عشت مع جدتي

دي وسبتني وخرجت وانا بعدها فضلت انقلب لغاية ما عرفت انام شوية وبعد ما صحيت
سمر..
انتي هنا ياتيتة وفجأة لقيت حاجة هبدت جامد زي ماتكون حاجة كبيرة وقعت فضلت اقول مين هنا معايا وبايدي بدور على الاباجورة عشان اۏلع النور ولما النور نور لقيت الخيال اختفى فجأة
قولت مين مين انتي هنا ياتيتة..
الجدة 
في ايه مالك

سمر...
كنت بنهج جامد وبتكلم بسرعة وقولت لها 
تيتة انا انا لقيت حد كان معايا في الاوضة كان زي خيال اسود كده ولما ولعت النور اختفى من قدامي
الجده
امممم هما وصلو وراحولك بدري ليه كده اكيد ماصدقو يشوفوكي روحي نامي دلوقتي
سمر
انام ايه انا افهم حضرتك بتتكلمي عن مين ومين دول اللي جم بدري ومصدقو يشوفوني هما مين دول ارجوكي قولي لي ايه اللي بيحصل هنا
الجده
روحي اوضتك ونامي ياسمر وملكيش دعوة يلا
وقفلت الباب في وشي
استغربت اوي من تصرفاتها معايا هي وقولت لنفسي هي ليه بتعمل كده هي دي جدتي فعلا ولا ايه
تاني يوم في الجامعة...
سمر
صباح الخير يافندم انا سمر أدهم اللي كنت بعت لحضرتك وانا في أمريكا وقولت لي لما اوصل مصر اجي لك اقابلك هنا في الجامعة
المدير كمال قالي 
اهلا وسهلا بيكي استاذه سمر الصراحة انا قرأت السي في بتاعك بصراحة كل ورقك بيقول انك على كفاءة كبيرة جدا من العلم وده اللي هيساعدنا كتير في التطوير هنا في الجامعة اتمنى يكون وجودك معانا هنا يكون في مصلحة ساعتك
سمر 
اكيد طبعا يا استاذ كمال ان شاء الله يكون شغلنا مع بعض في مصلحة الجامعة
كمال 
اكيد طبعا يا استاذة سمر وان شاء الله اكون عند حسن ظن حضرتك
سمر 
تمام جدا يا استاذ كمال انا كده هستلم الشغل من امتى
كمال 
اكيد من بكرة يا استاذة سمر
قومت وقفت وقولت له 
سمر...
طيب شكرا لحضرتك جدا يا استاذ كمال هستني منك تليفون تمام
وسبته ومشيت بصراحة حسيت اني جعانة اوي قولت اعدي على مطعم بيتزا اجيب لي بيتزا واعمل حساب تيتة معايا ....
بعد شوية
الجدة 
انتي نايمة كده ليه مادخلتيش اوضتك ليه تنامي فيها
سمر بتكاسل 
ايه تيتة هو حضرتك كنتي فين وجيتي امتى انا استنيتك كتير وكنت جيبه لك اكل عشان تاكلي
الجده 
انا ااا اكلت وانا برة مش عايزة اكل يلا ادخلي نامي في اوضتك
سمر 
بس حضرتك مش قولتي لي كنتي فين واتاخرتي ليه لقيتها بصت لي ومردتش عليا وسبتني ودخلت اوضتها وانا قولت لنفسي هي تيتة بتعمل معايا كده ليه يمكن مش عايزاني اعيش معاها ..
وفجأة النور اتقطع فضلت ادور على تليفوني وخلاص لقيته بنور بالكشاف لقيت حاجة سوده نفس الخيال الأسود قدامي صړخت وقولت ..
سمر...
انت مين انت مين يا تيتة يا تيتة الحقيني يا تيتة ولقيت الخيال الأسود داخل عليا وعايز ېخنقني وانا اصوت لحد ما اغمى عليا وشويه لقيت تيتة
بتقولي
الجدة 
انتي يابنتي اصحى اصحى
بفوقت ولقيت تيتة قدامي قولت لها تيتة ..
سمر...
الحقيني كان في حاجة هنا معايا في الاوضة وكان زي حاجة سوده كده وكان عايز ېخنقني وكنت حاسه اني بمۏت وفجأة اغمى عليا ومحستش بنفسي غير دلوقتي هو ايه ايه اللي بيحصل ياتيتة بالظبط انا من وقت ماجيت هنا وانا بشوف حاجات غريبة بتحصل هنا في البيت ده هو ايه اللي بيحصل بالظبط
الجده
حاجات غريبة ازاى مفيش حاجة بقولك ايه ياسمر ياريت تنامي وترتاحي انتي شكلك تعبانة اوي قالت كلامها ده وسبتني ومشيت ودخلت اوضتها..
في اليوم التاني
وانا ماشية جنب البيت قابلتني واحدة ست هي مش كبيرة اوي في السن بس كانت جميلة لقيتها بتقولي..
الست الكبيرة 
انتي مين انتي