همس المالك

قولت ادي لنفسي وليه فرصه!.. 
اتنهدت ماما بارتياح_ ربنا يجعلكوا من نصيب بعض يبنتي.. متعرفيش باشمهندس حازم ده محترم قد ايه ربنا يعلم انا قد ايه ارتاحتلوا ربنا يوفقك يا حبيبتي.. 
بابا_ يا رب يبنتي يريح قلبك وتريحي قلبنا نفسي اشيل اولادك قبل ماموت. 
_ اولاد اولاد ايه يا بابا دلوقتي.. بعد الشړ عليك.. 
قومت بعصبيه ودخلت اوضتي.. وقفلت الباب..ما انا مش هنسي تعامل ماما معايا وقد ايه هما كانوا بيغصبوني على الجواز حرفيا..مش هنسي ده لسه زعلانه انهم مهتموش لرايي ولا لكسره قلبي وكانوا عايزين يجوزوني بالڠصب.. وكمان بيقولوا اولاد اولاد ايه اللي بيفكروا فيهم!.. 
صحيت الصبح غسلت وشي ولبست جيبه سوده تيشيرت قصير شويه وعليه جاكت جينز والكوتشي وخرجت.. نزلت لقيتهم قاعدين بيفطروا.. بصتلهم ببرود واخدت مفاتيحي والفون من غير كلام وخرجت برا.. ركبت عربيتي وروحت الجامعه ودخلت قعدت في المحاضره ومسكت الفون اقلب ف بروفايل باشمهندس حازم او مالك اللي اقتحم حياتي فجاه كده.. معرفش ايه اللي خلاني ابعت ادد وقفلت الفون.. 
خلصت محاضره دكتور نادر واستدعاني علي مكتبه.. 
_ هو كل يوم يستدعاكي هو هيتقدم بجد ولا ايه وضحكت.. 
_لا يا ظريفه اتقدملي شخص هو كان معاه مش عارفه بقا يقربله ايه واتقرت فاتحتي كمان.. هحكيلك لما اخرج باي. 
خبطت على الباب
_ ادخل.. 
_هاي دكتور نادر حضرتك استدعتني تاني لي. 
_ معقول معندكيش اي فضول تعرفي حاجه عن اللي حصلت امبارح
ببرود_لا انا اتقرت فاتحتي علي شخص لو ارتاحنا مع بعض هنكمل اما لو مرتحناش هنبعد.. خير بقا 
ضحك بسخريه_ لا والله يعني مش عايزة تعرفي انا اقربله ايه حتي.. 
رديت بفضول_هو انت تقربله ايه 
رد ببراه_ اخوه.. 
رديت بذهول_ده بجد طب هو اسمه ايه عشان بجد توهت امبارح بابا يقول مالك وماما تقول حازم ومبقيتش فاهمه ايه حاجه خالص.. 
ضحك بخفه_ هو اسمه مالك.. بس الدلع بتاعه حازم.. اللي عايز يقوله مالك اوك واللي عايز حازم اوك برضو.. 
_امممم فهمت.. 
_ يلا روحي بقا عشان المحاضره بتاعتك هتبدا.. 
خلصت محاضراتي وروحت البيت.. طلعت غيرت هدومي ولبست بيجامه وقعدت.. مسكت الفون.. لقيت مالك قبل الادد ايه ده انا لي فرحانه كده لقيته باعتلي رساله.. اټصدمت من وقاحه كلامه .. 
لقيته بيقول_ ايه يا مزه عامله ايه اكيد مستحملتيش جمالي قمتي باعته طلب صداقتي طبعا ما انا جمالي فتاك هههه.. 
شوفت الرساله واتعصبت من غروره ووقاحته قد ايه مغرور.. 
بعتله رساله_هه لا ظريف خالص.. انا بعتت الادد مش عشان جمال عيونك.. بعتت عشان انت يعتبر خطيبي بس. 
_ لا والله هعمل نفسي مصدقك حاضر.. 
شوفت رسالته ومردتش.. 
عدا اسبوع بدون أحداث غير انه بيبعت رسايل يطمن ويغلس عليا شويه.. منكرش اني اعجبت بيه وبشخصيته وانه مرح بس مش عايزة اتعلق بيه عشان اسمع ان الحب بيوجع.. وانا مش عايزة اتوجع. 
خرجت من الفيلا عشان اروح الجامعه.. اټخضيت لما لقيته واقف وساند على العربيه بتاعتي.. 
_ ايه ده انت ايه جابك هنا
_ ايه ! جاي اشوف خطيبتي حبيبتي.. واوصلها لحد المدرسه كمان. 
ضحكت علي كلامه_ مدرسه وحبيبتك. انت شارب حاجه يبني 
بسرحان_ضحكتك جميله اوي علي فكرة.. 
اتكسفت.. اول مره حد يقولي الكلام ده..ضحك بصوت عالي_ مش يلا.. 
بجمود_مفيش يلا انا همشي بعربيتي لوحدي.. مينفعش اركب معاك لان مفيش اي حاجه بينا رسميه.. 
ابتسم ابتسامه لطيفه_ احلي بنت شوفتها في حياتي دي ولا ايه.. متخفيش يا نموسه انا اخدت ازن من عمي.. 
رديت بزهول _ نموسه انا يتقالي نموسه اوعااااا من وشي اوعااااااااا.. 
زقيته وركبت العربيه ومشيت
بسرعه.. لقيته نط على العربيه واتشعلق فيها من ورا.. اټصدمت وقعدت اضحك عليه.. 
بصويت_ يا لهوي الحقوني يا بنت المجنونه وقفي العربيه دي يا بت يا لهوي الحقوني
كنت بضحك عليه جامد وحرفيا كنت هعمل حاډثة من كتر الضحك... بس مستسلمتش وقعدت اسرع في العربيه لحد ما اخيرا وصلت الجامعه. .نزلت من عربيتي بكل اناقه ولا كان حاجه حصلت ولبست النضارة واخدت الموبايل والكتب ودخلت ومهتمتلوش اصلا.. مالك نزل من علي العربيه وهو دايخ ومش قادر يقف ووقع على الارض والامن جم يسندوه لحد المستشفى اللي جمب الجامعه.. 
خلصت محاضراتي وخرجت من الجامعه لقيت الامن بلغوني ان مالك في المستشفى.. قلبي وقع في رجلي وقلقت عليه وندمت اني عملت كده كنت..
كنت خاېفة عليه بجد..