متمردة عشقت كبريائه

بتعب ياريت كنت جيت من زمان علشان اقدر اشبع منك بس العمر خلاص مفهوش وقت 
سهير ربنا يديك طولت العمر لحد ما تشوفه عريس قد الدنيا 
فريد يا عالم يا سهير اتبقى فى العمر قد ايه 
سهير بلاش طب تتعب نفسك وتتكلم كتير زى ما الدكتور قال 
فريد حاضر 
سهير يلا يا عدى نسيب جدو يريح شويه 
فريد لالالا سبيه معايه 
سهير ماشى بس اوع يا عدى تعمل شقاوه جدو تعبان 
عدى حاضر يا تيته 
وقامت سهير وخرجت من الاوضه 
فريد ها احكى ليا يا بطل عملت ايه فى الغردقه 

عدى مش حلوه خالص يا جدو الحاجه الوحيده اللى حلوه فيها هى طنط مليكه وعمو فهد غير كده كله مش حلو بس انا خفت اوى النهارده من عمو فهد 
فريد ليه يا حبيبى 
عدى ضړب ماما النهارده وكان عمال يزعق ليها 
فريد بستغراب ضړب ماما ليه 
عدى مش عارف يا جدو 
فريد لنفسه يا ترى فى ايه حصل هناك يا فهد 
فى المستشفى 
بعد وقت طويل جدآ جدآ خرج الدكتور من اوضت العمليات وهو مرهق جدآ
باسم طلع يجرى عليه وقال طمنى يا دكتور على فهد 
الدكتور كل شئ بأيد الله احنا عملنا كل حاجه نقدر عليها بس هو فقد نسبة ډم كبيره جدآ ولحتى الان مش لاقين الفصيله بتاعته وللاسف الشديد دخل فى غيبوبه وهو فى حاله خطره جدآ وهنحطه فى العنايه المركزه تحت الاجهزه والسعات اللى جايه لو عدت بسلام عليه يبقى فى امل فى الحاله انها تتحسن كل اللى فى ايديكم دلوقتى الدعاء ليه عن اذنك 
باسم كان بيسمع الكلام ده وهو مصډوم ومش قادر يصدق نفسه بص على اثر الدكتور وهو ماشى وفى الوقت ده طلع فهد على السرير من اوضت العمليات 
باسم جرى عليه ودموعه نزلت منه على منظر فهد وهو نايم على السرير ومش حاسس بحاجه ومسك ايديه وقال قوم يا فهد انا عارف انك قوى وهتقدر تعدى المرحله دى علشان خاطر كل اللى بيحبوك قوم علشان خاطر مليكه وعلشان خاطر عدى ابنك 
الممرض لو سمحت مينفعش كده اوع خلينا نحطه على الاجهزه احسن كده فى خطړ على حياته الوقت مش فى مصلحته 
باسم وسع السكه وسبهم يعدو وقعد يبص عليهم لحد ما اختفو مسح دموعه وقال لازم اهلو يعرفو وطلع تليفونه واتصل على فارس وانتظر الرد وبعد ثوانى رد فارس عليه 
فارس اذيك يا بسوم 
باسم بحزن فارس تعال دلوقتى حالا على الغردقه فى مستشفى 
فارس بقلق خير يا باسم 
باسم فهد عمل حاډثه بعربيته وهو فى المستشفى وحالته خطړ
فارس كان ماسك القهوه فى ايده وقع منه فى الارض وقال ايه
الكلام اللى انت بتقوله ده لا فهد كويس ومفهوش حاجه قول صح بالله عليك 
باسم بدموع اهدا يا فارس فهد محتاجنا كلنا حاوليه علشان يحس بينا ويتمسك بالحياه اكتر 
فارس بدموع انا جاى حالا يا باسم وقفل السكه ونزل يجرى ركب عربيته وراح على الغردقه 
عند مليكه 
نزلت من المستشفى وخرجت من الباب بس وقفت تانى 
مازن فى ايه تانى 
مليكه لالالا كل ما ببعد عن المكان بحس بحد بينادى على اسمى 
مازن يا بنتى انتى ملبوسه ولا ايه 
مليكه اول مره احس الاحساس ده مش قادره افهم ايه هو بالظبط بس كل اللى اعرفه ان الاحساس ده متعلق بالمكان ده وشاورت على المستشفى 
مازن دى فوازير رمضان صح حزر فزر 
مليكه لا بجد والله يا مازن احساس غريب فعلا 
مازن استعيذى بالله انتى بس ويلا يا ماما ربنا يهديكى 
مليكه بصت للمستشفى اوى وكأنها بتحفظ شكلها فى دمغها ومشيت مع مازن وركبت العربيه وراحو على الاسكندريه وبعد وقت طويل وصلت مليكه لعنوان بيتهم 
مازن هو ده العنوان 
مليكه ايوه تعال معايه اعرفك على ماما واخواتى 
مازن لا مره تانيه ممكن
اخد رقم تليفونك علشان لما احب اطمن عليكى 
مليكه للاسف تليفونى ضاع ومش لاقيه بس خد رقم اختى مها 
مازن ماشى هاتى 
مليكه قالت ليه الرقم 
مازن اوك انا هسجله عندى وابقى اتصل اطمن عليكى 
مليكه ان شاءالله تصبح على خير 
مازن وانتى من اهله 
ونزلت مليكه ومشى مازن بعربيته 
مليكه وانتى يا مها وكلكم وحشتونى
فايزه ادخلى يا حبيبتى ريحى شويه 
مليكه دخلت وقعدت على الكنبه 
فايزه امال فين اللى ما يتسمى جوزك 
مليكه بدموع انا طلبت منه الطلاق وسبته ومشيت 
مها اوعى يكون مد ايده عليكى 
مليكه بلعكس كان حنين اوعى معايه ومفكرش ولا مره يضربنى ولايمد ايده عليا وابتسمت ابتسامه خفيفه 
الكل بص لبعضه 
مى لما هو حنين اوى كده طلبتى الطلاق منه ليه ولا نفسك تاخدى لقب مطلقه قولتى اطلق منه 
مليكه ها لا انا مش بحبه وعايزه اطلق منه 
فايزه اهدى يا حبيبتى واللى انتى عايزه هيتنفذ 
مليكه دموعها نزلت منها وقالت انا مستحيل اعيش لو للحظه معاه يا ماما انا عايزه اطلق منه فى اسرع وقت 
مليكه وقفت وقالت تصبحو على خير 
الكل وانتى من اهله
ودخلت مليكه اوضتها واترمت على السرير وافتكرت منظر فهد مع مروه حطت ايديها على وشها وقعدت ټعيط لحد ما نامت 
مليكه مليكه 
مليكه مين بينادى 
انا محتاجك تعالى