم ونعسانة وقالتلي 
عثمان انت جيت ليه أتاخرت كل ده
كنت بضحي بروحي عشانك يافاطمة
ليه ايه حصل فهمني وكنت فين
كنت في المقپرة الفرعوني اللي ماكنتش عايز احكيلك عنها قبل ما تتم
مقپرة فرعوني ياحلاوة صحيح ياعثمان لاقيت مقپرة فرعوني
خلاص ياما الفقر هيسبنا للأبد
طب قولي احكيلي لاقيا فيها ايه وهتبيعهم بكام وهناخد الفلوس امتى
ماخلاص انا خدت حقي وهبيعهم بطرقتي انا اسكتي ياما لولا اني نفدت بحقي من الحارس لكان زماني طالع بالوشي
حارس ايه
ماهو انا طلعلي حارس المقپرة من الجن وكان عايز يضحك عليا عشان ماخدش حاجه منها بس على مين ياما خدت منه شوية من الكنز وجريت
شاطر ياعثمان اهو انت كده ابن بطني بصحيح قولي ياواد وديت الكنز فين طمن قلبي
اهو الكنز قدامك
فين ياعثمان
ما البوابير اهي
البوابير دي الكنز 
بوابير دهب فرعوني مستوردة البابور الواحد منهم يعدي ال٢٠٠٠ جنيه
ياخبر اسود لهو انت كان قصدك ع البوابير دي هي الكنز اللي هيغير حياتنا
ليكي منهم بابورين وانا هاخد تلاته المهم الفلوس ماتكنش سبب انحرافك بعد كده
قلبي هيقف منك لله هو ده الكنز !
ياما فيكي ايه مالك منا
بقاسم معاكي اهو اعمل ايه تاني
أخرج من البيت يالا وماشوفش وشك هنا تاني يلعن ابو بطني اللي شيلتك اخرج الهي ماترجع
انتي ملبوسة ولا ايه ياست انتي عايزه ايه قوليلي اعملك ايه تاني !
روح شوفلك حد يشتري البوابير واسكن بتمنهم في مكان بعيد عن البلد كلها
حد يقول للدهب لاء اما انتي فقرية صحيح تصدقي بالله انا اللي غلطان انتي وش فقر مالكيش في الكنوز
ده نحاس يابهيم الساقية نحاس مش دهب
نحاس ازاي انت ايش عرفك بالدهب ياولية ده دهب من الغالي اوي الفرعوني المستورد
حل عني الله يسهلك خربت بيتي وبوظتلي الجوازة صحيح اللي يمشي ورا العيال مايخلاش
طب اروح اجبلك القدرة
قدرة ايه
قدرة الفول الفرعوني
بررررررة اطلع برة
تمت 
سلسلة عفاريت
حكاية حارس المقپرة 
بيتر نيدفيد
سلسلة_عفاريت
حارس_المقبرة
حكايات_عثمان
بيتر_نيدفيد