عثمان في المورستان

أنا عثمان المچنون مش مچنون زي مانتوا فاهمين يعني بس المجتمع أراد اني أبقى مچنون فبقيت مچنون ..
ومافيش حاجه في أيدي غير أني أشوف أخرتها معاهم 
بعد حكاية تلاجة المۏتى اللي حكتلهم عنها وياريتني ماحكيت ولا كنت روحتها من أساسه التمرجيه سلموني تسليم اهالي لمستشفى المجانين قال ايه فاكرني مچنون عشان حكيت عن اللي حصلي من المېت والقطة 

ودخلوني مكتب على داكتور شكله كئيب اوي 
يعني لو انا مش مچنون شكله لوحده كفيل يجنن اللي خلفوني 
جيت أقعد قدامه ع المكتب قالي قوم فذ هو انا قولتلك تقعد فقومت وقفت تاني وفضلت مبلم لاقيته قالي 
ها احكيلي وفي الانجاز بيقولوا عليك مچنون ليه 
يابيه ده هما اللي مجانين ايه قولك بقى انا قولت اللي حصلي وهما مصممين اني مچنون
ايوه يعني اخلص ايه اللي حصلك أحكي على طول
انت بتزعقلي ليه طيب 
ياسيدي احكي هو أنا هحب فيك
أما انت داكتور ....
ايه هتقول ايه 
داكتور جميل وطيب بس خرجني من هنا
أحكيلي الأول حصل ايه وهخرجك
طب انا عايز شاي من اللي بتشربه ده
يابني احنا قاعدين على مصطبه وجاي تصاحبني ماتنطق واحكي
حتى الشاي ... ده أنتوا عالم بخيله اوي
هطفحك شاي لما تحكي ها ...
ماشي
ياابني ماتحكي ايه اللي ماشي وسكت ده احكي ياحبيبي مش ناقص هبل
قولي أنت أحكي ايه وانا هحكيه ..
يارب ارحمني اللهم طولك ياروح احكي اللي حصل وعشانه جابوك هنا احكي ليه بيقولوا عليك مچنون سهله دي بسيطه دي 
مين اللي قالوا أنا زي الفل والله أكشف عليا وشوف بنفسك
اكشف عليك ايه بس انت من غير ماتحكي هاين عليا ارميك في اي عنبر انت مش محتاج تحكي ..
ايه عنبر ده جنينه 
اه هوديك الجنينه والملاهي مبسوط 
لا ابوس ايدك بلاش ملاهي بتدوخني !
الملاهي كلها بتدوخك 
لاء مش للدرجادي انا بخاف من الزحليقه بس
زحليقه ! زحليقة ايه اللي پتخاف منها
البتاعه البلاستيك اللي بتزحلق دي اللي موجوده في حوش ام عزت
انا مالي انا ومال ام عزت والزحليقه ولااااا بصلي هنا انا مش ناقصك 
هتكهربني ليه أنا جيت يمتك أنت مش طايقني ليه ياجدع انت
عثمان !!
عندك حاجه تحكيها عن السبب اللي جابك هنا
القطة
مالها !
حلوة ومشمشية
وحياة امك 
طب وليه بقى الغلط ده انا بقول عليك داكتور محترم
انت هتهزر ماتنطق يامتخلف مالها القطة
أكلت مني اللانشون وزعلتني اوي ومقموص من ساعتها وجوايا بيغلي غليان
وده سبب يخليهم يجيبوك هنا
اه افتكروني مچنون عشان حاكتلهم
أيوه قولي بقى حاكتلهم ايه
قولتلهم القطه قالتلي اللي كلمك وانا قولتلها ماكلمنيش ياكدابه يابنت الكدابين الراجل حلفلي
كلمك 
لاء ماهو حلفلي ان محصلش وشكله بيقول انه مابيكدبش
حلفك ازاي !
قالي وحياتك ياعثمان ماكلمتك
استناني بس كده استناني ياراجل هو انا كنت ناقصك ياعم وحده و حده عليا
عايز ايه طيب ارغي
ارغي ! ماشي هرغي
قولي بس عشان اتخفطت منك في الحكايه مين قالك اتشطر ع المېت 
القطه قالتلي كده بعد ماخدت مني اللانشون بنت كانت عيني هتطلع عليه
القطة كلمتك يعني
لاء ماكلمتنيش
ياابني مش لسه قايل دلوقت انها كلمتك وقالتلك كل ده
ماهي حلفت
حلفت بايه بقي اطربني 
انها ماكلمتنيش
انت عبيط ولا مچنون ولا شارب حاجه في