انت ام هو
عن اذنك
لاحظت إنه إنصدم وعينيه دمعت اخدت البنت وقلتله عن إذنك ومشينا
رحت شقتي وأكلت وعد ونيمتها وجيت انام لقيت رسالة على تليفوني بإسم هشام..
استغربت هشام مبعتليش ولا مرة من يوم ما اتطلقنا
فتحت الماسدج لقيته كاتبلي هيام هي وعد پتكرهني
شفت الماسدج ومعرفتش أرد .. هو جاي يسأل بعد إيه
عدى يومين كنت بروح فيهم الشغل وبدور لوعد على حضانة اسيبها فيها وانا في الشغل وبرغم اني كنت مشغولة دماغي مبطلتش تفكير في اللي هشام قاله.. أنا لسة بحبه وأظن إن وعد صعبت عليه وممكن نرجع لبعض
في الشغل..
في يوم كنت راجعة من الشغل وبجيب وعد من الحضانة اتفاجئت بالميس بتقولي ان وعد ضر بت ولد بالكرسي على ضهره جامد جريت عليها واتفاجئت لما شفت محمد شايل سيف وسيف بيعيط !!
بصتله پصدمة وبعدين شاورت لوعد ورجعت بصتله تاني هي دي
اه هي
انت مش فاكرها
لا هو انا
عارفها اصلا
دي
وعد صاحبتك إنت وسند
اه صح افتكرتها
مكنتش اعرف انه صاحب سند
وهو لازم يبقى صاحب سند عشان نتعامل معاه باحترام يلا اعتذريله وتعالي نشتريله حاجة حلوة عشان نصالحه
قربت وعد منه وطبطبت على كتفه أنا اسفة يا سيف أنا بحبك ومش هزعلك تاني
أنا آسفة على اللي وعد عملته هي أول مرة تيجي الحضانة هنا ولسة مش واخدة على انها تبقى لوحدها
اتكلم بضحك لا عادي ولا يهمك حصل خير
بتضحك على ايه
اصل وعد غير أخوها تماما أخوها برغم إنه ولد لكن هادي ومش بتاع مشاكل انما وعد من أول مشافت سيف مسكت في خن اقة
بصلي باستغراب بنتك !
أه ... بنتي عن إذنك
كانت وعد وسيف رجعوا اخدت وعد وسلمت على سيف وقلت سلام عليكم ومشيت
كل يوم كنت بروح أخد وعد من الحضانة وبشوفه وهو بياخد سيف ساعات كنا بنبص لبعض وبنبتسم وساعات مكناش بنبص لبعض أصلا لحد ما في يوم كنت مخلصة شغلي وطالعة على الحضانة لقيت رقم غريب بيتصل عليا مردتش في الأول بس اتصل كذا مرة فرديت
وعليكم السلام مين معايا
أنا محمد .. جاركم
محمد وجبت رقمي إزاي بقي
وعد ادتهولي
طب خير في حاجة
كنت بستأذنك يعني لو هتروحي تجيبي وعد تجيبي سيف وتقعديه معاكوا عشان أنا مش في البيت
هو تمام مفيش مشكلة بس أنا اصلا مش راجعة على شقة أختي
هو انتي مشيتي صح
اه
انا بقول برضه مبقتش اشوفك ليه
احم... طب أنا هقفل عشان الحق اروح اجيبهم
يا عم خلاص مفيش مشاكل هرجعه البيت وبالمرة هعدي على اختي اسلم عليها
ماشي.. متشكر أوي
يلا سلام
قفلت معاه ورحت الحضانة خدتهم وطلعنا على بيت بسمة دخلت الولاد وسلمت على بسمة وسند وسبت الولاد يلعبوا ورنيت على محمد قلتله اننا وصلنا قالي انه خمس دقايق ويجي ناديت لسيف وقلتله يلا عشان تروح بيتك
خالو جه
خالو مين
خالو محمد
هو محمد خالك
اه
مش عارفة ليه حسيت براحة لما قالي كده.. كنت فاكرة ان سيف ابنه الله طب وانا مالي حتى لو كان ابنه نفضت كل الافكار من دماغي وقلتله اه وخليت سند يوصله ونزلت انا ووعد عشان نرجع شقتنا لسة بفتح باب العمارة لقيت قدامي
هشام مين محمد يا هيام
البارت التالت
أنت_أم_هوهشام !! إنت بتعمل إيه هنا
رد بعصبية بقول مين محمد إيه مش سامعة
محمد مين يا هشام معرفش
انتي هتستعبطي
هشام وطي صوتك احنا فنص العمارة
والله ده اللي هامك ومش هامك كلام الناس عليكي وسمعة بنتك مش مهمة
