عثمان في المورستان

اللي غبي اني بسمع كلامهم المجانين دول ورجعت على سريري ورقدت 
ولاقتهم كلهم سكتوا وناموا على سرايرهم نومه مايقوموا منها والنور بتاع العنبر اتطفي وقولت لنفسي انا ازاي هنام وسط المجانين دول اذا كنت وانا صاحي شلفطوني امال لو نمت هيعملوا فيا ايه 
وفضلت صاحي ومفنجل لحد مااطمن انهم ناموا بجد وماحدش فايق .. وبعدين سمعت صوت كلب بيهوهو وطيت ابص تحت السرير ملاقتش حاجه وكل شويه يقول هوهو ابص وادور مين بيهوهو مش لاقي حاجه وشوية بقى هوهو ونونو صوت قطة وكلب وشوية بقى صوت ديب كمان
ماعرفش ايه اللي دخلني جنينة الحيوانات دي انام ازاي دلوقت فقومت من مكاني وانا مخضوض اوي وطلعت وقفت فوق السرير بدل ماحاجه تاكلني ..
لحد ماتفتح العنبر 
ولاقيت الداكتور بيبص على السراير فلاقاني واقف راح قالي 
ايه ده انت واقف ع السرير 
امال قاعد
واقف كده ليه ياعثمان
في حيوانات في الاوضه
حيوانات ايه 
كلب ونونو وديابه وحاجات ياما فضلت خيرك
يابني انت بتسمع حيوانات بس مافيش حاجه ياعثمان انا واقف اهو يالا نام
يابيه خرجني من هنا ابوس ايدك
اخرجك ماشي ان شاء الله
انا هقولك الحقيقه لو خرجتني
حقيقة ايه قولي
خرجني واقولك
تعالى يافريد هات عثمان للمكتب عندي
ولاقيت فريد جاي داخل عليا وبيمسكني زي البهيم وبيجرني معاه مارضتش اشتمه وقولت احترم لساني اوي لحد ماخرج من هنا بس
وعند الداكتور
دخلت ووقفت قدام مكتبه بس ماكنش موجود بيلف ع المستشفي لحد مااخيرا جالي بعد ماكنت على اعصابي خلاص .. ودخل وقعد على مكتبه وقالي اقعد ياحبيبي
حبيبي 
اه اقعد ياعثمان
انت ماشاء الله عليك بالك هادي عن ديك النهار
ها قولي بقى ايه الحقيقه
ان انا ولله الحمد والله اما ديمها نعمه
اخلص وقول ماتعصبنيش
ان انا عايز اقولك يعني اني مش مچنون
هي الميتين بتتكلم ولا القطط بتتكلم 
لاء محصلش
امال انت جيت هنا ليه وبعدين انتي اللي قايلي بلسانك
انا بصراحه قولت اعمل نفسي مچنون
ليه بقى
عشان امي مصممه اني اشتغل في التلاجه دي
يعني ايه
شوف انا بكلمك عاقل ازاي اهو انا هناك عملت مچنون وان القطط والميتين بتكلمني حتى الابراص
عشان يمشوك يعني
اه كنت فاكر هيمشوني لبره اتاريهم دخلوني من جوه جوه
حد يعمل كده ياعثمان
انا يابيه كنت فاكر نفسي حدق وهفلت من الشغلانه دي
يعني مافيش قطط بتتكلم
لا هي خدت اللانشون بس دي مش هقدر انكرها
تنكرها هو انت بتنكر دلوقت ولا بتقول الحقيقه
بقول الحقيقه اوي انا بحب الحقيقه بس خرجني ابوس ايدك امي وحشتني
طب والخشبه اللي فيها عفريت والعروسه
كنت بضحك عليك عشان تدخلني الجنينه
جنينة ايه
قصدي الاوضه يعني الحلوه الجميله دي
يعني كنت بتمثل عشان تدخل بس لاقيت انك مش هتستحمل وقولت تقول الحقيقه
انت خدت الكلام من على طرف لساني صح كده
ماشي ياعثمان بس قولي ايه اللي عامل في وشك كده
كنت بطير
بتطير! انت كنت بتطير 
مش بطير بطير واحد هو اللي طيرني
عثمااااان
مش عارف افهمك هو قالي هنروح الجنينه قولتله وديني
وبعدين
وبعدين قولت وماله اهرب معاه واروح الجنينه قبل ماحد تاني يضربني بومبه ولا يفرفرني
ايه بومبه ويفرفرك!
منا اتضربت بومبه من واحد تاني وجه واحد تالت ام مفرفرني
حلو اوي ثانيه واحده اضرب الجرس بس
اضرب الجرس