كلام ناس ايه وسمعة بنتي ايه انا مش فاهمة حاجة
انا كنت جايلك الشغل عشان اقابلك بعد ما تخلصي لسة هوقفك عشان اكلمك لقيتك بتكلميه في التليفون ممكن افهم كنتي بتكلمي مين
وانت مالك بكلم مين انت ناسي يا استاذ انك طليقي واني حرة دلوقتي وانت ملكش حق تحاسبني او تعرف حتى انا بكلم مين
والله ده لو حضرتك عايشة لوحدك مش معاكي بنتي
بنتك مش هي دي بنتك اللي اتخليت عنها بسبب انك مش عارف تحبها
انا متخليتش عنها انا مكنتش عايز اظلمها وبعدين متغيريش الموضوع ممكن افهم
مين محمد ده
ولو انك ملكش فيه محمد يبقى جار اختي وابن اخته عايش معاه وفي نفس الحضانة مع وعد جاب رقمي من وعد واتصل بيا عشان اجيب سيف ابن اخته معايا وانا بجيب وعد لأنه مكانش في البيت... ها حاجة تاني
أنا اسف إن صوتي علي
ضحكت بسخرية لا عادي مش أول مرة يلا يا وعد
استني
نعم
وعد أنا ... أنا بحبك يا قلب بابي ممكن تيجي تقعدي معايا شوية
بصلتي پخوف قلتلها عايزة تروحي
لا
ليه يا قلبي ده بابي مش غريب
بس انا مبحبوش
بصلها بدموع مبتحبينيش
وعد بصتلي و حضنتني وانا اخدتها وطلعنا من غير ما اكلمه خالص
طلعت البيت واخدتها على جنب وقلتلها ممكن افهم ليه قلتي كده لبابي
انا قلت اني مش بحبه ودي حقيقة مش انتوا كنتوا بتقولوا لازم نقول الحقيقة
أيوة يا حبيبتي بس مش كل مرة لازم نقول الحقيقة في وش اللي
قدامنا بشكل قاسې
وجاف ومش كل الناس لينا اختيار نحبهم او نكرههم يعني مثلا ممكن نحب زمايلنا وممكن لا لكن مامي و بابي لازم نحبهم مينفعش نكرههم
بس بابي مبيحبنيش
مين قال إنه مبيحبكيش
هو اللي قال
قال إيه
قبل ما يمشي سمعته وهو بيقول انا مش قادر احب وعد مش وعد دي اللي هي انا برضه
اټصدمت ان طفلة عندها خمس سنين فاهمة كلامنا وفاهمة انه سابها وفاهمة الكلام اللي هو بيقوله
لا يا حبيبتي انتي فاهمة غلط بابي بيحبك والدليل انه عايزك تروحي تقعدي عنده شوية
بجد
اه والله بصي ايه رأيك تروحي تقعدي عنده ولو مرتاحتيش تكلميني اجي اخدك
ماشي
السلام عليكم
وعليكم السلام
هشام انت لسة تحت
اه هي وعد ....
قاطعته انا اتكلمت مع وعد هي مش بتكرهك هي بس صغيرة وخاېفة
طب ممكن اطلع اتكلم معاها شوية
انا اقنعتها تيجي معاك
بجد
اه بجد بس خد بالك منها
في عيني اطلع اخدها دلوقتي
لا انا هسيبها تنزل
طب متيجي معاها متنزليهاش لوحدها
لا عادي هي متعودة تنزل لوحدها
اتنهد وقال طيب انا مستنيها
عملتلها اكل ونزلتها وهو اخدها وراحوا
بعد تلات ساعات لقيته بيتصل يقولي انه هيجيبها قلتله سيبها في العمارة من جوة ورن عليا وامشي..
شوية وجات نزلت اخدتها كان لسة ممشيش وعد جريت عليا حضنتني
بصتلها بابتسامة ها يا دودو اتبسطي
اوي اوي يا مامي آدم ده حلو اوي اوي
آدم مين
آدم أخويا
أخوكي !!!
البارت الرابع
أنت_أم_هو
انت اتجوزت
هشام بحزن آه
إزاي
مقلتلكيش عشان وعد متزعلش
اتجوزت منة صح
اه الله يرحمها
بصتله پصدمة هي ...
اټوفت وهي بتولد آدم اللي اتولد طفل مش طبيعي انا كل اللي عملته فيكي بيتردلي يا هيام بجد انا ندمان على اللي عملته معاكي
الله يرحمها عن اذنك
اخدت وعد وطلعنا برغم انه نده عليا اكتر من مرة بس مردتش عليه واخدتها وطلعت دخلت اوضتي قعدت اعيط
